| e-texts navigator |
| Wylie |
109b1 སློབ་པའོ། ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ་ཤེས་རབ་ཀྱི་ཕ་རོལ་དུ་ཕྱིན་པའི་བསླབ་པ་དེ་ནི་མཆོག་དམ་པ། རབ་ཕུལ་དུ་བྱུང་བ་བླ་ན་མེད་པའི་བསླབ་པའོ།། རབ་ཀྱི་རྩལ་གྱིས་རྣམ་པར་གནོན
109b2 པ་འདི་ལ་སློབ་པའི་བྱང་ཆུབ་སེམས་དཔའ་ནི་བསླབ་པ་ཐམས་ཅད་ཀྱི་དམ་པའི་མཆོག་རྙེད་པར་འགྱུར་རོ། ། བསླབ་པ་ཐམས་ཅད་བཟུང་བས་འབྱུང་བར་འགྱུར། བསླབ་པ་ཐམས་ཅད་ཀྱང་སྟོན་པར་འགྱུར། བསླབ་པ
109b3 ཐམས་ཅད་ཀྱང་ཐོབ་པར་བྱེད་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ་འདས་པ་དང་མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་སྤྱད་པ་སྤྱོད་པ་ནི། བསླབ་པ་འདི
109b4 ལ་བསླབས་སོ། ། སློབ་པོ། སློབ་པར་འགྱུར་རོ།། སངས་རྒྱས་བཅོམ་ལྡན་འདས་རྣམས་བསླབ་པ་འདི་ལ་ཤིན་དུ་གནས་ནས་སེམས་ཅན་ཐམས་ཅད་ལ་བླ་ན་མེད་པའི་བསླབ་པ་ཡོངས་སུ་དག་པར་རབ་ཏུ་བསྟན། ཡང་དག
109b5 པར་རབ་ཏུ་སྟོན། ཡང་དག་པར་རབ་ཏུ་སྟོན་པར་འགྱུར་རོ།། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། ཤེས་རབ་ཀྱི་ཕ་རོལ་དུ་ཕྱིན་པའི་བསླབ་པ་འདི་ནི་འཇིག་རྟེན་ཐམས་ཅད་ལ་མངོན་པར་འཕགས་པའི
109b6 བསླབ་པ་ཡིན་པའི་ཕྱིར་རོ། ། འདི་ལྟ་སྟེ། ཤེས་རབ་ཀྱི་ཕ་རོལ་དུ་ཕྱིན་པའི་བསླབ་པ་ནི་འཇིག་རྟེན་ཐམས་ཅད་ཀྱི་མཆོག་འཇིག་རྟེན་ཐམས་ཅད་ན། རང་བྱུང་གི་བསླབ་པའོ།། རབ་ཀྱི་རྩལ་གྱིས་རྣམ་པར་གནོན་པ་ཤེས
109b7 རབ་ཀྱི་ཕ་རོལ་དུ་ཕྱིན་པ་ལ་སློབ་པའི་བྱང་ཆུབ་སེམས་དང་ནི་ཇིག་རྟེན་པ་ད་ཇིག་རྟེན་ལས་འདས་པ་དང་། འདུས་བྱས་དང་། འདུས་མ་བྱས་དང་། ཟག་པ་དང་བཅས་པ་དང་། ཟག་པ་མེད་པ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ
109b8 བ་མེད་པ་དང་ཆོས་གང་ལ་ཡང་སློབ་པར་མི་འགྱུར། གང་དུ་ཡང་ཆགས་པ་མི་སྐྱེད་དེ། ཆོས་ཐམས་ཅད་ལ་མི་ཆགས་པར་གནས་པར་འགྱུར་རོ།། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ་ཆོས་ཐམས
iiif viewer powered by OpenSeadragon
