| e-texts navigator |
| Wylie |
109a1 ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་དུ་ཕྱིན་པ་བསྟན་པ་འདི་བྱང་ཆུབ་སེམས་དཔའ་གང་གི་ལག་དུ་སོང་བ་དེ་དག་ཐམས་ཅད་ཀྱང་། འདི་ལྟ་སྟེ་དེ་བཞིན་གཤེགས་པའི་འགྲོ་བའམ།
109a2 ཐམས་ཅད་མཁྱེན་པའི་འགྲོ་བར་འགྲོ་བ་གཅིག་ཏུ་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་མཚོ་ཆེན་པོ་རྒྱ་མཚོ་ནི་ཆུ་ཐམས་ཅད་ཀུན་དུ་འཛིན་ཏེ། དེར་རྟག་ཏུ་ཐམས་ཅད་འབབ་པོ།། རབ་ཀྱི་རྩལ
109a3 གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་དུ་ཕྱིན་པ་བསྟན་པ་འདི་བྱང་ཆུབ་སེམས་དཔའ་གང་གི་ལག་ཏུ་འགྲོ་བ་དེ་མྱུར་དུ་ཆོས་ཐམས་ཅད་ཀྱི་རྒྱ་མཚོ་དང་། ཆོས་ཐམས་ཅད་ཀྱི་སྡོད་དང་།། ཆོས་ཐམས་ཅད
109a4 ཡང་དག་པར་འདུ་བར་འགྱུར་ཏེ། མྱུར་དུ་ཆོས་ཀྱི་བརྡས་མི་འཁྲུགས་པར་འགྱུར་ཞིང་དེར་ཐུགས་པར་རིག་པར་བྱའོ།། རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་ཉི་མའི་དཀྱིལ་འཁོར་ཤར་ན་འོད་ཐམས་ཅད
109a5 མོག་མོགོ་པོར་བྱེད་དོ། ། རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་དུ་ཕྱིན་པ་འདི་ལ་ཤར་བའི་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ལ་ཆོས་ཀྱིས་སྣང་བར་བྱེད་པར་ཉེ་བར་གནས་པར
109a6 འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ་བྱང་ཆུབ་སེམས་དཔའ་ལ་འདི་ཤར་བས་སེམས་ཅན་ཐམས་ཅད་ཀྱི་དགེ་བའི་རྩ་བ་སྣང་བར་བྱེད་པར་ཉེ་བར་གནས་པར་འགྱུར།། སེམས་ཅན་ཐམས་ཅད་ཀྱི་སྦྱིན་གནས
109a7 སུ་འགྱུར། སེམས་ཅན་ཐམས་ཅད་ཀྱི་བསོད་ནམས་ཀྱི་ཞིང་རྣམ་པར་དག་པར་འགྱུར། སེམས་ཅན་ཐམས་ཅད་ཀྱི་འགྲོ་བ་བྱ་བར་འགྱུར། སེམས་ཅན་ཐམས་ཅད་ཀྱི་མཆོད་པར་འགྱུར། རབ་ཏུ་སྟོན་པར་འགྱུར་རོ།། རབ་ཀྱི་རྩལ
109a8 གྱིས་རྣམ་པར་གནོན་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སློབ་པའི་བྱང་ཆུབ་སེམས་དཔའ་ནི་བྱང་ཆུབ་སེམས་དཔའ་མཆོག་ལ་སློབ་པའོ། ། སེམས་ཅན་ཐམས་ཅད་ཀྱི་མྱ་ངན་ལས་འདས་པའི་ལམ་རྣམ་པར་སྦྱང་བའི་ཕྱིར
iiif viewer powered by OpenSeadragon
