| e-texts navigator |
| Wylie |
57a1 འཇིགས་བྱེད་ཞལ་ནས་གསུངས་པའི་གཟུངས། ། བསྲུང་བྱའི་ལས་བདུན་ལྡན་པའི་གཟུངས་མཆོག་འདི།། ཀུན་གྱི་ཐུན་མོང་མ་ཡིན་རྣལ་འབྱོར་དམ་པའི་གཟུངས།། རྣལ་འབྱོར་གྱི་རྣལ་འབྱོར་ཆེན
57a2 པོ་དོན་ཡོད་རྡོ་རྗེའི་ཞལ་སྔ་ནས་བསྒྱུར་ནས། བོད་ཀྱི་བན་དྷེ་སྐྱོ་འོད་འབྱུང་ལ་གནང་ངོ་།། །། འཕགས་པ་བདུད་རྩི་ཐབ་སྦྱོར་གྱི་སྙིང་པོ་བཞི་པ་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ།།
57a3 གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དྲག་པོ་ལ་ཕྱག་འཚལ།། དེ་ནས་ཁྲོ་བ་ཆེན་པོ་བདུད་རྩི་ཐབ་སྦྱོར་གྱིས་འཁོར་འདུས་པ་ཐམས་ཅད་ལ་གླང་པོ་ཆེའི་ལྷ་སྟངས་ཀྱིས་བལྟས་ནས་བཅོམ་ལྡན་འདས་ལ
57a4 འདི་སྐད་ཅེས་གསོལ་ཏོ། ། བཅོམ་ལྡན་འདས་འདིའི་སེམས་ཅན་རྣམས་ནི་བསོད་ནམས་དམན་པ་དང་། དྲན་ལ་མི་གནས་པ་དང་། པ་མ་ལ་མགུས་པ་དང་། བསོད་ནམས་ཆུང་བ་དང་། དད་པ་མ་མཆིས་པ་དང་།
57a5 གླགས་ཚོལ་བ་དང་། རྟག་ཏུ་ཟང་ཟིང་ལ་བརྐམ་པ་དང་། རྟག་ཏུ་ལོག་འདྲེན་དང་། འཚེ་བ་ཅན་དང་། ཤ་ཟ་རྣམས་ཀྱིས་ཟིན་པ་ལགས་ཏེ། བགེགས་དང་ལག་འདྲེན་དེ་དག་གཞིག་པ་དང་མཐར་གཏུགས་པའི
57a6 སླད་དུ་གསང་སྔགས་བཤད་པར་འཚལ་ལོ། ། དེ་ནས་བཅོམ་ལྡན་འདས་ཀྱིས་རྡོ་རྗེ་ཁྲོ་བོ་ལ་འདི་སྐད་ཅེས་བཀའ་སྩལ་ཏོ།། བདུད་རྩི་ཐབ་སྦྱོར་གང་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུས་པ་ནི་ལེགས
57a7 ལེགས་སོ། ། ཁྱོད་ལ་དེ་བཞིན་གཤེགས་པས་གནང་གིས་སེམས་ཅན་ཐམས་ཅད་ཀྱི་དོན་གྱི་ཕྱིར་གསང་སྔགས་ཤོད་ཅིག། དེ་ནས་ཁྲོ་བོ་བདུད་རྩི་ཟབ་སྦྱོར་གྱིས།། བཅོམ་ལྡན་འདས་དང་། ལག་ན་རྡོ་རྗེའི་ཞབས
57a8 ལ་གཏུགས་ནས་གསང་སྔགས་བཤད་པ། ན་མོ་རཏྣ་ཏྲ་ཡཱ་ཡ། ན་མཥྚ་ཎ་ཌ་བཛ་བཱ་ཎ་ཡེ། མ་ཏྲ་ཡཀྵ་སཾ་ནཱ་བཱ་ཏཱ་ཡེ། ན་མོ་བཛྲ་ཀྲོ་དྷཱ་ཡ། བྲ་ཛྭ་ལ་ཏི་དི་བི་ཏ། དདཥྚོ་ད་ཀཏ། བྷ་ཡ་བཻ་ར་བཱ་ཡ། ཨ་སི་མུ་ས་ལ། བརྦ
iiif viewer powered by OpenSeadragon
