| e-texts navigator |
| Wylie |
268a1 བཏི། ཙིན་ད་མ་ཎི་མ་ཧཱ་བ་དུ་མེ་རུ་རུ་ཏིནྟ། ཛྭ་ལ་ཨཱ་ཀར་ཥ་ཡ་ཧཱུཾ་ཕཊ་སྭཱ་ཧཱ། རྩ་བའི་སྔགས། རྫོགས་སྷོ།། །། ཨོཾ་བ་དུ་མོ་ཙན་དམ་ཎི་ཛྭ་ལ་ཧཱུཾ། སྙིང་པོའོ།། ཨོཾ་བྷ་རང་པ་དུ་མ་ཧཱུཾ།། ཉེ་བའི་སྙིང་པོའོ།།
268a2 ཨོཾ་མ་ཎི་བརྗོན་དྷ། གསང་བའི་སྙིང་པོའོ།། སྔགས་སྙིང་བཞིན་དུ་འབྱུང་། སྤྲིན་ལམ་དང་ཚིགས་སུ་བཅད་པ་དང་སྔགས་སུ་བཅས་པ། རྫོགས་སྷོ།། །། རྒྱ་གར་སྐད་དུ། ཨཱརྱ་བྷདྲཱ་ཙཱི་རྱཔྲ་ཎི་དྷཱན་རཱང་།
268a3 བོད་སྐད་དུ།། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་བ།། འཕགས་པ་འཇམ་དཔལ་གཞོན་ནུར་གྱུར་བ་ལ་ཕྱག་འཚལ་ལོ།། ཇི་སྙེད་སུ་དག་ཕྱོགས་བཅུའི་འཇིག་རྟེན་ན།། དུས་གསུམ་གཤེགས་པ
268a4 མི་ཡི་སེང་གེ་ཀུན། ། བདག་གིས་མ་ལུས་དེ་དག་ཐམས་ཅད་ལ།། ལུས་དང་ངག་ཡིད་དང་བས་ཕྱག་བགྱིའོ།། བཟང་པོ་སྤྱོད་པའི་སྨོན་ལམ་སྟོབས་དག་གིས།། རྒྱལ་བ་ཐམས་ཅད་ཡིད་ཀྱིས་མངོན་སུམ་དུ།། ཞིང་གི
268a5 རྡུལ་སྙེད་ལུས་རབ་བཏུད་པ་ཡིས། ། རྒྱལ་བ་ཀུན་ལ་རབ་ཏུ་ཕྱག་འཚལ་ལོ།། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས།། སངས་རྒྱས་སྲས་ཀྱི་དབུས་ན་བཞུགས་པ་དག། དེ་ལྟར་ཆོས་ཀྱི་དབྱིངས་རྣམས
268a6 མ་ལུས་པ། ། ཐམས་ཅད་རྒྱལ་བ་དག་གིས་གང་བར་མོས།། དེ་དག་བསྔགས་པ་མི་ཟད་རྒྱ་མཚོ་རྣ་མས།། དབྱངས་ཀྱི་ཡན་ལག་རྒྱ་མཚོ་སྒྲ་ཀུན་གྱིས།། རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་།། བདེ་བར་གཤེགས
268a7 པ་ཐམས་ཅད་བདག་གིས་བསྟོད། ། མེ་ཏོག་དམ་པ་ཕྲེང་བ་དམ་པ་དང་།། སིལ་སྙན་རྣམས་དང་བྱུག་པ་གདུགས་མཆོག་དང་།། མར་མེ་མཆོག་དང་བདུག་པ་དམ་པ་ཡིས།། རྒྱལ་བ་དེ་དག་ལ་ནི་མཆོད་པར་བགྱི
268a8 ན་བཟའ་དམ་པ་རྣམས་དང་དྲི་མཆོག་དང་། ། ཕྱེ་མའི་བུར་མ་རི་རབ་མཉམ་པ་དང་།། བཀོད་པའི་ཁྱབ་པར་འཕགས་པའི་མཆོག་ཀུན་གྱིས།། རྒྱལ་བ་དེ་དག་ལ་ནི་མཆོད་པར་བགྱི།། མཆོད་པ་གང་རྣམས་བླ་མེད་རྒྱ
iiif viewer powered by OpenSeadragon
