| e-texts navigator |
| Wylie |
267b1 པར་བགྱིད་པར་གྱུར་ཅིག། ཇི་ལྟར་དུས་གསུམ་གྱི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་ཐུགས་རྗེའི་བདག་ཉིད་འཕགས་པ་སྤྱན་རས་གཟིགས་དབང་ཕྱུག་རྗེས་སུ་དྲན་པ་དང་མཚན་ནས་བརྗོད་པས
267b2 དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱི་མཚན་ནས་བརྗོད་ཅིང་བསྙེན་བཀུར་བགྱིས་པར་གྱུར་ཅིག། ཇི་ལྟར་དུས་གསུམ་གྱི་རྒྱལ་བསྲས་དང་བཅས་པ་ཐམས་ཅད་ཀྱིས་ཐུགས་རྗེའི་རང་བཞིན
267b3 འཕགས་པ་སྤྱན་རས་གཟིགས་དབང་ཕྱུག་དེ་རྗེས་སུ་དྲན་པ་དང་མཚན་ནས་བརྗོད་ཅིང་། མཆོད་པ་བགྱིས་པས། ཐུགས་རྗེ་ཆེན་པོའི་ཡུལ་དུ་གྱུར་པ་སེམས་ཅན་ཐམས་ཅད་ལ་ཡང་སྙིང་རྗེ་ཆེན་པོའི་ཐབས་ཀྱིས
267b4 སྦྱོར་བ་རྒྱུན་མི་འཆད་པར་འབྱུང་བར་གྱུར་ཅིག། ཇི་སྲིད་བདག་ནི་འཁོར་བའི་ཚེ།། དེ་སྙེད་བདག་ནི་ལུས་སྐྱེས་པར།། དེ་སྲིད་མགོན་པོ་མཆོད་བགྱིད་ཅིང་།། དེ་སྙེད་ལུས་སྦྱོར་ཚོགས་བགྱིད་ཤོག། ཇི་སྲིད་བདག་ནི
267b5 འཁོར་བའི་ཚེ། ། ཇི་སྐད་བདག་གིས་དག་སྐྱེས་པར།། དེ་སྲིད་མགོན་པོ་མཚན་བརྗོད་ཅིང་།། དག་གི་སྦྱོར་བ་ཚོགས་བགྱིད་ཤོག། ཇི་སྲིད་བདག་ནི་འཁོར་བ་ན།། དེ་སྙེད་བདག་གི་ཡིད་འབྱུང་བ།། དེ་སྙེད་མགོན
267b6 ལོ་རྗེས་དྲན་ཞིང་། ། ཡིད་སྦྱོར་ཚོགས་པར་བགྱིད་གྱུར་ཅིག། དེ་ལྟར་ལུས་དང་དག་ཡིད་ཀྱིས།། ཐུགས་རྗེའི་དབང་ཕྱུག་རྟེན་བགྱིས་པས།། ལུས་དང་ངག་ཡིད་སྐྱོན་བྲལ་ཞིང་།། ཡོན་ཏན་ཕུན་སུམ་ཚོགས
267b7 གྱུར་ཅིག། དེ་ལྟར་ལུས་ངག་ཡིད་ཀྱིས་སུ།། ཐུགས་རྗེའི་དབང་ཕྱུག་སྐུ་གསུང་ཐུགས།། རྟག་ཏུ་སྦྱོར་བར་བགྱིད་པས་ན།། ཐུགས་རྗེའི་དབང་ཕྱུག་སྤྱན་རས་གཟིགས།། སྲིད་གསུམ་རེ་བའི་གནས་གཅིག
267b8 པོ། ། དེ་འདྲར་བདག་ཀྱང་གྲུབ་གྱུར་ཏེ།། སྲིད་གསུམ་རེ་རྫོགས་བགྱིད་གྱུར་ཅིག། ན་མོ་རད་ཏྲ་ཡཱ་ཡ། ན་མོ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀ་རུ་ཎི་ཀཱ་ཡ། ཨོཾ་ཙཀྲ
iiif viewer powered by OpenSeadragon
