| e-texts navigator |
| Wylie |
246b1 དེ་དག་ཟོས་པ་ཙམ་གྱིས་ཡི་དགས་ཀྱི་འཇིག་རྟེན་ནས་ཤི་འཕོས་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ།། ཀུན་དགའ་བོ་ཁྱོད་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་རྟག་ཏུ་རྒྱུན།
246b2 མི་འཆད་པར་ཁོར་ཟུག་ཏུ་བསྙེད་པར་བྱའོ།། དེ་ལྟར་བྱས་ན་བསོད་ནམས་ཀྱི་ཕུང་པོ་དང་ལྡན་པར་འགྱུར་ཏེ། ཚེ་ཡང་རིང་བར་འགྱུར་རོ།། དེ་བཞིན་གཤེགས་པ་བྱེ་བ་ཕྲག་འབུམ་གྱི་བསོད་ནམས་ཀྱི་ཕུང་པོ་དང་ལྡན་པར
246b3 འགྱུར་རོ། ། རྟག་ཏུ་མི་མ་ཡིན་པ་ཆུབ་འབྱུང་པོ་དང་། ཤ་ཟ་ལ་སོགས་པ་དང་། གནོད་སྦྱིན་དང་། སྲིན་པོ་དང་། གདོན་དང་ཡི་དགས་པ། རྣམས་ཀྱིས་མི་མཐོང་བར་འགྱུར་རོ།། སྟོབས་དང་། བརྩོན་འགྲུས་དང་ཡང་ལྡན་པར
246b4 འགྱུར་རོ། ། གཟུགས་དང་ལྡན་པ་དང་། གཟི་བརྗིད་དང་ལྡན་པ་དང་། དྲན་པ་དང་ལྡན་པར་ཡང་འགྱུར་རོ།། བྲམ་ཟེའི་དྲང་སྲོང་ཚིམ་པར་བྱེད་འདོད་པ་དེས་ནི་མཆེད་ཡོན་དང་། དབུལ་བར་བྱ་བ་སྣོད་བཀང་བ་ལ་ལན་བདུན
246b5 བཟླས་བརྗོད་བྱས་ལ་འབབ་ཆུག་ལ་ཡོད་པའི་གནས་དེར་སྦྱིན་པར་བྱའོ། ། དེ་ལྟར་བས་ན་བྲམ་ཟེའི་དྲང་སྲོང་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དུ་མའི་བྱེ་མ་སྙེད་དག་ལྷའི་བཟའ་བ་དང་བཏུད་པ་རྣམས་ཀྱིས
246b6 ཚིམ་པར་བྱས་པར་འགྱུར་རོ། ། བྲམ་ཟེའི་དྲང་སྲོང་དེ་དག་ཀྱང་དབང་པོ་ཚིམ་པར་འགྱུར་ཏེ། དེ་དག་ཐམས་ཅད་ཀྱིས་ཨོཾ་བདེ་ལེགས་སུ་གྱུར་ཅིག་ཅེས་བྱ་བའི་སྒྲ་འབྱིན་པར་བྱེད་ལ། སེམས་ཅན་དེ་དག་ཀྱང་བསམ་པ་ཡོངས་སུ
246b7 དག་པར་འགྱུར་ཏེ། བྲམ་ཟེའི་གཟི་བརྗིད་དང་ལྡན་པར་འགྱུར་རོ།། རྟག་ཏུ་ཚངས་པར་སྤྱོད་པར་ཡང་འགྱུར་རོ།། དེ་བཞིན་གཤེགས་པ་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་གི་དགེ་བའི་རྩ་བ་དང
246b8 ལྡན་པར་ཡང་འགྱུར་རོ། ། རྟག་ཏུ་དགྲ་ཐམས་ཅད་ཤིགས་པར་འགྱུར་རོ།། མེ་ཏོག་གམ། བདུག་པ་འམ། སྤོས་སམ། ཟས་དང་སྐོམ་གྱི་ཡོ་བྱད་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་སངས་རྒྱས་དང་། ཆོས་དང་།
iiif viewer powered by OpenSeadragon
