| e-texts navigator |
| Wylie |
9b1 ཀྱེ་མཐུ་དང་སངས་རྒྱས་ཀྱི་བྱིན་གྱིས་རླབས་ཀྱིས་ཆོས་བསྟན་པ་འདི་ལ་སྤོབས་པ་སྐྱེད་ཅིག། དེ་ནས་སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་ཐོགས་པ་མེད་པའི་ཡེ་ཤེས་ཀྱི་སྔ
9b2 བ་དང་། སྒྲིབ་པ་མེད་པ་དང་། ཆོད་པ་མེད་པ་དང་། བརྗེད་པ་མེད་པའི་ཆོས་ཉིད་དང་། ཐ་དད་པ་མེད་པའི་ཡེ་ཤེས་དང་།། ང་ན་མ་ཐོ་བ་མེད་པ་དང་། ཟིལ་གྱིས་མི་ནོན་པ་དང་། ཞུམ་པ་མེད་པ་དང་། འཕྲོགས་པ་མེད་པའི་ཆོས་ཉིད
9b3 དང་། བརྗོད་པ་བཟང་པོ་ཉེ་བར་སྒྲུབ་པ་མཛད་དོ།། དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་འདི་ཉིད་ཀྱི་ཆོས་ཉིད་ཐོབ་པའི་ཕྱིར་རོ།། དེ་ནས་སངས་རྒྱས་བཅོམ་ལྡན་འདས་དེ་དག་གིས་ཕྱག་གཡས་པ་བརྐྱང་སྟེ། བྱང་ཆུབ
9b4 སེམས་དཔའ་ཆོས་ཀྱི་བློ་གོས་ཀྱི་མགོ་ལ་ཉུག་པ་མཛད་དེ། སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་རེག་མ་ཐག་ཏུ། དེ་ནས་ཏིང་ངེ་འཛིན་དེ་ལས་ལངས་ནས་བྱང་ཆུབ་སེམས
9b5 དཔའ་དེ་དག་ལ་སྨྲས་པ། ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་རྣམས་ཀྱི་རིགས་འདི་ནི་འདི་ལྟ་སྟེ། ཆོས་ཀྱི་དབྱིངས་ཀྱིས་ཀླས་པ་དང་། ནམ་མཁའི་ཁམས་ཀྱི་མཐས་གཏུགས་པ་བས་རྒྱ་ཆེ་བའོ།། ཀྱེ་རྒྱལ་བའི་སྲས།
9b6 ངག་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན། མ་བྱོན་པའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན། ད་ལྟར།
9b7 བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བ་ཡིན་ནོ།། དེ་ནས་བྱང་ཆུབ་སེམས་དཔའ་དེ་དག་གིས་བྱང་ཆུབ་སེམས་དཔའ་ཆོས་ཀྱི་བློ་གྲོས་ལ་འདི་སྐད་ཅེས་སྨྲས་སོ།། ཀྱེ་རྒྱལ་བའི་སྲས་གང་དག་འདས་པ་དང་མ།
9b8 བྱིན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིགས་སུ་སྐྱེ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་གང་ཡིན། གང་ལས་བསམས་ཏེ་དེ་སྐད་སྨྲ། ཀྱེ་རྒྱལ་བའི་སྲས་དག་བྱང་ཆུབ་སེམས
iiif viewer powered by OpenSeadragon
