| e-texts navigator |
| Wylie |
8b1 བུ་དོན་དེ་ཉིད་ཤེས་པར་བྱ་བའི་ཕྱིར་ཁྱོད་ལ་དཔེ་བྱའོ། ། རིགས་ཀྱི་བུ་འདི་ལྟ་སྟེ་དཔེར་ན་རྡོ་རྗེ་ངན་དོན་གྱིས་ཀྱང་རི་བྲག་ཆེན་པོ་རྣམ་པར་འཇིག་གོ། རིགས་ཀྱི་བུ་དེ་བཞིན་དུ་ཁྱོད་ཀྱི་སྤུའི་ཁུང་བུ་གཅིག་ན་ཤེས་རབ་འདུག་པ་གང་ཡིན།
8b2 པ་དེ་ནི་ཁོ་བོ་ལྟ་བུའི་སེམས་ཅན་རྡུལ་ཕྲ་རབ་ཀྱི་རྡུལ་སྙེད་རྣམས་ལ་མེད་དོ།། རིགས་ཀྱི་བུ་དོན་དེ་ཉིད་ཤེས་པར་བྱ་བའི་ཕྱིར་ཡང་ཁྱོད་ལ་དཔེ་བྱའོ།། རིགས་ཀྱི་བུ་འདི་ལྟ་སྟེ་དཔེར་ན་བ་ལང་གླང་པོ་ཆེ་ཤིན་དུ་མི་བཟད་པ་ཆེན་པོ
8b3 དེ་ཡང་མི་སྟོབས་དང་ལྡན་པས་ལྕགས་ཀྱུ་ཆུང་ངུས་དུལ་བར་བྱེད་དོ། ། རིགས་ཀྱི་བུ་དེ་བཞིན་དུ་ཁྱོད་ནི་སྟོབས་དང་ལྡན་པ། ཁོ་བོ་ནི་ཉམ་ཆུང་བ་སྟེ། གླང་པོ་ཆེ་ཆེན་པོ་འདི་ལྟ་བུ་དང་ཁོ་བོ་འགྱེ་ག་ལ་ནུས། དེ་ནས་བཅོམ་ལྡན་འདས
8b4 ལ་གནས་བརྟན་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཅོམ་ལྡན་འདས་འདི་ལྟ་སྟེ། དཔེར་ན་མི་དམུས་ལོང་གིས་ཤུལ་དུ་མཆི་བ་འམ། གྲོང་ཁྱེར་མཐོང་བར་ཡང་རྔོ་མི་ཐོགས་ན་ཁྱིམ་ནས་ཁྱིམ་དུ་མཆི་བའི་རྡོ་ལྟ་ག་ལ་ཐོག
8b5 སྟེ། དེ་ནི་གནས་མ་མཆིས་སོ།། དེ་བཞིན་དུ་གླང་པོ་ཆེ་ཆེན་པོ་ལྟ་བུ་འདི་དག་གི་འདུན་ན་བདག་ནི་དམུས་ལོང་དང་མཚུངས་པར་མཐོང་སྟེ། སངས་རྒྱས་ཀྱི་ཆོས་འདི་དག་ནི་དེ་ཙམ་དུ་རྒྱ་ཆེ་བ་ལགས་སོ།། བདག་ནི་སངས་རྒྱས་ཀྱི་ཆོས
8b6 རྣམས་ཀྱི་སྣོད་དུ་མ་གྱུར་ཏེ། ད་ཅི་བགྱིར་ཡང་མ་མཆིས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་དེ་སྐད་མ་ཟེར་ཅིག། ཤཱ་ར་དྭ་ཏིའི་བུ་འདི་ལྟ་སྟེ་དཔེར་ན་དེ་བཞིན་གཤེགས་པའི་འོད་ཀྱིས་སེམས་ཅན་ཇི
8b7 སྙེད་ཅིག་ལ་རེག་པ་དེ་དག་ཐམས་ཅད་སངས་རྒྱས་ཀྱི་ཆོས་རྣམས་ཐོབ་པ་ཡིན་ནོ། ། ཤཱ་ར་དྭ་ཏིའི་བུ་དེ་བཞིན་དུ་ཁྱོད་ནི་ཏིང་ངེ་འཛིན་མཐའ་ཡས་ཤིང་བསམ་གྱིས་མི་ཁྱབ་པ་ཐོབ་པ་ཡིན་ནོ།། བཅོམ་ལྡན་འདས་ཀྱིས་ཆོས་ཀྱི་རྣམ
8b8 གྲངས་འདི་བཤད་པ་ན། ལྷ་དང་མིའི་སྐྱེ་དགུ་ལས་སེམས་ཅན་དགུ་ཁྲི་ཉིས་སྟོང་གིས་ཆོས་མངོན་པར་རྟོགས་པར་གྱུར་ཏོ།། དེ་ནས་བྱང་ཆུབ་སེམས་དཔའ་ཆོས་ཀྱི་བློ་གྲོས་བྱང་ཆུབ་སེམས་དཔའི་ཏིང་ངེ་འཛིན་དཀོན་མཆོག་ཏུ
iiif viewer powered by OpenSeadragon
