| e-texts navigator |
| Wylie |
7b1 ཆོས་ཐམས་ཅད་ཀྱི་རྒྱུ་འཐུན་པ་ཡིན་ནོ། ། འདི་ནི་ཆོས་ཀྱི་ཆར་ཆེན་པོ་ཡིན་ནོ།། དེ་ནས་ཤིང་ས་ལ་ཆེན་པོ་ལྟ་བུའི་བྲམ་ཟེ་མཉམ་པ་ཉིད་དུ་གནས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ
7b2 ནི་ནཉམ་པ་ཉིད་བསམ་གྱིས་མི་ཁྱབ་པ་ལགས་ཏེ། དེ་ལ་ཡི་གེ་མི་དམིགས། ཚིག་འབྲུ་མི་དམིགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཆོས་ཀྱི་དབྱིངས་ལ་ཚིག་འབྲུ་ཕྱི་སྣང་། དོན་ཀྱང་མི་སྣང
7b3 དོ། ། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་སྟོང་པ་ཉིད་ཀྱི་རྒྱུ་འཐུན་པ་གང་ལགས། རྣམ་པ་གང་ལགས། རྟགས་གང་ལགས་མཚན་མ་གང་ལགས། བཅོམ
7b4 ལྡན་འདས་ཀྱིས་བཀའ་སྩལ་པ། འཇམ་དཔལ་སྟོང་པ་ཉིད་ནི་བརྗོད་དུ་མེད་པ། བསྙད་དུ་མེད་པ་སྟེ། བརྗོད་དུ་མེད་པའི་ཆོས་ཉིད་འདི་ལ་མོས་པ་གང་ཡིན་པ་དེ་སྟོང་པ་ཉིད་ཅེས་བྱའོ།། སྟོང་པ་ཉིད་དེ་ནི་ཡི་གེ་མེད་པ་སྟེ། དེའི་ཕྱིར
7b5 སྟོང་པ་ཉིད་ཅེས་བྱའོ། ། སྟོང་པ་ཉིད་དེ་ནི་བསྙད་དུ་མེད་པ་སྟེ། དེའི་ཕྱིར་སྟོང་པ་ཉིད་ཅེས་བྱའོ།། རིགས་ཀྱི་བུ་ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་ངོ་།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ
7b6 ཏོ། ། བཅོམ་ལྡན་འདས་བྱང་ཆུབ་སེམས་དཔའ་བསམ་གྱིས་མི་ཁྱབ་པའི་ཆོས་ལ་གནས་པ་རྣམས་ཀྱི་རྣམ་པར་འཕྲུལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། ཚེ་དང་ལྡན་པ་ཤཱ་ར་དྭ་ཏིའི་བུ་སེམས་དང་པོ་བསྐྱེད་བཱི།
7b7 བྱང་ཆུབ་སེམས་དཔའི་ཤེས་པ་ནི་མཆོག་ཡིན་གྱི་དགྲ་བཅོམ་པའི་ཤེས་པ་ནི་དེ་ལྟར་མ་ཡིན་ནོ།། དེ་ཅིའི་ཕྱིར་ཞེ་ན། དགྲ་བཅོམ་པ་ནི་སངས་རྒྱས་ཀྱི་ཆོས་རྣམས་ལས་རིང་དུ་གནས་ལ། བྱང་ཆུབ་སེམས་དཔའ་དེ་ནི་སངས་རྒྱས་བཅོམ
7b8 ལྡན་འདས་སུ་འགྱུར་བའི་ཕྱིར་རོ། ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་དབང་ཕྱུག་གི་རྒྱལ་པོ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་བཅོམ་ལྡན་འདས
iiif viewer powered by OpenSeadragon
