| e-texts navigator |
| Wylie |
7a1 པའི་ཕྱིར་ཞེ་ན། ཕུང་པོ་ལྔ་དམིགས་པ་མེད་པའི་ཕྱིར་རོ།། འཇམ་དཔལ་གྱིས་སྨྲས་པ། བྱང་ཆུབ་སྤྲོས་པ་དང་བཅས་པ་ཡིན་ནམ། འོན་ཏེ་སྤྲོས་པ་མེད་པ་ཡིན། བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ།
7a2 རིགས་ཀྱི་བུ་བྱང་ཆུབ་ནི་སྤྲོས་པ་དང་བཅས་པ་ཡང་མ་ཡིན། སྤྲོས་པ་མེད་པ་ཡང་མ་ཡིན་ཏེ། འདི་ལྟར་བྱང་ཆུབ་དང་། སྤྲོས་པ་དང་བཅས་པ་དང་། སྤྲོས་པ་མེད་པ་ནི་གཉིས་སུ་མེད་དེ་གཉིས་སུ་དབྱེར་མེད་དོ།། དེ་ནས་བཅོམ་ལྡན
7a3 འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་ལ་རིགས་ཀྱི་བུ་བསམ་གྱིས་མི་ཁྱབ་པ་བསྟན་པ་འདི་ལེགས་སོ་ལེགས་སོ་ཞེས་བྱ་བ་བྱིན་ནོ། ། གཏམ་འདི་བརྗོད་པས་ལྷ་དང་བཅས་པའི་འཇིག་རྟེན་འདི
7a4 ལ་རྨོངས་པར་འགྱུར་རོ། ། འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་བསྟན་པ་འདི་ལྟ་བུ་ནི་རྣམ་པར་འཚལ་བར་མི་རུང་ངོ་།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ
7a5 བཞིན་ནོ། ། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཐམས་ཅད་བཏགས་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ
7a6 བཞིན་ཏེ། ཇི་སྐད་སྨྲས་པ་བཞིན་ནོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་དུ་བཟང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་རྣམ་པར་དག་པའི་སྒོ་འདི་ནི་མོས་པར་བགྱི་དཀའ་བ་ལགས་སོ།།
7a7 བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ
7a8 སེམས་དཔའ་ཀུན་ཏུ་བཟང་པོས་རྣམ་པར་དག་པའི་སྒོ་བསྟན་པ་འདི་ལེགས་པར་སྤྲས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ།། རིགས་ཀྱི་བུ་གཞན་ཡང་འདིན
iiif viewer powered by OpenSeadragon
