| e-texts navigator |
| Wylie |
5a1 དཔའ་ཆེན་པོ་སྤྱན་རས་གཟིགས་དབང་ཕྱུག་ཏིང་ངེ་འཛིན་དེ་ལས་ལངས་ནས་འདི་ལྟ་སྟེ། སྐྱེས་བུ་སྟོབས་དང་ལྡན་པ་ཞེས་བྱ་བ་དེ་ལག་པ་བསྐུམ་པ་ལས་བརྐྱང་བ་འམ།
5a2 བརྐྱང་བ་ལས་བསྐུམ་པ་དང་སེ་གོལ་གཏོགས་པ་ཙམ་གྱིས་ཀྱང་མིག་འབྱེད་འཛུམས་པ་སྐད་ཅིག་ཙམ་གྱི་ཏིང་ངེ་འཛིན་རྫུ་འཕྲུལ་གྱི་སྟོབས་མགྱོགས་པའི་བློ་ཞེས་བྱ་བའི་ཏིང་ངེ་འཛིན་གྱི་ཁྱད་པར་རྣམ་པར་འཕྲུལ
5a3 པ་ཉིད་ཅེས་བྱ་བ་ལ་སྙོམས་པར་ཞུགས་ཏེ། མི་མཇེད་ཀྱི་འཇིག་རྟེན་གྱི་ཁམས་སུ་འོངས་ནས་ཀྱང་སླར་འཁོད་དེ། སྟེང་གི་ནམ་མཁའི་མཐིལ་དུ་ནོར་བུ་རིན་པོ་ཆེ་ཆེན་པོ་ལ་སོ་སོར་འཁོད་པའི་འཁོར
5a4 དཀྱིལ་འཁོར་ཆེན་པོ་སླར་འཁོད་ནས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་དུ་འོད་ཟེར་ཆེན་པོའི་ཀུན་ཏུ་སྣང་བས་ཀུན་ཏུ་སྣང་བར་བྱས་ནས། རིན་པོ་ཆེའི་སྣང་བའི་བདག་པོའི་རྒྱན་གསལ
5a5 བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཏིང་ངེ་འཛིན་ལ་སྙོམས་པར་ཞུགས་མ་ཐག
5a6 ཏུ་ཁང་པ་བརྩེགས་པ་རིན་པོ་ཆེ་དུ་མས་རྣམ་པར་ཕྱེ་བ་དང་། རིན་པོ་ཆེའི་གདུགས་དུ་མས་དཔག་ཚད་བརྒྱ་སྟོང་ཕྲག་ཏུ་ཁྱབ་པ་དང་། ལྷའི་གོས་དང་། དར་གྱི་རྒྱན་གྱིས་མཛེས་པར
5a7 སྤྲས་པ་དང་། ལྷའི་མེ་ཏོག་དང་། བ་དན་དང་། རྒྱལ་མཚན་དང་། ཕྲེང་བ་དང་། རིན་པོ་ཆེ་གཡེར་ཁའི་དྲ་བ་བཅིངས་པ། སྒྲ་སྙན་པ་འཁྲོལ་བ་འཇུག་པ་དང་།
5a8 བྱང་ཆུབ་སེམས་དཔའ་སོ་སོར་གནས་པར་བྱེད་པ། ལྷའི་དྲི་དང་། ཕྲེང་བ་དང་། བྱུག་པ་དང་། ཕྱེ་མའི་ཆར་འབེབས་པར་བྱེད་པ། མངོན་པར་སྤྲུལ་ཏེ་བཅོམ་ལྡན་འདས་ཤཱཀྱ
iiif viewer powered by OpenSeadragon
