| e-texts navigator |
| Wylie |
331b1 ས་དང་། ནམ་མཁའ་ལ་གནས་པ་དང་། སེམས་རབ་ཏུ་འགུལ་བ་དང་། ཐམས་ཅད་དང་ལྡན་པའི་ས་འདི་རང་འགུལ་བས་སྐྲག་ཅིང་མེ་ཏོག་གི་ཆར་འབབ་པ་དང་། བར་སྣང་ལས་སྤྱོད་པའི་འབྱུང་པོ་བྱེ་བས་ཐམས་ཅད་དུ
331b2 འགྲོ་བའི་གདུག་པ་རབ་ཏུ་བཏུལ་ལོ། ། དེ་ནས་ཡང་བྱང་ཆུབ་སེམས་དཔའ་མཐུ་ཆེན་ཐོབ་ཀྱིས་དེ་བཞིན་གཤེགས་པ་ཤཱཀྱ་ཐུབ་པ་ལ་ཡོངས་སུ་ཞུས་པ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། བཅོམ་ལྡན་འདས
331b3 ཀྱིས་བཀའ་སྩལ་པ། རིགས་ཀྱི་བུ་དེས་ན། རལ་པ་གྱེན་བརྫེས་ཞེས་བྱ་བར་ཡང་ཟུང་ཤིག། རྟོག་པའི་རྒྱལ་པོ་ཞེས་བྱ་བར་ཡང་ཟུང་ཤིག། སྤྱན་རས་གཟིགས་དབང་ཕྱུག་གིས་ཞུས་པ་ཞེས་བྱ་བར་ཟུང་ཤིག། རིག་པ་དང
331b4 གསང་སྔགས་ཀྱི་སྤྱོད་པའི་མདོ་སྡེ་ཞེས་བྱ་བར་ཡང་ཟུང་ཤིག། རྟོག་པའི་རྒྱལ་པོ་ཆེན་པོའི་ལེའུ་རབ་འབྱམ་ཞེས་བྱ་བར་ཡང་ཟུང་ཤིག། ཐབས་ཀྱི་སྤྱོད་པ་ཞེས་བྱ་བར་ཡང་ཟུང་ཤིག། དེ་ནས་བྱང་ཆུབ་སེམས་དཔའ
331b5 བྱམས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་དགེ་བའི་རྩ་བ་ཇི་ཙམ་གྱིས་དེ་རྣམས་ཡང་དག་པར་ལྡན་པར་འགྱུར། ཆོས་དུ་ཞིག་གིས་ལྷག་པར་གནས་པ་ལགས། བྱམས་པ། དེས་གང་ཆོས་བཅུས་འདི་ལྟ་བུ
331b6 མཐོང་བ་ཁོ་ན་སྟེ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང་དང་། མི་འམ་ཅི་དང་། ཡི་དགས་ལ་སོགས
331b7 པ་རྣམས་ཀྱིས་ཀུན་ཏུ་བསྲུངས་པར་འགྱུར་བ་དང་། གཟུངས་མཉམ་པའི་སེམས་ཟབ་མོའི་བཟོད་པ་དང་ལྡན་པར་འགྱུར་བ་དང་། དགེ་བའི་ཆོས་ལས་ཀུན་ཏུ་གནས་པའི་ས་ཇི་སྲིད་དུ་འདྲི་བར་འགྱུར་བ་དང་། བྲིས་ནས་འཆང་བར
331b8 འགྱུར་བ་དང་། གླེགས་བམ་དུ་འགྱུར་བ་བྱས་ནས་མཆོད་པར་འགྱུར་བ་དང་། ཚེ་དང་ནད་མེད་པ་དང་། དབང་ཕྱུག་དང་། བདེ་བ་ཕུན་སུམ་ཚོགས་པར་འགྱུར་བ་དང་། བདེ་འགྲོར་འགྲོ་བ་སྟེ། ཕན་ཡོན་མང་པོ་ཉིད་དང་། ཕན
iiif viewer powered by OpenSeadragon
