| e-texts navigator |
| Wylie |
2b1 བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དེ་གསུང་དུ་གསོལ།། དེ་བཞིན་གཤེགས་པ་རྣམས་ཐམས་ཅད་དོན་མེད་པར་གསུང་བར་བྱེད་པ་མ་ལགས་ན། བཅོམ་ལྡན་འདས་བྱམས་པའི
2b2 སེམས་དང་། བདག་ཅག་དང་། སེམས་ཅན་ཐམས་ཅད་ལ་རྗེས་སུ་བརྩེ་བ་ཉེ་བར་བཟུང་ནས་དེ་གསུང་དུ་གསོལ།། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ
2b3 འཁོར་ཆེན་པོ་ལ་སངས་རྒྱས་ཀྱི་སྤྱན་གྱིས་རྣམ་པར་གཟིགས་ནས་རྣམ་པར་དག་པའི་ཡུལ་ལ་འོད་ཟེར་རྣམ་པར་འཕྲོ་བ་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། སྙོམས་པར
2b4 ཟ་ཧུགས་མ་ཐག་ཏུ་བཅོམ་ལྡན་འདས་ཀྱི་མཛོད་སྤུ་ནས་མེ་ཏོག་ལྟ་བུའི་བྱང་ཆུབ་སེམས་དཔའ་རྣམས་ཀུན་ཏུ་བསྐུལ་བར་བྱེད་པ་ཞེས་བྱ་བའི་འོད་ཟེར་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་བསྐོར་བ་ཉིད་ཀྱིས
2b5 བ་ཅོམ་ལྡན་འདས་ལ་ལན་གསུམ་བསྐོར་བ་བྱས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་པ་འདས་ནས་ནུབ་ཕྱོགས་ཀྱི་ཆར་ག་དྷའི་ཀླུང་བརྒྱ་སྟོང་ཕྲག་གི་བྱེ་མ་དང་མཉམ་པའི་འཇིག་རྟེན་གྱི
2b6 ཁམས་ལས་འདས་པ་ན། བདེ་བ་ཅན་ཞེས་བྱ་བའི་འཇིག་རྟེན་གྱི་ཁམས་ཀྱི་རྗེས་སུ་ཞུགས་ཏེ། གང་དུ་དེ་བཞིན་གཤེགས་པ་ཚེ་དཔག་མེད་བཞུགས་པ་དེར་བྱང་ཆུབ་སེམས་དཔའ་སེམས་དཔའ
2b7 ཅ་ཧེན་པོ་སྤྱན་རས་གཟིགས་དབང་ཕྱུག་ཀྱང་སྔོན་གྱི་སྨོན་ལམ་གྱི་དབང་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་པ་ལ་སོ་སོར་གནས་པ་རྣམས་ཀྱི་ཐབས་ཅིག་ཏུ་བཞུགས་པ་དེ་འོད་ཟེར་གྱི་སྣང་བ
2b8 མཐོང་བས་ཅུང་ཟད་རབ་ཏུ་བཞད་པའི་ཞལ་དེ་ཉིད་ཀྱིས་བྱང་ཆུབ་སེམས་དཔའི་ཚོགས་རྣམས་ལ་བཀའ་སྩལ་ཏོ། ། ཀྱེ་རྒྱལ་བའི་སྲས་རྣམས་འདི་ནི་བདག་ཅག་རྣམས་ཀུན་ཏུ་བསྐུལ་བར་བྱེད་པའི་འོད་ཟེར་འདིར་འོངས་པ།
iiif viewer powered by OpenSeadragon
