| e-texts navigator |
| Wylie |
197a1 བཟང་དང་ཚུལ་ཤིས་དང་། ། འགྲོགས་པས་དུག་ནད་མི་ལྡང་བའི།། དམ་པ་འདི་ལ་གསང་བ་གཏད།། སློབ་དཔོན་མན་ངག་མི་ལྡན་ཅིང་།། གསང་བའི་དོན་ལ་མ་གོམས་པས།། རང་རྟགས་ལོག་པའི་ཚད་མ་ཡིས།།
197a2 གསང་བའི་སྦས་དོན་གཏན་ལ་འབེབས།། བླུན་པོ་མུན་པས་མཆོད་པ་རྣམས།། ལོག་པར་ཞེན་པའི་རྗེས་འབྲངས་ནས།། མཐོང་བའི་ཆོས་ལ་དམྱལ་བར་སྨིན།། དེ་བཞིན་གཤེགས་པ་ཐམས་ཅད་ཀྱི།། ཕྱག་རྒྱ་གསང་ཆེན
197a3 སྙིང་པོ་འདི། ། མ་ལུས་ཀུན་གྱི་གསང་ཡིན་པས།། རྟོགས་ནས་གསལ་བར་གང་བྱེད་པ།། དབང་དང་དཀྱིལ་འཁོར་རྫོགས་པ་སྟེ།། བདག་དང་གཞན་དོན་ལྷུན་གྱིས་གྲུབ།། རྡུལ་སྙེད་ཞིང་ལ་བསྙེན་བསྐུར་ཞིང་།། ཚེགས་ཀྱི
197a4 བླ་མ་བསྟེན་བྱས་པའི། ། འབྲས་བུ་གསང་ཆེན་འདི་ཡིན་ཏེ།། དེ་བས་རྒྱལ་སྲས་ཅིག་གི་ཡུལ།། རྙེད་དང་བཀུར་སྟིས་འཚོ་བ་ཡིས།། གྲགས་པའི་སྟོབས་ལྡན་རྣམ་པར་སྤངས།། ཨ་ཧོ་རྡོ་རྗེ་གསང་བའི་ཚིག་ཏུའོ།།
197a5 སེམས་དཔའི་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ལས་མཐར་ཕྱིན་པའི་ལེའུ་སྟེ། བཅུ་གསུམ་པའོ།། ། རྡོ་རྗེ་སེམས་དཔའི་སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང
197a6 གི་རྒྱུད་ཆེན་པོ་རྫོགས་སྷོ། ། རྒྱ་གར་གྱི་མཁན་པོ་བི་མ་ལ་ཏྲ་དང་། བན་དྷེ་ཛྙཱ་ན་ཀུ་མ་ར་ས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། སླད་ནས་བི་མ་ལ་མི་ཏྲ་ཉིད་ལ་བྲེ་ཟེ་མོ་དགེ་སློང
197a7 མ་ཡོང་དང་ཡང་དུནན་དུ་ཞུས་པའི་དི་གཞན་ལ་སྤེལ་ན་དམ་ཚིག་ཉམས་སྷོ། བོད་སྐད་དུགསང་པའི་སྙིང་པོ་དེ་ཁོན་ཉིད་ངེས་པ།། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།།
197a8 འདི་སྐད་བཤད་པའི་དུས་ཅིག་ན།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལོངས་སྤྱོད་ཆེན་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
