| e-texts navigator |
| Wylie |
196b1 བ་མ་ལུས་ཀུན་འདུལ་བ། ། ཐབས་དང་ཤེས་རབ་འདུ་འབྲལ་མེད་པའི་རྫུ་འཕྲུལ་སྣ་ཚོགས་འདི་ནི་རྣམ་པར་རོལ་ཏོ།། དེ་ནས་རྒྱལ་མཆོག་སྐྱེས་བུ་ཡིས།། རྡོ་རྗེ་འཛིན་པ་ལ་སོགས་པ།། བྱེ་བ་རྡུལ་སྙེད་བཅས་པ་ལ།། གསང་བ་འདི་ནི
196b2 གཏད་པར་མཛད། ། ང་ཡི་གསང་བའི་སྙིང་པོ་འདི།། དུས་གསུམ་སངས་རྒྱས་ཐམས་ཅད་ཀྱིས།། བསྟན་པ་ཀུན་གྱི་རང་བཞིན་ཏེ།། མ་ལུས་ཀུན་གྱི་ཐབས་སུ་སྣད།། གསང་སྔགས་རྡོ་རྗེ་ཐེག་པ་སྟེ།། དཔལ་ལྡན་སྒྱུ་འཕྲུལ་ཐུགས་ཀྱི་རྒྱུད།།
196b3 ཆོས་རྣམས་མ་ལུས་ཀུན་སྣང་བ།། གསང་བའི་མེ་ལོང་ཐབས་ཀྱི་རྒྱུད།། རྒྱལ་བ་རྡུལ་སྙེད་ཀུན་འདུས་ནས།། དམ་པ་འདི་ལ་སྔགས་པར་མཛད།། སྒྱུ་འཕྲུལ་དྲ་བའི་རྒྱུད་ཆེན་པོ།། ཟབ་མོའི་ལུང་གི་དེས་དོན་འདི།། རིགས་ཆད་དམན
196b4 པའི་གང་ཟག་གིས། ། ཐམས་ཅད་ལ་ནི་མེ་ལོང་ལྟར།། བལྟས་ཀྱང་གཟུགས་བརྙན་མི་སྣང་བས།། སྟོན་པ་གཉིས་ལ་རྒྱབ་ཕྱོགས་ཤིང་།། བརྟགས་པ་ཕྱི་རོལ་ཆོས་ལ་ཞེ་ན།། སློབ་དཔོན་ལ་ནི་བརྙེས་བྱེད་དང་།། རྡོ་རྗེ་སྤུན་ལ་སྡང་སེམས
196b5 ཆེ། ། ཟབ་མོའི་དོན་ལ་སྐུར་བྱེད་ཅིང་།། གསང་རྒྱུད་དོན་ལ་འཕྱ་བ་དང་།། སེར་སྣ་རང་ཕྱོགས་ཆགས་པ་ཆེ།། དད་དང་དམ་ཚིག་མི་ལྡན་ཞིང་།། རྒྱལ་སྲིད་རིན་ཆེན་མེ་ཧོང་བའི།། ཕྱི་ནང་གཉིས་ལྟའི་གང་ཟག་ལ།། བསྐལ་པ་ཞིང
196b6 གི་རྡུལ་སྙེད་དུ། ། ཡུས་སེམས་བྲལ་བར་བྱེད་གྱུར་ཀྱང་།། གསང་པའི་གླེགས་བམ་མི་བསྟན་ན།། དབང་དང་དངོས་གྲུབ་རྣམས་ཀྱང་མིན།། རྨོངས་པས་གལ་ཏེ་བྱིན་ན་ནི།། དེ་ཉིད་མནར་མེད་དམྱལ་བར་ལྟུང་།། དད་དང་དམ་ཚིག
196b7 ལྡན་པ་ཡིས། ། པུན་གསུམ་ཚོགས་པ་ཀུན་གཏོང་ཞིང་།། དམ་པའི་ཡོ་བྱད་ལྡན་གྱུར་པས།། ལུས་དང་སྲོག་ལའང་མི་ལྟ་ན།། དམན་པའི་ལོངས་སྤྱོད་ནམས་ཀྱང་མིན།། ཐེག་པ་ཆེན་ལ་མོས་པ་དང་།། བཏུལ་ཞུགས་སྙིང
196b8 བཅེར་གུས་པར་ལྡན། ། རྡོ་རྗེ་སློབ་དཔོན་བསྙེན་བཀུར་ཞིང་།། སྐྱོན་དང་སྤྱོད་པ་ཡོངས་སུ་བཟོད།། བསྐལ་པར་འགྲོགས་ཀྱང་ཡིད་མི་འཁྲུག། ཉེས་དང་ལེགས་པ་ཅི་ལ་ཡང་།། ངོ་མཚར་སྐྱོ་བའི་འདུ་ཤེས་མེད།། རང་བཞིན
iiif viewer powered by OpenSeadragon
