| e-texts navigator |
| Wylie |
196a1 ཚེ། རང་གི་ལག་གི་རྡོ་རྗེ་ཉིད།། དགའ་ཞིང་མགུ་བས་གསོར་བྱས་ཏེ།། བྱེ་བ་རྡུལ་སྙེད་བཅས་པ་ཡིས།། རབ་ཏུ་བསྐོར་བ་བྱས་པ་ཡིས།། འཇིག་རྟེན་དྲུག་ཏུ་བཅས་པ་དག། འཁྲུགས་ཤིང་རྣམ་པར་གཡོ་མཛད་དེ།། ཀུན་དུ
196a2 རབ་གཡོ་རྣམ་པར་གཡོ། ། སྟོང་གསུམ་འཇིག་རྟེན་འཁོར་ཡུག་བཅས།། འོད་དང་སྒྲ་ཡིས་གང་མཛད་དེ།། རྨད་འབྱུང་སྐུ་གསུང་ཐུགས་རྣམས་ཀྱི།། ངོ་མཚར་ཆོ་འཕྲུལ་རྣམ་པར་སྣང་།། ངོ་མཚར་ཆོ་འཕྲུལ་རྨད་འབྱུང་གི། ཕྱི་ནང
196a3 གསང་བའི་མཆོད་པ་དང་། ། འདོད་ཡོན་ལྔ་ཡིས་ཁྱབ་མཛད་དེ།། རྒྱལ་བའི་ཚོགས་ཀུན་མཉེས་པར་བྱས།། ཀུན་ཀྱང་དགའ་ཞིང་མོས་པ་ཡིས།། ཞིང་ཁམས་རྡུལ་དང་མཉམ་པ་ཡི།། འཁོར་ཚོགས་རྣམས་ནི་བསྟོད་པ་འདི།། སྣ
196a4 ཚོགས་སྒྲས་ནི་གླུ་རུ་བླངས། ། ཨོཾ་ཨཿཧཱུ~ཾ་ཨ་ལ་ལ་ཧོ།། སྒྱུ་འཕྲུལ་དྲ་བའི་ཐུགས་ནི་མ་སྐྱེས་ཡེ་ཤེས་འདོད་པའི་ཐུགས།། མི་རྟོག་གསལ་བའི་ཐུགས་ནི་ཀུན་ལ་ཁྱབ་པར་གནས།། གང་ཡང་དབྱེར་མེད་འདུས་བྱས་མ་ཡིན་འདུས
196a5 མ་བྱས་མིན་སྐྱེ་འཇིག་མེད། ། དམ་པའི་ཐུགས་ལ་བྱུང་ཚེར་གཡོ་འགོག་ཅི་ཡང་མེད་པས་བདེ་ཏོ།། སྒྱུ་འཕྲུལ་དྲ་བའི་སྐུ་ནི་སྣ་ཚོགས་འོད་འབར་བདེ་བའི་སྐུ།། སྣ་ཚོགས་མཐའ་ཡས་ཇི་ལྟར་སྣང་བ་ངོ་བོས་དབེན།། དེ་ཉིད་འདྲ་བའི་ཐབ།
196a6 ཀྱིས་དེ་ལྟར་ཡིད་འཕྲོག་ཚིམ་པའི་སྐུ།། མཐའ་ཡས་སྣ་ཚོགས་བྱེ་བྲག་ཇི་ལྟར་གསལ་ཡང་ནམ་མཁའི་དང་དུ་བྱེ་བྲག་མེད་ཏོ།། སྒྱུ་འཕྲུལ་དྲ་བའི་ཡོན་ཏན་ཡིད་བཞིན་ནོར་བུ་རིན་པོ་ཆེ།། མི་ཟད་པར་ལྡན་རྒྱན་གྱི་འཁོར་ལོ་དཔག་ཏུ
196a7 མེད་རྒྱས་པར་སྣང་། ། འགྲོ་བ་རྣམས་ནི་ཡིད་འཕྲོག་བལྟས་པས་ཆོག་ཤེས་མེད་པར་མཛེས།། རྒྱལ་བ་མ་ལུས་ཡོན་ཏན་རྫོགས་པར་སྣང་ལ་དེ་དག་མཐའ་ཐུག་མེད་ཏོ།། སྒྱུ་འཕྲུལ་དྲ་བའི་གསུང་ནི་ཟབ་ཅིང་བརྒྱ་ཆེར་ནམ་མཁའ་འདྲ།།
196a8 མ་ལུས་གོ་ཞིང་ཚིམ་མཛད་རྡོ་རྗེའི་སྒྲ་འབྱིན་སྙན་སྒྲོགས་པ།། རྡོ་རྗེ་སྒྲ་ཆེན་མཐའ་ཡས་མོས་དང་། འཐད་པ་དེ་བཞིན་རྣམ་པར་སྣང་ཧོ།། སྒྱུ་འཕྲུལ་དྲ་བའི་ཕྲིན་ལས་སྣ་ཚོགས་བྱ་བ་ལྷུན་གྱིས་གྲུབ།། བསྐལ་པ་ཞིང་གི་རྡུལ་སྙད་འགྲོ
iiif viewer powered by OpenSeadragon
