| e-texts navigator |
| Wylie |
194b1 སེམས། ཐིག་ལེ་ཅིག་གི་ངོ་བོ་ལས།། མཛད་པའི་གར་ཐབས་སྣ་ཚོགས་ཀྱིས།། འདུལ་བའི་དབང་དུ་ཅི་ཡང་སྤྲོ།། ཐབས་ལ་ཐབས་ཀྱིས་དབང་རྒྱུར་བས།། ཐབས་ཆེན་ཐབས་ལས་བྱུང་བའི།། ངོ་མཚར་ཡ་མཚན་སྤྲང་པོ་ཆེ།། སངས
194b2 རྒྱས་ཀུན་གྱི་རང་བཞིན་ཏེ། ། ཐབས་ཆེན་སྒྱུ་མ་སྨད་དུ་བྱུང།། སྒྱུ་མ་སྐྱེ་འགག་མེད་པའི་དབྱིངས།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཀུན་འདུས་རྣམ་པར་དག། ཐམས་ཅད་རང་རིག་བྱང་ཆུབ་སེམས།། ཀུན་ནས་འཁྱིལ
194b3 བའི་དཀྱིལ་འཁོར་ཏེ། ། ཀུན་གྱི་རང་བཞིན་འབྱུང་གནས་ཉིད།། བྱ་བ་བྱེད་ལ་བྱས་པ་མེད།། ཟད་དང་འཕེལ་བ་མེད་པ་ཡི།། དངོས་གྲུབ་གཏེར་ཆེན་བསམ་མི་ཁྱབ།། ཡེ་ཤེས་ཐིག་ལེ་རང་སྣང་བ།། བསམ་གྱིས་མི་ཁྱབ་མཐའ་ཡས
194b4 མཆོག། མཐའ་དབུས་མེད་པའི་ཡེ་ཤེས་ནི།། གཅིག་ཅེས་འདི་ཞེས་བརྗོད་དུ་མེད།། ནམ་མཁའ་དང་འབྱུང་རྟག་པ་ལྟར།། འཕོ་འགྱུར་མེད་པས་དེ་བཞིན་ནོ།། ནམ་མཁའ་མཐའ་དབུས་མེད་པ་བཞིན།། རང་འབྱུང་ཡེ་ཤེས་ཐོག་མཐའ་མེད།
194b5 མ་བྱུང་མ་སྐྱེས་བྱང་ཆུབ་སེམས།། ཡེ་ཤེས་ཉི་མའི་འོད་ལྟར་གསལ།། སངས་རྒྱས་སེམས་ཅན་གྲོལ་ཐར་ཀུན།། མ་ལུས་རང་རིག་འོད་གསལ་བས།། རང་འབྱུང་ཡེ་ཤེས་རང་སྣང་ཕྱིར།། མཁྱེན་དང་བསྒྲིབ་པ་ཆུང་ཟད་མེད།། མཁྱེན་པའི
194b6 ཡེ་ཤེས་ཉག་ཅག་ལ། ། རང་གི་ཆ་ཤས་ཆོས་བྲལ་བས།། ནམ་མཁའི་མཐའ་ཐུག་ཆོས་རྣམས་ཀུན།། སྐད་ཅིག་མ་འདྲེས་ཚུལ་དུ་མཁྱེན།། རང་རིག་བྱང་ཆུབ་སེམས་ཉིད་ལས།། མཐོན་མན་གླང་དོར་མ་དམིགས་པས།། འཁོར་བའི་ངོ
194b7 བོར་རང་སྣང་ཡང་། ། མ་ཆགས་ཀྱོན་མེད་པད་མ་འདྲ།། དཔག་མེད་ཡོན་ཏན་ངོ་བོ་རྣམས།། རང་འབྱུང་རག་པ་རང་སྣང་བས།། མ་ལུས་ངོ་མཚར་རྒྱ་མཚོ་རྣམས།། རང་སྣང་གཞན་ལས་ཐོབ་བྱ་མེད།། བྱིན་རླབས་ཆོ་འཕྲུལ་རྨད་ཀྱི་ཆོས། རང
194b8 འབྱུང་ཉིད་ལས་རྣམ་པར་སྤྲོ། ། ཚུལ་ནི་རྣམ་པ་སྣ་ཚོགས་ཏེ།། དག་དང་མ་དག་ཁྱད་པར་གྱིས།། ངོ་བོ་ཅིག་ལས་མ་གཡོས་ཀྱང་།། མོས་པས་མཐོང་ཚུལ་དེ་བཞིན་ནོ།། གསུང་ནི་ནམ་མཁའི་ཁྱབ་པར་ནི།། ཕྱོགས་བཅུ་ཁྱབ་པར་སྒྲ
iiif viewer powered by OpenSeadragon
