| e-texts navigator |
| Wylie |
193b1 ལ་རྫོགས་པ་ཉིད་དུ་གནས། ། སངས་རྒྱས་ཀུན་གྱི་བདེ་བ་ནི།། རང་འབྱུང་ཐིག་ལེ་ཆེན་པོ་སྟེ།། ཨཱ་ལི་ཀ་ལི་ཞུ་བ་ལས།། ནམ་མཁའ་ཁྱབ་པའི་བདེ་བ་འབྱུང་།། གསང་བའི་ཐིག་ལེ་ཀུན་ཀྱིནྡ།། ནམ་མཁའི་ཐིག་ལེ་གསང་བའི་ངང་།།
193b2 ཁྱབ་པ་ཆེན་པོ་ཕྱོགས་ཆ་མེད།། ལུས་གནས་རང་བཞིན་མ་སྐྱེས་པ།། བདེ་བའི་དབང་ཕྱུག་སྐུ་གསུང་ཐུགས།། ནམ་མཁའ་ལྟ་བུར་དཔག་ཏུ་མེད།། ཐབས་དང་ཤེས་རབ་དབྱེར་མེད་པའི།། གསང་བའི་ཐིག་ལེ་བཞུགས་སྡེ
193b3 གནས། ། དཔག་མེད་ཏིལ་འབྲུ་རྡུལ་སྙེད་ཀྱི།། རྒྱལ་བ་ཀུན་དང་ལྷན་ཅིག་ཏུ།། མ་ལུས་བདེ་བ་ཆེན་པོའི་རོ།། ལྷན་ཅིག་སྐྱེས་པའི་རང་བཞིན་གྱིས།། མ་གསུངས་རིག་པས་ཉམས་གཏང་བས།། མི་འཛིན་ལོངས་སྤྱོད་ཆེན་པོའི
193b4 གནས། ། རང་འབྱུང་ཉི་ཟླ་རྟེན་གྱི་རོ།། མ་སྤངས་འདུས་པས་འདུ་བྲལ་མེད།། གང་བའི་ཐིག་ལེ་བཅུད་འདུས་པ།། ནམ་མཁའ་གང་བ་བདེ་བའི་རོ།། གཉིས་མེད་འཁྲིལ་བའི་སྟོབས་ལས་བྱུང་།། མཁའ་དབྱིངས་བྱང་ཆུབ་འབྱོར།
193b5 པའི་སེམས།། མ་གཏད་མ་སྤྲོས་ཐིག་ལེ་ཆེ།། ནམ་མཁའི་རྒྱས་པའི་མཐའ་བཞིན་དུ།། བདེ་བའི་ཚད་ཀྱང་དཔག་ཏུ་མེད།། ཡབ་ཡུམ་གནས་པའི་གྲངས་ཚད་ཀྱང་།། ནམ་མཁའི་ཁམས་ཀྱི་རྡུལ་སྙེད་དེ།། རེ་རེའང་བདེ་བའི
193b6 དཀྱིལ་འཁོར་ནི། ། རྡུལ་སྙེད་ནམ་མཁའི་མཐའ་དང་མཉམ།། ཡབ་ཡུམ་གཉིས་མེད་འབྲེལ་བ་ཡི།། ཐབས་དང་ཤེས་རབ་བཅུད་འདུས་པ།། གང་ཡང་མི་སྒྲིབ་ཐིག་ལེའི་རོ།། སྣང་གསུམ་མཚན་མ་ལས་འདས་པ།། སངས་རྒྱས
193b7 རིན་ཆེན་ཀུན་གྱི་བཅུད། ། བྱེ་བ་རྡུལ་སྙེད་གྲངས་འདས་པའི།། མ་ལུས་ཀུན་དང་ལྷན་ཅིག་ཏུ།། མོ་ས་དང་ཆགས་པའི་ཁྱད་པར་གྱིས།། ཆ་ལུགས་མཐའ་ཡས་སྣང་བ་ནི།། ལ་ལར་ཆགས་པར་ལྟ་བའི་ཚུལ།། དེ་བཞིན་འཇམ་པར།།
193b8 སྨྲ་བ་དང་།། ལ་ལར་འཁྱུད་ཅིང་ལྟ་བ་སྟེ།། ལ་ལར་སེན་ཐབས་ཞལ་སྐོར་ཞིང་།། ལ་ལར་མཉེ་དང་སྡེབས་དང་འབུད།། འགྱེད་དང་འདུད་དང་འགྱིང་བ་ཡི།། དཀར་འཛིན་སྟོན་དང་ལྟེ་བ་སྟོན།། འོ་དང་ཚིར་དང་རྒོད་པ་དག། སྣ་ཚོག
iiif viewer powered by OpenSeadragon
