| e-texts navigator |
| Wylie |
192b1 ཞལ་བདག་གིས་མཐོང་། ། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལམ་གྱི་ཁྱད་པར་མ་ལུས་པ་བཤད་པའི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་བྱ་བ།། མ་ལུས
192b2 ཀུན་གྱི་བསྒྲུབ་བྱ་ཉིད། ། ཕྱོགས་བཅུ་མ་ལུས་རྡུལ་སྙེད་ཀྱི།། ཆེ་བའི་ཡོན་ཏན་བཤད་པར་བྱ།། མཐར་བྱིན་ལྔ་ཡི་རང་བཞིན་ནི།། རྟོགས་དང་འབྲས་བུར་གནས་མོད་ཀྱི།། མཐོང་དང་གོམས་དང་གྲུབ་པ་ཉིད།། ཐུན་མོང་འབྲས
192b3 བུར་ཡང་དག་བཤད། ། ཡང་དག་ཐར་ཕྱིན་འབྲས་བུ་རིན།། ཐབས་ཆེན་ཐབས་ལས་བྱུང་བ་ཡི།། ཡིད་བཞིན་ནོར་བུ་རིན་པོ་ཆེ།། དཔག་མེད་ཡོན་ཏན་ལྷུན་རྫོགས་པ།། ཚད་དང་དམིགས་པ་ལས་འདས་པ།། བསམ་གཡས་ལྷུན་གྱིས
192b4 གྲུབ་པ་སྟེ། ། ནམ་མཁའ་མཐའ་ལྟར་དཔག་མེད་པ།། ཐམས་ཅད་མཁྱེན་པ་ཡེ་ཤེས་ནི།། མ་ལུས་མཆོག་གི་གཏེར་གྱུར་པ།། ཟད་འཕེལ་མེད་པའི་ནོར་བུ་སྟེ།། མ་ལུས་ཀུན་ལ་མཉམ་དུ་གནས།། སངས་རྒྱས་ཀུན་གྱི་རང་བཞིན་ནི།།
192b5 རྒྱ་དབྱིངས་ཚད་ལས་འདས་པ་ཡི།། དག་དང་མ་དག་ཅི་སྣང་ཡང་།། བླང་དོར་ཕྱོགས་རིས་ཡོངས་ཀྱི་མེད།། རང་འབྱུང་འོད་གསལ་མཎ་ཌ་ལ་དང་།། མ་ལུས་ཅིག་གི་རང་བཞིན་ཏེ།། ཐུགས་རྗེས་བྱིན་རླབས་ཚད་མེད་པས།། མ་ལུས
192b6 བསམ་པ་སྐོང་བར་མཛད། ། ར་འབྱུང་ཡེ་ཤེས་ལྷུན་གྲུབ་ནི།། ཆོས་རྣམས་ཀུན་གྱི་ངོ་བོ་པས།། མ་ལུས་ཕྱོགས་མེད་རང་སྣང་ཡང་།། ཞེན་དང་ཆེད་དུ་བྱས་པ་མེད།། ས་དང་ལམ་ལ་སོགས་པ་ཡི།། ཐེག་པ་ཀུན་གྱི་འབྲས་བུ་ནི།། རང
192b7 རང་ལྟོས་པའི་མཐར་ཐུག་ཀྱང་། ། ཆེ་མཆོག་ལྷུན་གྲུབ་མཉམ་དང་བྲལ།། སྐད་ཅིག་ཉིད་ལ་ལྷུན་རྫོགས་པའི།། སངས་རྒྱས་དཔག་མེད་ཡོན་ཏན་རྣམས།། རིགས་བདག་རྡོ་རྗེ་འཆང་ཆེན་གྱིས།། ཡེ་ཤེས་ལྷ་མོ་རོལ་དབང་གིས།། ཉི་ཟླའི
192b8 བདེ་བའི་མངོན་ཐོབ་སྟེ། ། རྡོ་རྗེ་འཆང་གིས་ས་ལ་བཀོད།། དཔག་མེད་རྒྱལ་བ་ཐམས་ཅད་ཀྱི།། འགྲོ་བའི་གདུལ་བྱ་མཐའ་ཡས་པས།། སྐུ་གསུང་ཐགས་ཀྱང་དེ་བཞིན་ཏེ།། བཞུགས་ཚུལ་དཔག་མེད་རྣམ་པར་སྣང་།། ཆེ་བའི་ཡོན་ཏན
iiif viewer powered by OpenSeadragon
