| e-texts navigator |
| Wylie |
192a1 སོ་སོ་བདེ་བའི་ཕོ་བྲང་དུ་ཐིག་ལེས་གང་བར་སྤྲོས་པའི་ཚེ།། སྐུ་གསུང་ཐུགས་དང་ཡེ་ཤེས་ལྔ།། ཉམས་མྱོང་རོ་ཡིས་རྒྱས་བཏབ་པོ།། ལུས་ཀྱི་བདེ་བ་མཐར་ཕྱིན་ནས།། རྒྱུ་རྐྱེན་རྟེན་འབྲེལ་ལས་འདས་པའི།། རིག་པའི་བདེ་བ
192a2 ལ་གནས་བྱ། ། གལ་ཏེ་ཉམས་ན་བསམ་པ་འམ།། བལྟ་དང་མཉན་པ་ལ་སོགས་པས།། བར་ཆད་མེད་པར་བསྒོམ་པར་བྱ།། རིག་པ་བདེ་བར་གང་སྨིན་པས།། སྒོ་གསུམ་བདེ་བ་ཆེན་པོར་སྨིན།། སྤྱོད་ཡུལ་རླུང་དང་ཐིག་ལེར་བཅས།།
192a3 གོམས་པའི་ཐབས་ལ་དབང་སྒྱུར་བས།། རྟེན་དང་བརྟེན་པར་བཅས་པ་ཡིས།། ཐིག་ལེ་རླུང་ལ་དབང་སྒྱུར་ཞིང་།། ལྷ་མོ་མི་མོ་གནོད་སྦྱིན་མོ།། མཁའ་འགྲོ་རྣམས་ལ་དབང་བྱེད་ནུས།། ཐིག་ལེ་དབབ་དང་འཛིན་པ་དང་།། ཟློག
192a4 དང་སྦྱོར་ལ་དབང་སྒྱུར་ཏེ། ། གལ་ཏེ་མཁའ་ལ་འཕྲོས་པའི་ཚེ།། དངོས་གྲུབ་ལམ་དང་བྲལ་བ་ཡིན།། ཕྱིན་ཆད་མཆོད་དང་ནུས་པ་སྦྱིན།། རང་གི་སྐབས་ནི་མ་རྟོགས་པ།། གཞན་དུ་ཐིག་ལེ་མི་ལྟུང་ཞིང་།། དབང་སྒྱུར་ལམ་ལ་གོམས
192a5 པར་བྱ། ། ཉི་ཟླ་འདྲེས་པའི་བདེ་བ་ཉིད།། ཟག་མེད་སྙིང་པོར་ཐིམ་པའི་ཚེ།། སེམས་ཀྱི་བདེ་བར་རང་སྣང་ཞིང་།། སེམས་ཀྱི་བདེ་བ་བར་ཆད་མེད།། གསལ་བྱེད་སྟོབས་དང་བྲལ་བའི་ཚེ།། མ་ལུས་བདེ་ཆེན་ཕྱག་རྒྱ་སྟེ།། ལུས་སེམས་མཧེ
192a6 དུ་གནས་པ་ཉིད། ། ཚད་དང་རྒྱ་དབྱིངས་རོ་ལངས་འདས།། དཔག་མེད་བདེ་བའི་རོལ་མོ་ནི།། སངས་རྒྱས་ཀུན་གྱི་དགྱེས་ཆེན་ཏེ།། ཐིག་ལེ་ས་བོན་ཟབ་པ་བྲལ།། བདེ་ཆེན་ཉམས་མྱོང་རྒྱུན་མི་ཆད།། རང་ཉིད་ཐིག་ལེར་ཉམས་མྱོང་བས།།
192a7 སྙིང་པོའི་ཐིག་ལེ་བྲལ་བ་མེད།། ཕྲ་ཞིང་རྡུལ་བྲལ་དྲི་མ་མེད།། རྡོ་རྗེ་ཐིག་ལ་དྲིལ་བུ་ཉིད།། འབད་རྩོལ་མེད་པར་རང་སྣང་བ།། བྲལ་ཐོབ་མེད་པའི་ངོ་བོར་གནས།། གང་དུ་ཡོན་ཏན་ཚོགས་ཀྱིས་རབ་རྒྱས་པ།། བདེ་ཆེན་ཆུ
192a8 རྒྱུན་ལྟ་བུའི་རྒྱུན་ལས་བྱུང་། ། ཚོགས་གཉིས་ཡོངས་རྫོགས་བདག་གཞན་ལྷུན་གྱིས་གྲུབ།། གཞན་ན་མེད་དེ་རང་ཉིད་སྣང་བར་ཟད།། རང་བཞིན་གནས་ཕྱིར་གཞན་ནས་འོང་བ་མེད།། ཞེན་པ་བཟློག་པས་བདག
iiif viewer powered by OpenSeadragon
