| e-texts navigator |
| Wylie |
190b1 བྱ་བའི་དབང་ཐོབ་ཅིང་། ། རྡོ་རྗེ་འཛིན་པ་ཉིད་ཀྱི་སྲས།། དབང་དང་ཆོ་འཕྲུལ་ཀུན་ཐོབ་པ།། ནམ་མཁའི་མཐའ་ལྟར་དགོངས་པས་ཁྱབ།། མཉམ་གཞག་རྗེས་ཐོབ་ཁྱད་པར་གྱིས།། རྒྱལ་བའི་ལུང་མནོད་དཀའ་ལ་གནས།།
190b2 ཞིང་ཁམས་དག་པར་ཀུན་སྤྱོད་ཀྱང་།། རྨད་འབྱུང་གསང་བའི་རང་བཞིན་ལ།། སྤྱོད་ཀྱང་ལྟ་བའི་རང་བཞིན་གྱིས།། ཕྱོགས་བྲལ་ནམ་མཁའ་མི་མཐོང་བས།། དབང་དང་དགོངས་པས་མཐར་ཕྱིན་འགྱུར།། དབང་དང་དམ་ཚིག་བརྟུལ
190b3 ཞུགས་ཏེ། ། དང་པོར་སླབ་པ་མཐར་ཕྱིན་ཅིང་།། ཐིག་ལེ་རྫོགས་པར་འདོད་པ་ཡིས།། གསང་བ་ནད་གྱི་དོན་ལ་སྦྱར།། ཐུན་མོང་བྱ་བ་མཐར་ཕྱིན་ནས།། ལུས་དང་སྤྱོད་ཡུལ་བཅས་པ་དང་།། ལྷ་ཡི་རྣལ་འབྱོར་མ་ལུས་པ།
190b4 བདེ་ཆེན་ཐིག་ལེ་ཉིད་དུ་བལྟ།། ལྷ་དང་བདེ་བར་མཉམ་སྦྱོར་བས།། ཐིག་ལེ་བདེ་བར་སྣང་བ་ནུབ།། སྐུ་བཞི་དཀྱིལ་འཁོར་ཁམས་ཐིག་ལེ།། དངས་མ་ལྔ་རུ་མཉམ་སྦྱོར་བ།། ངོ་བོ་དང་ནི་རྐྱེན་དག་གིས།། ཐབས་ཀྱི་རིམ་པ་སྐུལ
190b5 ལས་ཤེས། ། བདེ་བའི་ཐིག་ལེ་ཉམས་མྱོང་བ།། མི་རྟོག་བདེ་བ་ཆ་ཤས་མེད།། མི་ཤིགས་ཐིག་ལེ་ཀུན་གྱིས་བདག། སྟོང་ཉིད་འབྲེལ་པའི་རི་མོ་ཅན།། ཐ་མལ་བྱ་བ་ཀུན་བྲལ་བ།། སྤྱོད་པ་ཉིད་དུ་བསྟན་པ་ཡིན།། ཐིག་ལེ་བཞུ
190b6 པའི་རང་བཞིན་གྱིས། ། འཛག་འབར་ཐིམ་གང་བདེ་བ་ནི།། ས་ཡང་བཅུ་གསུམ་བདེ་བས་བརྒྱན།། ལུས་ཀུན་ཁྱབ་པའི་ཐིག་ལེ་ཤུམ།། ཏིལ་འབྲུ་བཅུད་ཀྱིས་ཁྱབ་པ་ལྟར།། མ་ལུས་ཁྱབ་པའི་རོས་གང་བ།། མ་ལུས་འོད་དང
190b7 སྙིང་པོ་ལྟར། ། སྣང་སྲིད་ཐིག་ལེ་ཆེན་པོ་ཉིད།། བདེ་བ་ཆེན་པོས་ཁྱབ་པར་གསལ།། མ་ལུས་འདུས་པའི་ཐིག་ལེ་ནི།། ཁམས་ལྔ་འདྲེས་པའི་སྙིང་པོ་སྟེ།། མི་ཤིགས་ཐིག་ལེ་བདེ་བའི་བཅུད།། མ་ལུས་བདེ་བའི་རྒྱས་བརྟབ་པྲ།
190b8 ནམ་མཁའི་ཡེ་ཤེས་ཅིར་ཡང་གསལ།། དུས་གསུམ་རྒྱལ་བའི་དགོངས་པ་སྟེ།། ཐིག་ལེ་ཅིག་གིས་ཀུན་ཁྱབ་པས།། བདེ་ཆེན་སྙིང་རྗེས་ཅིག་ཏུ་འཁྱིལ།། དེ་ཉིད་བདེ་ཆེན་ཕྱག་རྒྱ་སྟེ།། ནང་གི་ཕྱག་རྒྱ་གཅིག་པར་བཤད།
iiif viewer powered by OpenSeadragon
