| e-texts navigator |
| Wylie |
189b1 སྤྱོད་ཚོགས་སུ་བཤད། ། ལྷ་དང་དམ་ཅན་ཀུན་འདུས་པས།། འདུས་པ་ཆེན་པོའི་ཚོགས་སུ་གསུངས།། ཐམས་ཅད་སྤྱོད་པ་མི་འཛིན་པས།། ཚོགས་གཉིས་རྒྱུན་དུ་རྫོགས་བྱེད་པས།། ཚོགས་ཆེན་པོ་རུ་ངེས་པར་བཤད།།
189b2 བར་ཆད་མེད་པའི་ལམ་རྫོགས་པས།། རིག་པའི་སྐྱེས་བུ་ཐུབ་པ་མེད།། ལྷ་མི་ཆ་བྱད་འཛིན་མོད་ཀྱི།། འབྱུང་ཚོ་འཕྲུལ་དབང་སྒྱུར་ཐོབ།། ཞིང་དང་ལོངས་སྤྱོད་དག་པཾ་ཡིས།། གོང་ནས་གོང་དུ་མཉམ་པར་སྦྱོར།། རྡོ་རྗེ་རིག་པ
189b3 འཛིན་གྱི་སྒྲ། ། འདི་ཁམས་ཀུན་ལ་གནས་པར་བྱེད།། གལ་ཏེ་མཚན་མར་ཞན་དབང་གིས།། རྟོགས་པའི་སྐྱབས་ནི་ཆུང་གྱུར་ནི།། བྱང་ཆུབ་ཕྱག་རྒྱ་རྡོ་སྭཱ།། མཚན་དང་དཔེ་བྱད་ལ་སོགས་པ།། ཆགས་ལུགས་མངོན་དུ་འབྱུང
189b4 ན་ཡང་། ། ཞི་བ་དེ་ཉིད་མཐོང་བ་མིན།། གང་དུ་སྦྱར་བའི་ཡུམ་རྣམས་ཀྱང་།། ཐུན་མོང་ལམ་དང་སྐབས་གཉིས་སུ།། ནུས་པའི་ཁྱད་པར་ཆེ་ཆུང་གིས།། ཕྲིན་ལས་བཞི་རུ་བཤད་པ་ནི།། དཀར་མོ་བོང་ཆུང་སྐད་ཆེན་ལ།། བཞིན
189b5 ལུས་གཙུག་པུད་གཡས་སུ་འཁྱིལ། ། ཡན་ལག་ཕྲ་འཇམ་སྐད་གསལ་ཞིང་།། རླུང་ཁར་ལྕི་བས་ཞི་བ་བྱ།། ཟླ་དང་ཡན་ལག་མང་བ་དང་།། ཕྲ་ཞིང་བཤན་ལ་གཟངས་སུ་རིང་།། བཞིན་ལུས་སེར་ཞིང་གྲུ་བཞིར་གནས།། རྣམ
189b6 འཕྱངས་ཤ་དང་ནུ་མ་རྒྱས། ། འཕེལ་བའི་དུསུ་འདི་དག་བཟུང་།། བཞིན་མདོག་པད་འདྲ་སོགས་ཀ་ལ།། སྨིན་སྒྱུས་རིང་ལ་སྟོད་སྨད་ཕྱེད།། ལུས་དང་ཆུ་རླུང་དྲི་ཞིམ་ཞིང་།། བདེ་བ་ལྡན་ཞིང་ཡན་ལག་མེད།། འདི་ནི་སྡུད་པའི
189b7 མཆོག་དུ་འགྱུར། ། ནག་མོ་གྲུ་གསུམ་རྩིང་མགོ་མ།། ཁྲོ་གཉེར་བྱས་པའི་ལུས་ལྡན་ཞིང་།། གཏུམ་ཞིང་བརླིང་ཚིག་འཛེམ་པ་མེད།། རྩང་མེའི་ཏོག་བྲལ་གསོད་པར་བཤད།། གང་དུ་ནུས་པ་བརྟན་ཐོབ་པ།། དེ་དག་ས
189b8 ནས་སར་སྤྱོད་པ། ། རིག་པའི་སྐྱེས་བུ་དམ་པ་ཉིད།། རྣལ་འབྱོར་རིམ་པའི་ལུང་ལྡན་པ།། མ་སྐྱེས་མཉམ་ལ་དབང་སྒྱུར་ཞིང་།། མ་ལུས་གསེལ་བར་མཐར་ཕྱིན་པའོ།། རང་རིག་ཡེ་ཤེས་རྒྱུད་དོན་ཕྱིར། རང་སྣང་རིག་པ་མངོན་བྱས་པ།།
iiif viewer powered by OpenSeadragon
