| e-texts navigator |
| Wylie |
189a1 ལག་དག། གཉིས་ཀ་ཐབས་དང་ཤེས་རབ་ཏུ།། བརྟགས་ཏེ་དེ་ལྟར་བསྒོམ་པར་བྱ།། འོད་ཟེར་འཕྲོ་བ་འབྲུ་གསུམ་ཉིད།། ཡང་ན་ཡེ་ཤེས་ལྔ་ཉིད་དེ།། གནས་ཅིག་སྙིང་པོར་གནས་པར་བྱ།། དེ་བཞིན་གཙོ་བོ་གཙོ་མོ་དང་།
189a2 སེམས་པ་དང་ནི་སེམས་མ་དང་།། ཁྲོ་བོ་ཁྲ་མོ་སྤྲུལ་པ་དང་།། ཡིད་ཆོས་དག་ལའང་ཤེས་པར་བྱ།། ཞལ་དང་ཕྱག་དང་ལྷ་གྲངས་དང་།། ཚོམ་བུ་སྤྲོས་པས་སྤྲོས་བཅས་ཡིན།། སྐུ་གསུང་ཐུགས་དང་ཡོན་ཏན་ལས།། ཆོམ་བུ
189a3 ལྔ་ལ་ཁྲོ་བཅས་བསྒོམ། ། ཡང་ན་སྐུ་གསུང་ཐུགས་ལྡན་པའི།། ཚོམ་སྤུ་གསུམ་དང་བཅས་པ་ཡི།། ཁྲོ་བོ་ཁྲོ་མོ་འཁོར་དུ་བསྒོམ།། རིགས་ཀྱི་གཙོ་སྟེ་ཐུགས་ཀྱི་མཆོག། ཁྲོ་བོ་ཚོགས་དང་བཅས་པ་ཡི།། མོས་པའི་ཚུལ་དང
189a4 སྦྱོར་བ་ཡིས། ། ཚེམ་བུ་གཅིག་པའི་ལྷ་རྣམས་བསྒོམ།། སློབ་དཔོན་མཐར་ཉེའི་ལམ་གནས་པས།། རྒྱང་གྲགས་དཔག་ཚད་ལ་སོགས་པ།། རྡོ་རྗེ་ཐིག་ཚད་བོར་ཙམ་གྱིས།། ཕྱག་རྒྱའི་དཀྱིལ་འཁོར་གསལ་ལྡན་པ།། སྣ་ཚོགས
189a5 དཀྱིལ་འཁོར་མཆོག་ཏུ་གསུངས། ། དང་པོ་རྒྱང་གྲགས་དཀྱིལ་འཁོར་ཏེ།། དེ་ནས་དཔག་ཚད་དཀྱིལ་འཁོར་ཉིད།། ནམ་མཁའི་དབྱིངས་ནི་བསམ་ཡས་པར།། སངས་རྒྱས་དཀྱིལ་འཁོར་སྣ་ཚོགས་བསྒོམ།། དེ་ནས་ཡོ་བྱད་ལྔ
189a6 ལྡན་པས། ། ཏིང་འཛིན་མོས་པ་སྤྱོད་འཐུན་པའོ།། སྐྱེ་བོ་ཙམ་དུ་གྲངས་འཐུན་པས།། ཚེམ་བུས་འདོད་པའི་དོན་བསྒྲུབ་བྱ།། ཐབས་དང་ཤེས་རབ་འབྲེལ་བ་ཡི།། ཕོ་མོ་འདུས་པའི་གྲངས་མཉམ་པར།། ཡོ་བྱད་འདུས་པའི་ཚོགས་ལྡན
189a7 པས། ། དགོན་པར་འཁོར་ཁང་རབ་བརྩིགས་ཏེ།། རང་རང་ཐབས་དང་ཤེས་རབ་ཏུ།། བརྟགས་ཏེ་ཡོ་བྱད་ལོངས་སྤྱོད་ཅིང་།། རྡོ་རྗེ་གླུ་བྲོ་གར་ཐབས་ཀྱིས།། ཞག་ནི་གསུམ་བཅུ་ཕྲག་དྲུག་གམ།། བཅུ་གཉིས་བཅུ་བཞི་བཅུ་དྲུག་གིས།།
189a8 ཚེལ་དབང་སྒྱུར་ཟག་མེད་ཐོབ།། དེ་ནས་རྒྱ་ཕྲག་བཅུ་དྲུག་གིས།། སྐུ་ལྔ་ལྷུན་གྱིས་གྲུབ་པར་འགྱུར།། སྐྱེ་བོ་མཛྲ་བ་ཀུན་ཚོགས་པ།། རྣལ་འབྱོར་འདུས་པའི་ཚོགས་ཞེས་བྱ།། འབྱོར་པའི་ལོངས་སྤྱོད་ཚད་པ་ནི།། བདེ་བའི་ལོདྲ
iiif viewer powered by OpenSeadragon
