| e-texts navigator |
| Wylie |
188b1 ཡིན། ། འགྲོ་བ་གང་དང་གང་དག་ལས།། སྙིང་རྗེ་ཆེན་པོ་གང་གཟིགས་པས།། སྣ་ཚོགས་མཛད་པའི་ཚུལ་ཉིད་ཀྱིས།། དེ་སྙེད་སྤྱོད་ལ་མཐའ་ཡས་ཏེ།། དོན་དང་འཐུན་པར་འབའ་ཞིག་སྟོན།། ཐ་མལ་པ་དང་ཐབས་ཉིད་དང་།། ལུས
188b2 ངག་ཡིད་ཀྱིས་ཅི་འཚམ་པར། ། དོན་འགྱུར་སྤྱོད་པ་བསམ་མི་ཁྱབ།། གང་དུ་བྱམས་དང་སྙིང་རྗེ་ཡིས།། མ་ཁྱབ་མིང་གི་རྣལ་འབྱོར་ཏེ།། ཐེག་པ་ཆེན་པོའི་རིགས་ཆད་ཅིང་།། དམན་པའི་རིགས་སུ་གྱུར་པ་ཡིན།། རྩ་བ་མེད་པའི
188b3 སེམས་ཉིད་ནི། ། ཆོས་རྣམས་ཀུན་གྱི་རྩ་བ་སྟེ།། ནམ་མཁའི་རིས་དང་དབྱེར་མེད་ལྟར།། མ་ལུས་རང་རྒྱུད་བྲལ་བ་ཡི།། ངོ་བོ་བདེན་མིན་བརྫུན་པ་མིན།། ཆོས་རྣམས་མིང་ཙམ་དངོས་པོ་མེད།། སྒོ་གསུམ་འདི་ལྟར་བརྟན་པ་ནི།། །
188b4 ཐུགས་རྗེ་ཆེན་པོ་སྤྱོད་པ་ཡིན།། དེ་ནས་སྒྱུ་མའི་རང་བཞིན་ཉིད།། རང་བཞིན་གཉིས་མེད་རིགས་པ་ནི།། ཡི་གེ་ཧཱུཾ་དུ་གསལ་བར་བསྒོམ།། ཕྱི་ནང་སྣོད་བཅུད་མ་ལུས་པ།། འཕྲོ་འདུས་ཧཱུཾ་དུ་གསལ་བར་བྱ།། རྡུལ་ཕྲན་དེ་སྐྱེད་འདུ
188b5 པ་ལས། ། ཐིག་ལེ་མི་དམིགས་སྟོང་པར་བལྟ།། མ་དང་ཨ་ལས་ཉི་ཟླའི་གདན།། གང་བསྒྲིལ་ཧཱུཾ་བཅས་གསལ་བར་བྱ།། རང་རང་གསུང་ཡང་འགལ་བ་མེད།། སྒྲིལ་མའི་སྙིང་པོ་ཕྱག་མཚན་ཏེ།། འཕྲོ་འདུ་འཕྲ་མོའི
188b6 རང་བཞིན་སྐུ། ། གསལ་ལ་སྐྱོན་དང་བྲལ་བར་བསྒོམ།། དེ་ནས་རང་རང་ཚད་གྱུར་པའི།། རིགས་པའི་ཕྱག་རྒྱ་ཆེན་པོ་ཉིད།། ཞི་དང་ཁྲོ་བོ་སྐབས་ཉིད་དུ།། ཇི་ལྟར་འཐད་པར་བསྒོམ་པར་བྱ།། ཡང་ན་ཞལ་ཅིག་ཕྱག་གཉིས་ཏེ།།
188b7 ཡད་ན་ཞལ་གསུམ་ཕྱག་དྲུག་བསྒོམ།། གནས་ཅིག་གནས་གསུམ་གནས་ལྔར་ཡང་།། ཡན་ལག་ལྷ་ནི་ཚང་བར་བསྒོམ།། བསྒོམ་ནས་སྙིམས་ཏེ་སྤྱོད་ཡུལ་ཀུན།། དེ་ལྟར་གསལ་བར་བརྟག་པར་བྱ།། རྩ་བ་ཅིག་པའི་ལྷ་སྒོམ
188b8 པ། ། ཕྱག་རྒྱ་ཅིག་པའི་རྣལ་འབྱོར་ཡིན།། སྒོ་གསུམ་བསྒོམ་པ་རབ་འབད་པས།། རྣམ་པར་གཡེང་བའི་ཆོས་སྤྱོད་འདས།། མ་ལུས་རྩ་བའི་སྤྱོད་པ་སྟེ།། ཕྱོགས་ཅིག་པ་ཡི་སྤྱོད་པར་གསུངས།། དེ་ནས་རྟོག་པའི་ཡན
iiif viewer powered by OpenSeadragon
