| e-texts navigator |
| Wylie |
186b1 བཐར་ཐུག་གནས་སུ་འགྱུར།། གང་ཞིག་འདི་ལ་འདྲིས་གོམས་པས།། རྒྱུ་བ་ཐིག་ལེར་ཐིམ་པ་དང་།། དྲན་རྟོག་ནམ་མཁར་གསལ་བ་དང་།། བདེ་ཆེན་སྔོན་དུ་སྨིན་པ་ཡིས།། འཆི་མེད་སངས་རྒྱས་ས་ལ་སྤྱོར།། འཇིགས་པ
186b2 ཀུན་ལས་གྲོལ་བ་དང་། ། ལྷ་མོ་ཚགས་ཀྱིས་བྱིན་བརླབས་ནས།། རོལ་རྩེད་སྣ་ཚོགས་བསྒྱུར་བྱེད་ཅིང་།། ཐབས་དང་ཤེས་རབ་གཉིས་མེད་ཅིང་།། ལོངས་སྤྱོད་རྫོགས་པའི་ཞལ་མཐོང་ཞིང་།། རྡོ་རྗེ་དབང་གིས་མཚམས་སྦྱར་ནས།། ཡེ
186b3 གེ་འཁོར་ལོ་ཚོགས་མཆོག་མཉེས། ། ནམ་མཁའི་མཐར་ཐུག་བར་དུ་ནི།། བདེ་ཆེན་ཡེ་ཤེས་ཟག་པ་མེད།། ཡེ་ཤེས་རྒྱ་མཚོ་བྱིན་བརླབས་ཅན།། ནམ་མཁའ་ལྟ་བུར་དཔག་མེད་པ།། རྒྱལ་བ་ཀུན་གྱི་ངོ་བོར་འགྱུར།། རྡོ་རྗེ་སེམ?
186b4 པ་སྒྱུ་འཕྲུལ་དྲབ་གསང་བ་མེ་ལོང་གི་རྒྱུད་ལས་ཕྲིན་ལས་མཐའ་ཡས་པ་བཤད་པའི་ལེའུ་སྟེ་བཅུ་པའོ། ། ། དེ་ནས་གཞན་ཡང་བཤད་བྱ་བ།། གསད་པའི་ལམ་ལ་གང་དགའ་བས།། ཐུན་མོང་མ་གྱུར་གསང་བའི
186b5 ལམ། ། རིམ་པ་ཉིད་དུ་བཤད་པར་བྱ།། དད་དང་བརྟུལ་ཞུགས་ཆེ་བ་དང་།། ཐེག་པ་ཆེན་པོར་རིགས་དེས་ཤིང་།། སྙིང་བརྩེད་དབང་དང་དམ་ཚིག་ལྡན།། སྒྲུབ་ལ་བརྩོན་པའི་གང་ཟག་གིས།། ལུས་དང་ལོངས་སྤྱོད་འཚོ་བ་དང་། བུ་དང་ཆུང་ས་ཎྜ
186b6 སྲིད་ཀྱིས། ། དང་པོར་བླ་མ་མཉེས་བྱས་ལ།། ཐབས་ལ་མཁས་པས་འདོད་པ་བླང་།། ཕྱི་ནང་སྣོད་བཅུད་མ་ལུས་པ།། རང་འབྱུང་ཡེ་ཤེས་རང་སྡུད་པ།། གཅིག་དང་དུ་མ་མེད་ཚུལ་གྱིས།། ། བདེན་པ་གཉིས་མེད་འབྲེལ་བ་ཉིད
186b7 བྱིན་བརླབས་སྒྲ་དང་གཏན་ཚིགས་ཀྱི། ། རང་འབྱུང་ཡེ་ཤེས་མངོན་དུ་སྣང་།། རང་གནས་འཁོར་ལོ་བསམ་མི་ཁྱབ།། རྟོག་གེ་སྤྱོད་ཡུལ་མ་གྱུར་པ།། ཐབས་ཆེན་ཐབས་ལས་འབྱུང་བ་ཡི།། འཕེལ་དང་དགའ་བདེ་ལོངས་སྤྱོད
186b8 ཕྱིར། ། རྒྱས་པའི་ལས་ལ་འབད་པར་བྱ།། དབང་ཆེན་གཟི་བྱིན་ཆེན་པོ་དང་།། རྒྱལ་རིགས་བློན་པོ་བྲམ་ཟེ་དང་།། གདུག་པ་དབང་དུ་བསྡུ་བའི་ཕྱིར།། རྗེས་དགུག་དབང་གི་ལས་བརྩམ་མོ།། དགྲ་དང་བགེགས་སོགས་མ་རུངས
iiif viewer powered by OpenSeadragon
