| e-texts navigator |
| Wylie |
185b1 བཅས་པ་ཡི། ། ནམ་མཁའི་མཐའ་ལྟར་མི་ཕྱེད་པ།། བདེ་ཆེན་ཐིག་ལེ་ཨ་དང་གནས།། ཐིག་ལེ་སྟོང་པའི་རི་མོ་ཅན།། གསལ་བར་ཤེས་པ་རྒྱུ་བས་མངོན།། འོག་ནས་བསྐུལ་ཞིང་སྟེང་ནས་མནན།། དངས་སྙིགས་བ་སྲེ་བའི་ཐབས་ལ
185b2 འཇུག། བདེ་བའི་རླུང་ཅན་ཡ་མ་གི་སྒོ།། ། སྤྱོད་པའི་སྦྱོར་བས་གྱེན་དུ་ཕུལ།། རྒྱུ་བ་རླུང་གི་སྙིང་པོ་ཅན།། དཔའ་བོ་ལམ་ནས་ཐུར་དུ་ཐེན།། རིགས་པའི་ཡེ་ཤེས་གནས་པའི་རླུང་།། སྟོང་ཉིད་ནམ་མཁའི་དབྱིངས་སུ་ཐིམ།། བྱི་ནང
185b3 རྒུ་བ་ཆད་པ་དང་། ། རིག་པ་ཐིག་ལེའི་དང་ལ་གནས།། བདེ་བའི་རྟགས་ནི་འབྱུང་འགྱུར་ཏེ།། འདར་དང་རྡུལ་དད་པ་སྤུ་ལྡང་།། སྒྲ་དང་ལུས་བདེ་རྒྱུག་པ་དང་།། རྒོད་དང་བརྒྱལ་སོགས་གང་བྱུང་བ།། བརྟན་དང་སྦྱང་བའི་ཆོ་ག་བྱ།།
185b4 མི་འཐུན་ལོག་པའི་ཆོས་བརྟགས་ན།། ཐབས་ཀྱི་རིམ་པའི་ཆོ་ག་ཡིས།། གདོན་དང་སྤོས་དང་གནོན་པ་དག། ཇི་ལྟར་རིགས་པར་རྟག་པར་བྱ།། རང་ལུས་ཐིག་ལེའི་ཉམས་མྱོང་ལ།། བར་ཆད་མེད་པར་གསལ་འཇུག་པ།། ཐ་མལ་ཞེན་པ
185b5 སྦྱར་བ་དང་། ། བདེ་བའི་དབང་ཕྱུག་སྨིན་པ་དང་།། དྲན་རྟོག་རྒྱུད་སོགས་ཞི་བ་དང་།། བདེ་ཆེན་རྒྱས་པས་ཁྱབ་པ་དང་།། རླུང་དང་བདེ་བའི་རྣལ་འབྱོར་གྱིས།། ཐམས་ཅད་དབང་དུ་སྡུད་པ་དང་།། དྲན་རྟོག་ཨ་ཡི་དང་དུ་གནས།། འདི་ནི་ནང་གི་རིམ
185b6 པ་ཡིན། ། དེ་ནས་གསང་བ་བཤད་བྱ་བ།། ཐབས་དང་ཤེས་རབ་འབྲེལ་པ་ལས།། གསང་བའི་ཕྲིན་ལས་བཞིར་བྱུང་བ།། བཀའ་ཐུབ་ཅན་དང་ཐ་མལ་དང་།། ཐུན་མོང་ལམ་ལས་བཟློག་ཕྱིར་རོ།། འདོད་ཆགས་ཞེན་ཅིང་དབང་པོ་སྨིན།།
185b7 ཚད་ལྡན་ཡུལ་དང་བཅས་པ་ཡིན།། བདེ་ཆེན་དགོངས་པ་ཐིག་ལེའི་གནས།། ཡོན་ཏན་ཁྱད་པར་ཀུན་ཏུ་རྫོགས།། གཉིས་མེད་འཁྲིལ་པའི་ངོ་བོ་ནི།། བདེ་བ་ཆེན་པོ་འབྱུང་བའི་གནས།། གསང་བའི་བྷ་ག་རྒྱས་པ་ནི།། ཞི་རྒྱས་དབང་དྲག
185b8 ཚུལ་བཞིན་དང་། ། ནུས་པ་བྱིན་རླབས་གང་ལྡན་པ།། གསང་བའི་ཐིག་ལེའི་ཚུལ་ལ་གནས།། པད་མ་གསང་བའི་ཐབ་ཁུང་དུ།། གསང་བའི་སྦྱིན་བསྲེག་གང་ཕུལ་བ།། ལོ་དང་ཟླ་བ་མ་ཡིན་པར།། མྱུར་དུ་བདེ་ཆེན་ལུས་སུ་འགྱུར།།
iiif viewer powered by OpenSeadragon
