| e-texts navigator |
| Wylie |
184b1 བཞི་རྟགས་ཀྱི་མཚན་མ་སྟེ། ། ཁ་དོག་ལས་ཀྱིས་དབྱེ་བར་བཤད།། དབང་བསྐུར་ལས་བཞི་རིགས་ཀྱིས་བརྒྱན།། ལས་བཞི་འོད་ཀྱི་འཕྲོ་འདྲ་ཅན།། ཆོ་གས་གསལ་བར་བསྐྱེད་བྱས་ལ།། སྤྱན་དྲང་བ་སྟེམ་སོགས་ལས་རྫོགས་བྱ།། ལས
184b2 དང་ཏིང་འཛིན་བཞི་ཉིད་ཀྱིས། ། ལས་བཞི་རྩེ་གཅིག་ཏིང་འཛིན་བྱ།། གང་དུ་དམིགས་པ་རྩེ་གཅིག་པས།། ལས་བཞི་བྱ་བའི་ཆོ་ག་དག། མ་ལུས་པ་དག་འགྲུབ་འགྱུར་ན།། ཕྲ་མོའི་ལུས་རྣམས་སྨོས་ཅི་དགོས།། ཤར་ཕྱོགས་སུ་ནི་ཁ
184b3 བལྟས་ཏེ། ། དང་བའི་ཡིད་ནི་མི་གཡོ་བས།། རྫོགས་པའི་དཀྱིལ་ཀྲུང་ལ་གནས་ཏེ།། མ་རུངས་གདུག་པ་ཞི་བར་བྱ།། ལྷོ་ཕྱོགས་སུ་ནི་ཁ་བལྟས་ཏེ།། དགའ་བའི་འདུ་ཤེས་རྩེ་གཅིག་པས།། རིན་ཆེན་དཀྱིལ་དཀྲུང་ལ་གནས་པས།། དཔལ
184b4 དང་གཟི་བྱིན་འཕེལ་བར་བྱ། ། ནུབ་ཀྱི་ཕྱོགས་སུ་ཁ་ལྟས་ཏེ།། ཆགས་དང་ཞེན་པ་རྩེ་གཅིག་པ།། པད་མའི་དཀྱིལ་དཀྲུང་ལ་གནས་ཏེ།། མ་ལུས་དབང་དུ་བསྡུ་བར་བྱ།། ། བྱང་ཕྱོགས་ཉིད་དུ་ཁ་བལྟས་ཏེ།། ཁྲོས་པའི་སེམས་ཀྱིས་སོ་བཅ
184b5 ཞིང་། ། རུ་སྦལ་དང་ནི་གྱད་སྟབས་ཀྱིས།། གདུག་པ་བསྐལ་ཏེ་ལམ་དུ་ཞུགས།། སོ་སོའི་སྔགས་ཀྱི་རིམ་པ་དག། སྔ་དྲོ་ཞི་བའི་ལས་བྱས་ཏེ།། གུང་ལ་རྒྱས་པ་ཉིད་དུ་བྱ།། དགོངས་ཀ་དབང་གི་དུས་ཉིད་དེ།། དྲག་པོ་ནམ་གྱི་གུང་ལ་བྱ།། ནམ
184b6 ཟླ་དུས་བཞིར་བསྲུབས་པས་ན། ། ངེས་པར་ལས་བཞི་འགྲུབ་པར་འགྱུར།། ཨོཾ་ཆེ་གེ་མོ་ཤ་ན་ཏི་ཀུ་རུ་སཱ་ཧཱ།། ས་ཆེ་གེ་མོས་པུཥྚི་ཏི་ཀུ་རུ་སྭཱ་ཏཱ།། ཧཱི་ཆེ་གེ་མོ་བ་ཤ~ཾ་ཀུ་རུ་ཧཱུཾ་སྭ་ཧཱ།། ཧཱི་ཆེ་གེ་མོ་མཱ་ར་ཡ་ཕཊ། ལིང་གའི་གནས་ཀྱང
184b7 ལས་བཞིའི་དབྱིབས། ། དགུག་དང་པུར་བུ་བཞི་བཏབ་ལ།། རི་ལུ་འམ་ལྷག་མ་བཏུབས་པ་ཏེ།། སོ་སོ་ལྕེ་ཡི་ཞལ་དུ་སྟབ།། རྩེ་མོ་ཞི་བྱེད་ཡན། རྒྱས།། སྡོང་པོ་དབང་ལ་རྩ་བ་དྲག། ཁཾ་དང་མངར་སྐྱུར་ཚ་བའི་ཤིང་།། རོ་ཡི་མཆོད་པ་དེ
184b8 བཞིན་ཏེ། ། རྒྱུད་གཟངས་རྒྱལ་པོ་སྨད་འཚེད་མ།། ཤན་པའི་ཁྱིམ་ནས་མ་བླངས་ཏེ།། ལས་དང་འཐུན་པའི་ར་སྐྱེས་མནན།། ས་བོན་བཞི་ལས་རིམ་པ་བཞིན།། པ་བ་ཀ་དང་དབང་ཆེན་དང་།། གཟི་བྱིན་ཅན་དང་འཇོམས་བྱེད་བཞི།། སུ
iiif viewer powered by OpenSeadragon
