| e-texts navigator |
| Wylie |
183b1 བའི་ཚུལ། ། མདོག་དམར་རཱ་དང་ལྡན་པ་ཡིས།། རོལ་པའི་ཚུལ་ནི་སྣ་ཚོགས་ཀྱིས།། རྡོ་རྗེ་བཅུད་ཆེན་ཟླ་བཅས་ཟླ།། ཉི་མ་ཆགས་པ་དང་བཅས་པའི།། པད་མའི་སྙིང་པོའི་གླེངས་མཛད་ཅིང་།། དགའ་བའི་འོད་དང་འཁྲུད་པའི་ག
183b2 རླུང་གི་སྙིང་པོ་བརྗོད་བྱེད་ཅིང་། ། སྲིད་པའི་མྱུ་གུ་འགོག་པར་མཛད།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་མེ་ལོང་གི་རྒྱུད་ཆེན་པོ་ལས་བསྒྲུབ་པ་མ་ལུས་པ་བཤད་པའི་ལེའུ་སྟེ་དགུ་པའོ།།
183b3 དེ་ནས་གཞན་ཡང་བཤད་བྱ་བ།། རྟོག་པའི་རྒྱལ་པོ་མ་ལུས་པ།། བྱ་བ་ལས་ཀྱི་རིམ་པ་དག། བཞིར་ནི་གསལ་བར་གསུངས་པ་ཡིན།། དང་པོར་ཞི་བའི་རང་བཞིན་ཏེ།། དེ་འོག་རྒྱལ་བས་རྒྱས་ཕྱིར་རོ།། རྒྱས་པས་དབང་དུ
183b4 བྱ་བ་དང་། ། དབང་མི་འདྲ་བ་བསྒྲལ་ཕྱིར་ཏེ།། ཐུན་མོང་ཁྱད་པར་ཡོན་ཏན་རྫོགས།། བྱ་བའི་ལས་ལ་མ་རྨོངས་ཤིང་།། ནུས་པ་བརྟན་པའི་རང་བཞིན་གྱིས།། རིམ་པ་ཇི་བཞིན་བརྩམས་པར་བྱ།། གངས་དཀར་འདབ་ས་དང་ཡིད་འདར་བ།།
183b5 ཞི་བའི་ལྗོན་ཤིང་མེ་ཏོག་ཚལ།། འབྲས་ལྡན་རྒྱས་པའི་རང་བཞིན་ནོ།། སུམ་མདོར་མ་གྲོགས་གཏིང་ཟབ་པས།། དབང་དུ་བསྡུ་བའི་གནས་སུ་བཤད།། དུར་ཁྲོད་མཚན་ཅིག་རྒྱ་གྲམ་གནས།། འབྱུང་པོ་འདྲ་སར་དྲག་པོ་ཤིས།། ཞི་ལ
183b6 ས་བཞི་དཀར་ལྡན་པ། ། ཟླུམ་པོ་གསུམ་རིམ་ཨོཾ་དང་བཅས།། འཁོར་ལོ་འོད་དཀར་དང་བཅས་པ།། ཞི་བའི་ཐབ་ཀྱི་རང་བཞིན་ནོ།། རྒྱས་ལ་སེར་པོ་ཙན་དན་བཅས།། གྲུ་བཞི་རིམ་གསུམ་ཏྲ་དང་བཅས།། རིན་ཆེན་འོད་ཟེར་འགྲོ
183b7 བཅས་པ། ། ཐབ་ནི་རྒྱས་པར་གསུངས་པ་ཡིན།། དབང་ལས་དམར་ཆགས་འོད་ཅན།། ཟླ་གམ་གཞུ་འདྲ་པད་མས་མཚན།། རིམ་གསུམ་ཧྲི་དང་བཅས་པ་ནི།། དབང་དུ་བྱ་བའི་ཐབ་ཡིན་ནོ།། དྲག་པོས་ནག་དུང་སོལ་ཅན།།
183b8 གྲུ་གསུམ་རྡོ་རྗེ་རྩེ་གསུམ་གདེང།། ཐོད་འཕྲེད་འོད་ནག་རིམ་གསུམ་ཧཱུཾ།། དྲག་པོ་ཐབ་ཀྱི་རིམ་པ་ཡིན།། འོ་མ་ཅན་དང་གསེར་ཅན་དང་།། ཆགས་པ་ཅན་དང་ཚེ་རམ་ཅན།། ཕྲིན་ལས་བཞི་ནི་སོ་སོ་ཡི།། ཡམ་ཤིང་བསྲེག་ཤིང
iiif viewer powered by OpenSeadragon
