| e-texts navigator |
| Wylie |
183a1 འཁོར་ལོ་དང་། ། གསང་པའི་འོག་མིན་ནུས་ལྡན་པ།། འབྱོར་པའི་རྟེན་ཅན་འདི་ཉིད་གནས།། ཐབས་དང་རོལ་པའི་ཁྱད་པར་དང་།། ཏིང་འཛིན་རླུང་གི་དབང་ཐོབ་སྟེ།། འབྱུང་བཞི་སྙིགས་ཕྱེ་དངས་དུས་སུ།། ཉི་ཟླ་འདྲེས་ཏེ
183a2 གར་ཐབས་ཀྱིས། ། ལྷ་མོ་རྣམས་དང་ལྷན་ཅིག་ཏུ།། རོལ་པའི་ཐབས་ཀྱིས་གང་རྩེན་པ།། བྱེ་བྲག་བརྒྱད་བཅུ་གཉིས་འདུས་པའི།། པད་མའི་སྙིང་པོ་ཀུན་བཀུག་སྟེ།། ཐིག་ལེ་དཔའ་བོ་ལྔ་ཡི་སྟོབས།། མི་སྡོད་འཕྲོ་བའི་རང་བཞིན
183a3 ཉིད། ། ཐབས་དང་ལྡན་པའི་རྣལ་འབྱོར་གྱིས།། བཅིངས་ལ་བཟུང་ཞིང་གནས་པར་བྱ།། དེ་དང་རྩེ་ཕྲད་གཉིས་བཟློག་པས།། བདེ་བའི་མྱུ་གུ་གསོ་བྱས་པས།། ཐ་མལ་ཞེན་པ་ཀུན་བྲལ་ནས།། རྟོག་དང་ལྷན་ཅིག་གང་སྐྱེས་པ།། དངས
183a4 སྡིགས་ཕྱེ་བའི་ཉམས་དག་གིས། ། སྙིགས་མ་བག་ཆགས་ཞེན་བཅས་པ།། དེ་ཡི་སྟོབས་ཀྱིས་གནས་མི་འགྱུར།། གསང་བའི་ཐིག་ལེ་སྟོབས་ལྡན་པས།། རིགས་ངན་ཐ་མལ་ཞེན་ཆགས་དང་།། དྲན་རྟོགས་མ་ལུས་ཕན་བྱས་སྟེ།
183a5 ཕྱི་ནང་སྣོད་བཅུད་མ་ལུས་པ།། ལྷན་ཅིག་སྐྱེས་པའི་རང་བཞིན་དུ།། མ་ལུས་དཔུང་བཙུགས་རྒྱལ་བར་མཛད།། རྡོ་རྗེ་པད་མའི་སྙིང་པོ་ལ།། དགའ་བའི་རོལ་པའི་བདག་ཉིད་ཀྱིས།། ཐབས་དང་ཤེས་རབ་གསལ་བའི་རོ།། ཕྱོགས་བཅུའི
183a6 རྒྱལ་བ་འདུས་པའི་ཚེ། ། ཟག་མེད་ཡོན་ཏན་གཏེར་ཆེན་དེ།། གསང་བ་ཐབས་ཀྱིས་སྟོབས་ལས་གྲུབ།། བདེ་ཆེན་སྙིང་པོ་ཐིག་ལེའི་རོ།། དབབ་དང་གཟུང་བཟློག་འབྱོངས་པ་ཡིས།། རྩ་གསུམ་གང་ཞིག་ཐིམ་པའི་ཚེ།། བར་ཆད་མེད
183a7 པའི་བདེ་བ་དང་། ། ཐམས་ཅད་མཁྱེན་པའི་མངོན་ཤེས་དང་།། སྐྱེ་ཤི་མེད་པའི་ཚེ་འཐོབ་ཅིང་།། མི་འགྱུར་ཆོས་སྐུ་ཐིག་ལེ་ལ།། རྒྱུ་བ་སྤངས་པའི་ཚུལ་གྱིས་གནས།། བདེ་ཆེན་ཆོ་འཕྲུལ་དཔག་མེད་པས།། གསང་བའི་ཞིང་ཁམས
183a8 དག་བྱེད་ཅིང་། ། གསད་པ་ཆོས་ཀྱི་འཁོར་ལོ་བསྐོར།། བདེ་ཆེན་ཉམས་དང་དགའ་བའི་གང།། ཆགས་པའི་སྒྲ་ནི་སྣ་ཚོགས་པས།། ཇི་སྲིད་ནམ་མཁའི་མཐར་ཐུག་པར།། ཀླུ་ནི་སྣ་ཚོགས་ལེན་བྱེད་ཅིང་།། མཛེས་དང་ངོ་ཚ་སྤངས
iiif viewer powered by OpenSeadragon
