| e-texts navigator |
| Wylie |
182b1 ཆུ་བཞིན་ནོ། ། རང་འབྱུང་ཐིག་ལེག་རང་བཞིན་ལས།། རྟེན་དང་ཟག་པ་སྙིགས་མ་དང་།། འཁོར་བའི་རྩ་དང་ས་བོན་དང་།། ལེ་རྟོག་ཐིག་ལེ་ཞེན་བཅས་པ།། རང་འབྱུང་ནམ་མཁའི་ཐིག་ལེས་འཇིག། རང་ལུས་བདེ་ཆེན་སྙིང་པོ
182b2 ལ། ། ནམ་མཁའ་སྤྲིན་ལྟར་མི་བྱེད་ཅིང་།། དངས་སྙིགས་བདེ་བའི་རང་བཞིན་ཉིད།། ཐིག་ལེ་ཆུ་དང་འོ་མ་དང་།། གནས་པ་རླུང་དང་རྟེན་སྟོབས་ཀྱིས།། དངས་སྙིགས་ཕྱེ་ལ་དངས་མ་བསྟིམ།། རང་སྙིང་ལུས་ལ་འོད་སྣང་བའི
182b3 ཕྱི་དང་དངོས་རྟོག་མ་ལུས་པ། ། རླུང་སོགས་འཁོར་ལེའི་འཕེན་སྟོབས་ཀྱིས།། དེར་མི་གནས་པར་གོམས་པར་བྱ།། གང་དུ་ས་བོན་སྙིགས་བཅས་པ།། ནམ་མཁའི་ཡེ་ཤེས་ལྔ་འབར་བས།། གང་དུ་རྒྱུ་བར་བཅས་པ་ཡིས།། དེ་མ
182b4 ཐག་པར་རྣམ་པར་བརླག། རླུང་དང་རྩ་དང་ཐིག་ལེ་བཅས།། ཐབས་ཀྱིས་བསྐུལ་བའི་རོ་ལྡན་པས།། མ་ལུས་ཐིག་ལེའི་རང་བཞིན་པས།། མི་མཐུན་ཞན་པས་རྣམ་གྲོལ་བས།། རང་སེམས་རྟེན་བཅས་ཐིག་ལེ་ནི།། དངས་མའི་ཡེ
182b5 ཤེས་བློ་ལྡན་པས། ། ཀུན་ཁྱབ་བདེ་འབྱུང་སྙིང་པོ་ཅན།། གསང་བའི་རིག་པའི་གཏེར་ཁ་འབྱེད།། ཕྱི་ནང་རྒྱུ་བ་ཐིག་ལེར་བཅས།། སྙིང་ནང་བདེ་བར་འབར་གྱུར་ནས།། རང་ལུས་རྟགས་སུ་བདེ་ཆེན་འབར།། མངོན་ཤེས་རིན་ཆེན་རྩ་ལ
182b6 པོག། རིག་པའི་མངོན་ཤེས་ལྔ་རུ་འཆར།། དེ་ནས་མི་འགྱུར་སྟོང་པའི་རྩ།། འགྱུར་མེད་ཀུན་སྣང་རླུང་ལ་ཐིམ།། དམན་པས་མི་འགྲུབ་ཁྱད་པར་ཐབས།། གསང་བའི་ཐིག་ལེ་འབབ་ཞོན་གྱིས།། རྩ་བཅུད་ཏིང་འཛིན་འབྲེལ་བའི་སྟོབ།
182b7 བསྐལ་པ་དུ་མའི་སྟོབས་འགགས་ཏེ།། དངས་མའི་ཡེ་ཤེས་རླུང་དུ་གྲུབ།། ཕྱིན་པ་མེད་པར་མཐར་སོང་པ།། བདེ་ཆེན་གོམས་པའི་སྟོབས་ལས་གྱུར།། བཅུད་ལྔ་འདུས་པའི་ཐིག་ལེ་ནི།། རོ་ལྔ་འདྲེས་པའི་བདེ་ཆེན་དེ།། བསྒོམ་དང
182b8 མཐར་བྱིན་ཁྱད་པར་གྱི། ། བདེ་བ་ཆེན་པོ་རིགས་མཆོག་གནས།། དེ་ནས་གང་ཡིན་བརྗོད་བྱ་བ།། ཟབ་མོ་ཀུན་རྫོགས་བརྟུལ་ཞུགས་ཅན།། དབང་པོ་དང་ཞིང་སྨིན་པ་ཡི།། ཆགས་ཅན་ཉི་ཟླ་ནུས་འཛིན་པས།། སྤྱི་གཙུག་ཐིག་ལེར
iiif viewer powered by OpenSeadragon
