| e-texts navigator |
| Wylie |
180a1 དང་པོ་སྟེ། དྲི་ཞིམ་འོད་ཆགས་གཉིས་པ་ཡིན།། དགའ་བའི་སྒྲ་སྒྲོགས་གསུམ་པ་ཡིན།། བཀྲག་དང་གཟི་མདངས་ཉམས་སོར་ཡིན།། ཞིང་ཆེན་ཁ་ནས་ཏྲི་བྱུང་ན།། ཏིང་འཛིན་རྡོ་རྗེ་སོ་ཡིས་བཅད།། རོ་ལངས་བརྡབས་ན་གསེར
180a2 དུ་གྱུར། ། ལྕེ་ཡི་རལ་གྲིས་དེ་བཅད་ན།། ཅི་ཀྱང་མི་ཚུགས་གོ་མཚོན་ཏེ།། ལྷ་མིན་གཡུལ་ཡང་ཕམ་བྱེད་ན།། དཔའ་བོ་སྟོབས་ལྡན་སྤོས་ཅི་དགོས།། དེ་ཡི་དབང་པོ་ལྔ་དག་ལ།། མངོན་ཤེས་ལྔ་ཡི་དངོས་གྲུབ་ཡོད།། རང་གི་རྟོག་པ
180a3 དེ་བཞིན་དུ། ། མཁས་པས་བསྒྲུབས་ན་འགྲུབ་པར་འགྱུར།། གལ་ཏེ་བཅུ་བདུན་བཅོ་བརྒྱད་མའི།། ཞིང་མཛེས་བཀྲུ་ཞིང་བྱུགས་བྱས་ཏེ།། རྒྱན་དང་གོས་ཀྱིས་ལེགས་པར་གདགས།། དྲི་ཞིམ་དབང་པོ་དག་པ་ལ།། བདག་ཉིད་དབང
180a4 དྲག་རྣལ་འབྱོར་གྱིས། ། ཡེ་ཤེས་འཇིག་རྟེན་གང་རུང་བའི།། ལྷ་མོ་ཡིད་འོང་འོད་འབར་མ།། སྔགས་དང་ཕྱག་རྒྱས་བཀུག་བཅིངས་ནས།། རྟགས་བྱུང་བར་དུ་སྙིམ་པར་བྱ།། དྲི་དང་སྒྲ་དང་འོད་དག་དང་།། འདར་དང་འགུལ་དང་དགོད་པ་དག
180a5 དང་པོའི་རྟགས་ནི་ཡིན་པར་བཤད། ། ལྷ་དང་གཏམ་དང་གཉིས་པ་སྟེ།། དངོས་སུ་ལངས་པ་ཚད་ཡིན་པས།། པདམ་པ་དར་མནས་བསྒྲགས་དབང་དུ་བསྡུ།། གལ་ཏེ་སྦྱར་དུ་སོད་པ་ན།། ཆོ་འཕྲུལ་ཆེ་ཞིང་ལོག་སྟོན་ན།། དབང་དག་ང་རྒྱལ
180a6 ཆེན་པོ་ཡིས། ། དབང་དུ་བསྡུ་དང་ཟིལ་གྱིས་མནན།། དེ་དག་ཆགས་པས་རོལ་སྤྱད་ན།། སྐད་ཅིག་ཆོ་འཕྲུལ་བཞི་ཐོབ་སྟེ།། སྐེ་ཤི་མེད་པར་གནས་པ་དང་།། མ་ལུས་བདེ་ཆེན་འབར་བ་དང་།། ཞིང་ཁམས་ཀུན་ཏུ་དགྲོད་པ་དག། ཐོགས་པ
180a7 མེད་པ་འགྲུབ་པར་འགྱུར། ། གཙང་མ་བྱིས་པ་མམེད་པ།། ཡིད་འོང་ལེགས་པ་བཙལ་བླངས་ནས།། དག་ཅིང་བདུད་རྩིས་དྲི་བླུགས་ལ།། འདའ་ཧཱུཾ་མ་ཏས་ལེགས་བྱུག་ལ།། ཁ་དོག་ལྔ་ཡི་གཟུགས་ཀྱིས་གདགས།། ཚངས་པ་དང་ནི
180a8 བརྒྱ་བྱིན་དང་། ། ལྷ་མོ་གང་རུང་སྙིང་པོས་དགུག། རྟག་ཏུ་ཕྱག་རྒྱ་བཞིས་བསྟིམ་ཞིང་།། བདག་ཉིད་ཧ་ཡ་གྷྲི་མ་འམ།། ཡ་མཱན་ཏ་ཀ་ལ་སོགས་པ།། གང་རུང་ཁྲོ་བོར་གསལ་བསྒོམས་ལ།། དྲག་ཏུ་དགུག་ཅིང་བསྟིམ་པར་བྱ།། རྟཿ།
iiif viewer powered by OpenSeadragon
