| e-texts navigator |
| Wylie |
179b1 པའི་ནུས་པ་ཡིས། ། གང་ཡང་རུང་བའི་སེམས་ཅན་དེ།། སྣ་ཚོགས་ཁྲོ་བ་ཁྲོ་མོ་ཡིས།། འོད་དང་ཕྱག་རྒྱ་འབར་བ་ཡིས།། བཅིངས་ནས་མདུན་དུ་གནས་པར་བལྟ།། དགའ་དང་བསྡིགས་པ་རྫས་ཀྱི་མཐའ།། ཏིང་འཛིན་བརྟན་པས་ངེས་པར
179b2 འགྲུབ། ། མེད་ལས་དངོས་པོར་ངེས་གྲུབ་ཅིང་།། མི་མཐུན་བརྒྱད་སོགས་ངེས་འགྲུབ་ན།། ཡོད་དང་སྣང་བའི་འགྲོ་བ་དག། དབང་པོས་བསྐུར་བ་སྤོས་ཅི་དགོས།། གལ་ཏེ་གསོ་བའི་ལས་བྱས་ན།། ལས་ནི་གཉིས་ཏེ་བཙམས་པས་གྲུབ།
179b3 བདག་ཉིད་རྟག་པར་སྐྱེས་ནས་ནི།། དབང་བསྐུར་བྱིན་བརླབས་ཀུན་བསྟིམས་ནས།། མདུན་དུ་ཤེལ་གྱི་བུམ་པ་རུ།། ཐུགས་ལས་ཆུ་ཡི་ལཱ་མ་བསྐྱེད།། ཕྱོགས་བཅུའི་རྒྱལ་བ་དེར་གྱུར་ནས།། བུམ་པར་ལྷ་མོ་འོད་དུ་ཞུ།། ནད་དང་སྡུག་སྔལ
179b4 བྱང་བར་བསམ། ། དམར་སེར་བ་ཡི་འོ་མ་དང་།། སྨན་དང་རིན་ཆེན་སྤོས་དང་འབྲུ།། བདུད་རྩི་སྙིང་པོ་ཆེ་རྐྱེན་ལ།། མཱ་མ་ཀཱ་ཡི་སྔགས་ཀྱིས་གདབ།། ཨོཾ་མ་མཱ་ཀི་སརྦ་པ་པ་དུ་རུ་དུ་རུ་སྭཱ་ཧཱ།། ནད་དང་སྡུག་བསྔལ་ལྡན་པའི་ལུས།། བསླུས
179b5 བས་འཚོ་བར་ཐེ་ཚོམ་མེད། ། བདག་ཉིད་བརྟུལ་ཞུགས་བདེ་ལྡན་པས།། སྔོན་དུ་བྱ་བ་སྔོན་སོང་བས།། དགོན་པ་བས་མཐའ་རབ་དབེན་པར།། མ་སྨས་མ་རུལ་ཆད་ལྡན་པའི།། དུར་ཁྲོད་ཞིང་ཆེན་མཚན་ལྡན་ལ།། ཁྲུས་དང་བྱུབ
179b6 བ་དུག་ཀུན་བྱས་ནས། ། ཕོ་མོ་ལ་སོགས་ཡིན་པ་ཡི།། ལས་དེ་ངེས་པར་འགྲུབ་པར་འགྱུར།། དེ་དག་མ་ཎ་ཌ་ལ་གཙང་མ་ཡི།། དབུས་སུ་ལེགས་པར་གཞག་ནས་ནི།། བདག་ཉིད་ཁྲོ་བོ་གང་ཡང་རུང་།། གསལ་བས་ཚངས་པ་བརྒྱ
179b7 བྱིན་རུང་། ། རང་སྔགས་སྲོག་སྙིང་ཛ་ཡིས་དགུག། ཕྱག་རྒྱ་བཞི་ཡིས་དབབ་པར་བྱ།། གལ་ཏེ་འདར་དང་རྒོད་པ་དང་།། ངུ་དང་འཇིགས་པའི་སྒྲ་བྱུང་ན།། དམ་ཚིག་ཕྱག་རྒྱ་སྙན་པར་བྱ།། དམ་ཆུ་བྱིན་ལ་མནས་སྦགས་ཏེ།། གང་འདོད།
179b8 ལས་ལ་མ་དག་པར་བྱ།། གལ་ཏེ་འཇིག་རྟེན་ཐེ་ཚོམ་ཟོས།། དེ་ཡིས་ཟོས་དང་རྒྱལ་བ་དང་།། འབྲལ་དུ་བདག་ཉིད་འཆི་བར་འགྱུར།། གང་ཞིག་ཏིང་འཛིན་བརྟན་པ་ཡིས།། བར་ཆད་མེད་པར་བསྒྲུབས་པའི་ཚེ།། གདངས་ལྡན་ཡིད་འོང།
iiif viewer powered by OpenSeadragon
