| e-texts navigator |
| Wylie |
149b1 ཐུགས། ། མཐར་ཐུག་མེད་པའི་ནམ་མཁའ་བཞིན།། ཟག་མེད་རྒྱས་པས་ཀུན་ཁྱབ་ཅན།། ཤེས་བྱའི་དཀྱིལ་འཁོར་མཐའ་ཡས་པ།། གཅིག་དང་དུ་མ་མེད་ཚུལ་གྱིས།། ཡེ་ཤེས་མ་བསྒྲིབས་གསལ་བ་ཡིས།། ནམ་མཁའ
149b2 དབྱིངས་ལྷུར་གསལ་མཁྱེན་པ། ། དུས་གསུམ་ཆོས་དང་འགྲོ་བ་དང་།། ཞིང་ཁམས་རྒྱལ་བ་དཔག་མེད་དང་།། རི་དང་རྒྱ་མཚོ་རྡུལ་བཅས་པ།། སྔ་ཕྱི་མ་བསྒྲིབས་ད་ལྟ་ཉིད།། མེ་ལོང་ལྟ་བུར་མངོན་དུ་སྣང། དཔལ་ལྡན་ནམ
149b3 མཁའི་དཀྱིལ་འཁོར་སྐུ། ། ཡེ་ཤེས་ལྔ་ཡིས་ཀུན་ཁྱབ་ཅན།། ཀུན་མཁྱེན་སྟོབས་བཅུ་མཐའ་ཐུག་མེད།། ནམ་མཁའི་དབང་ཕྱུག་བདེ་ཆེན་པོ།། མངོན་ཤེས་རྒྱ་མཚོར་ཕ་རོལ་བྱོན།། ཤེས་བྱའི་དཀྱིལ་འཁོར་ཐམས
149b4 ཅད་ཀུན། ། སད་དང་སངས་རྒྱས་བདག་ཉིད་ཅན།། ཐོག་མ་ཐ་མ་མེད་པའི་བདག། བདེ་བ་ཆེན་པོ་སྒྱུ་མ་ཉིད།། རང་འབྱུང་ཐུགས་ལས་གཞན་པ་མིན།། འདི་ནི་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ཀྱི་རང་བཞིན་ཏེ།། གདུལ
149b5 བྱ་གང་གི་དེ་དག་ཏུ། ། སྣ་ཚོགས་མངོན་པར་འཕྲུལ་པ་ཡིན།། གང་དུ་འགྲོ་གཏུམ་གདུག་ལྡན་པའི།། སྲིད་གསུམ་དྲེགས་པའི་བདག་པོ་དག། ཐུགས་རྗེ་འཁྲོས་པས་གདུལ་བའི་ཕྱིར།། ཁྲོ་བོའི་དེ་བཞིན་གཤེགས་པར
149b6 མཛད། ། སྐུ་ནི་རི་རབ་ལྟ་བུ་ཉིད།། ཞབས་དང་ཕྱག་ནི་རྡུལ་རྙེད་དེ།། གང་དེ་གདུལ་བའི་ཁྱད་པར་གྱིས།། ཞལ་གསུམ་ཕྱག་དྲུག་ཞབས་བཞི་དང་།། དབུ་དགུ་བཅོ་བརྒྱད་ཕྱག་ལ་སོགས།། ཉི་ཤུ་རྩ་གཅིག་དབུ་ལ་སོགས།། དེ
149b7 བཞིན་གཡོ་རྡུལ་མི་གཡོ་བའི། ། ཕྱག་ཞབས་ཞལ་ཡང་དེ་སྐྱེད་དེ།། མཚོན་ཆ་སྣ་ཚོགས་འཛིན་པ་དེས།། ཇི་སྙེད་ཕྱོགས་བཅུ་འཇིག་རྟེན་དུ།། ཆོ་འཕྲུལ་བཞི་ལས་སོགས་པ་ཡིན།། མཛད་པའི་གར་ཐབས་སྣ་ཚོགས
149b8 ཀྱིས། ། དྲེགས་པ་ཆེ་དང་དབང་ཕྱུག་དང་།། ཚངས་པ་ཁྱབ་འཇུག་བརྒྱ་བྱིན་དང་།། དྲི་ཟག་ཤིན་རྗེ་གནོད་སྦྱིར་བཅས།། གདུག་པའི་ང་རྒྱལ་རྒྱུ་འབྲས་ཅན།། རྒྱུ་འབྲས་རྩད་ནས་བཅད་པའི་ཕྱིར།། མ་ལུས་པ་དག་མ་བཏང་པར།།
iiif viewer powered by OpenSeadragon
