| e-texts navigator |
| Wylie |
149a1 ཞལ་དང་ཐབས་ལྡན་པས། ། ཞལ་མཐོང་རིགས་ལ་དབང་སྒྱུར་བས།། རྡོ་རྗེ་འཛིན་པ་ཆེན་པོར་གྱུར།། རྒྱལ་བ་དེ་དག་མ་ལུས་པའི།། གསུང་མཆོག་བརྗོད་དུ་མེད་པ་ཉིད།། ནམ་མཁའི་དབྱིངས་ཀྱིས་མཐར་ཐུག་པ།།
149a2 བརྡའ་དང་དོན་དང་བྱིན་རླབས་དང་།། གསང་བ་ལ་སོགས་ཅི་རིགས་པར།། དམ་པའི་ཆོས་སྒྲ་རྒྱ་མཚོ་སྒྲོགས།། ཟག་མེད་ཡེ་ཤེས་རྒྱ་མཚོ་ཡི།། བྱིན་བརླབས་ཆོ་འཕྲུལ་མངོན་ཤར་བ།། །། ཨ་ཨཱ། ཨི་ཨཱི། ཨུ་ཨཱ། ཨེ
149a3 ཨཱཾ། ཨོ་ཨོ། རི་རཱི་ལི་ལཱི། ཨཾ་ཨཿཀ་ཁ་ག་གྷ་ད། ཙ་ཚ་ཛ་ཛྙཱཉ། ཏ་ཐཱ་ད་དྷ་ན། ཊ་ཐ་ཌ་ཌྷ་ཎ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། འདི་དག་རབ་ཏུ་ཕྱུང་བ་ཡིས།། ཕྱོགས་བཅུ་འཇིག་རྟེན་ཁམས་བཅས་པའི།།
149a4 ནམ་མཁའི་དབྱིངས་དང་རྒྱ་མཚོ་དང་།། འཁོར་ར་ཡུག་དང་ལྷུན་པོ་དང་།། འབབ་ཆུ་སྟེང་ཀ་མཚེའུ་བཅས།། དེ་ན་གནས་པའི་འགྲོ་བ་རྣམས།། རང་རང་ལོངས་སྤྱོད་བདེ་སྡུག་བཅས།། ཕྱི་ནང་སྣོད་བཅུད་བཅས་པ་རྣམས།།
149a5 མ་ལུས་གཡོ་ཞིང་ལྡེག་པར་བྱེད།། སྒྲ་པོ་ཆེ་ཡང་སྒྲོགས་པར་བྱེད།། དེ་དག་སྦྱངས་ནས་མི་གནས་པར།། གསུང་གི་ངོ་བོར་བྱིན་རླབས་ཏེ།། དེ་དག་སྟོང་ཉིད་ལ་ཐིམ་པས།། མ་ལུས་སྟོང་པ་ཉིད་དུ་འགྱུར།། ཨ་ནི་སྟོང་དང་མི་སྟོང
149a6 གི། དབུ་མ་དམིགས་སུ་འང་ཡོད་མ་ཡིན།། ཇི་སྙེད་སྣང་གྲགས་ཆོས་རྣམས་ཀུན།། ཡི་གེ་ཕྲེང་བ་ཉིད་ལ་གནས།། གང་ཕྱིར་དེ་ཡི་རང་བཞིན་ཡང་།། རང་བཞིན་ཆོ་འཕྲུལ་ཏིང་འཛིན་དང་།། གསང་བ་བྲིས་པར་གང་སྣང་བ།།
149a7 རིག་པའི་ཁྱད་པར་སྣང་བ་ཡིན།། རྩ་བ་དང་ནི་རྒྱན་ཞེས་དང་།། ལྷ་ཡི་ཡི་གེ་མངོན་སྣང་བ།། རང་བཞིན་སྐུ་གསུང་ཐུགས་ཉིད་དེ།། ཁྱབ་པའི་ཚུལ་གྱིས་མ་ལུས་སྣང་།། གང་དུ་ཐུགས་རྗེ་བྱིན་རླབས་དང་།། ཏིང་འཛིན་རིག་པའི
149a8 ཆོ་འཕྲུལ་ཏེ། ། རང་རང་ཁྱད་པར་མངོན་སྣང་ཡིན།། འདི་དག་རང་བཞིན་སྣ་ཚོགས་པ།། གང་དུ་ཇི་ལྟར་གནས་པ་ཀུན།། ཡི་གེར་མ་གྱུར་མེད་པར་གནས།། རྒྱལ་བ་སངས་རྒྱས་ཐམས་ཅད་ཀྱི།། ཡེ་ཤེས་རྒྱ་མཚོའི་གསང་བའི
iiif viewer powered by OpenSeadragon
