| e-texts navigator |
| Wylie |
148b1 བཞིན་ཉིད། ། དེ་ཉིད་ཐིག་ལེ་ཕྲ་རགས་པར།། སྣང་བའི་མཛད་པ་བསམ་མི་ཁྱབ།། དེ་ཡིས་དེ་འདུལ་སྣང་བའི་རྒྱུ།། སྤྲུལ་པ་རང་བཞིན་ཞེས་བཤད་དོ།། གང་འདིར་ཕུང་པོ་འབྱུང་བ་དང་།། རྣམ་ཤེས་དབང་པོ་ཡུལ་དུས་དང་།། ཉོན
148b2 མོངས་རྟག་ཆད་ཡིད་ཆོས་བཅས། ། གང་ལ་མངོན་པར་མི་སྣང་ཡང་།། རང་བཞིན་མ་བཅོས་དཀྱིལ་འཁོར་ཏེ།། ཀུན་ལ་ཁྱབ་པར་སྣང་བ་ཡིན།། རང་སྙིང་དངས་མ་ལྔར་ལྡན་པ།། དངས་མའི་ཕུང་པོ་འབྱུང་བ་དང་།། དབང་པོ
148b3 ཡུལ་དུ་བཅས་པ་ཡི། ། རྩ་བཅུད་ཐིག་ལེར་བཅས་པ་ཉིད།། སྐུ་གསུང་ཐུགས་སུ་རང་སྣང་བ།། མ་ལུས་ཀུན་ལ་རྒྱས་བཏབ་པོ།། བཅུད་འདུས་ཐིག་ལེ་ཆེན་པོ་ཉིད།། ཉི་ཟླ་འདྲེས་པའི་རང་བཞིན་ཉིད།། བདེ་བའི་ཐིག་ལེ་རང་སྣང
148b4 བ། ། མ་ལུས་འདུས་པའི་ཚུལ་དག་གིས།། ཐབས་ཀྱིས་མངོན་དུ་གྱུར་ན་ཡང་།། གཉིས་མེད་ཐིག་ལེ་བདེ་བའི་རོ།། འགྲོ་བ་ཀུན་ལ་རང་བཞིན་སྣང་།། དེ་དག་ཡབ་ཡུམ་སྐུ་གསུང་ཐུགས།། རྩ་བཅུད་ཐིག་ལེར་བཅས་པ་ཉིད།། འདུ།།
148b5 འབྲལ་མེད་པར་ཡེ་གནས་པའོ།། གང་ཕྱིར་རྒྱལ་བ་ཐམས་ཅད་ཀྱི།། ཟག་མེད་ཡེ་ཤེས་རང་སྣང་བ།། དཔག་མེད་ཡོན་ཏན་རྒྱ་མཚོ་ཉིད།། ཡེ་ཤེས་འོག་མིན་ཕོ་བྲང་སྟེ།། ཟག་མེད་ཡོན་ཏན་རྒྱན་ལྡན་པའི།། འཁོར་ལ་འབར
148b6 བའི་ཕོ་བྲང་དབུས། ། མི་འཇིགས་ཕུང་པོའི་གདན་སྟེངས་ན།། བདག་པོ་ཀུན་བཟང་འཁོར་ལོ་བསྐོར།། བཀའ་སྡོད་སྐྱེས་བུ་མདུན་ན་གནས།། གཞན་ཡང་རྒྱལ་བ་རྒྱ་མཚོའི་ཚོ་གས།། སྐུ་གསུང་ཐུགས་དང་ཡོན་ཏན་ལས།།
148b7 རང་རང་རིགས་ལྔ་གང་གྱུར་པའི།། རྣམ་ཐར་དབུ་དང་ཡེ་ཤེས་ཕྱག། སོ་སོའི་བཞུགས་ཚུལ་ལྡན་པ་ཡིས།། མདུན་རྒྱབ་ཕྱོགས་བཅུར་འཁོད་པ་ཉིད།། ཡབ་ཡུམ་འབྲེལ་བའི་ཚུལ་གྱིས་གནས།། རང་འབྱུང་མ་བསྒྲིབས་ཡེ
148b8 ཤེས་ཕྱིར། ། ཟག་མེད་ཚོགས་གཉིས་ལས་བྱུང་བའི།། ནམ་མཁའི་ཁམས་དང་རྒྱ་མཉམ་པའི།། འཇིག་རྟེན་དྲངས་མེད་རྡུལ་དང་བཅས།། བཀོད་པ་ཕུན་སུམ་ཚོགས་པར་གནས།། གང་དེ་ཟག་མེད་ཡེ་ཤེས་ཀྱི།། ཕྱག་དང
iiif viewer powered by OpenSeadragon
