| e-texts navigator |
| Wylie |
146b1 ཐབས་དང་ཤེས་རབ་ཁ་སྦྱོར་བའི། ། བདེན་གཉིས་ཉི་ཟླའི་ཁྱད་པར་ལས།། མ་ལུས་ཐམས་ཅད་གསལ་བར་སྣང་།། གང་དུ་ཐབས་དང་བྲལ་བ་ཡི།། གནས་དང་བདེ་སྡུག་བཏང་སྙོམས་དང་།། ལོངས་སྤྱོད་ཚེ་དང་ཁ་དོག་དང་།། བདག
146b2 དང་བདག་གི་ཞེན་བཅས་པའི། ། གཟུགས་དང་སྒྲ་དང་དྲི་དང་རོ།། རེག་དང་དྲན་པ་སྣ་ཚོགས་ཀྱིས།། ཞེན་དང་འཆིང་བའི་རང་བཞིན་གྱིས།། རང་བཞིན་བཞི་ནི་གསལ་བར་འགྱུར།། དེ་ལས་ཐ་མལ་འཁོར་བའི་ལམ།། ཐེག
146b3 མ་མེད་ནས་ལུས་གནས་པའི། ། བདེ་ཆེན་ནམ་མཁའི་སྙིང་པོ་ཉིད།། ལུས་གཉིས་རྩ་བཅུ་ད་མ་ལུས་པ།། ཐབས་དང་ཤེས་རབ་སྐུ་གསུང་ཐུགས།། སྲིན་བུ་འཁྲུགས་པའི་ཡི་གེ་ལྔར།། དབང་པོ་གཉིས་དང་འབྲེལ་ཏེ་གནས།།
146b4 ཐབས་དང་མན་ངག་ལྡན་པ་ཡིས།། རྒྱལ་རིགས་རྗེའུ་དང་བྲམ་ཟེ་དང་།། དམངས་རིགས་ཆེས་མ་གར་མཁན་མ།། རྡོལ་མ་ཉ་ཚོད་མ་ཉིད་དང་།། མ་དང་སྐྲག་མ་སྲིང་མོ་དང་།། མཐར་སྒེག་ལུས་འཚོང་མ་ལ་སོགས།།
146b5 དངོས་གྲུབ་སྐྱེ་བའི་ཞིང་དུ་བཤད།། བཅུ་གཉིས་བཅུ་བཞི་བཅུ་དྲུག་དང་།། བཅོ་བརྒྱད་བཅུད་ལྡན་རབ་ཡིན་ཏེ།། ཉི་ཤུ་ལ་སོགས་འབྲིང་དུ་བཤད།། རྩ་ལྔ་ཐ་མའི་ཚད་ཡིན་ཏེ།། གཞན་ལ་དངོས་གྲུབ་མེད་པར་གསུངས།། ལས
146b6 དང་བྱ་བ་མ་ལུས་པ། ། ཆེ་གའི་སྦྱོར་བ་རབ་ཏུ་བརྩམ།། གནས་པ་འབྱུང་བའི་བཅུད་བཞི་ལ།། འབྱུང་བཞི་གསལ་རྐྱེན་གང་ཕྲད་པས།། ཉི་ཟླ་འདྲེས་པའི་གར་ཐབས་ལས།། ལྷན་ཅིག་སྐྱེས་པ་གསུམ་ཅིག་ལས།། ཉམས
146b7 སུ་ཡེ་ཤེས་ལྔ་ཤར་བ། ། མ་ལུས་བདེ་བ་ཆེན་པོར་འགྱུར།། གནས་བཞི་རྩ་བཅུད་ཐིག་ལེ་ལས།། ཐབས་དང་ཤེས་རབ་གཉིས་མེད་པའི།། ཕྱག་རྒྱ་བཞིར་ལྡན་མཉམ་སྦྱོར་བས།། དངས་སྙིགས་རླུང་གིས་ངོས་བཟུང
146b8 ནས། ། དངོས་པོ་ལྷན་ཅིག་སྐྱེས་པ་དག། བདག་པོ་གདུང་ཅན་སྦྱར་བ་ཡི།། འཕྲོ་འདུ་བཏང་དང་བཟུང་བ་དང་།། བཟློག་པས་ཉི་ཟླ་དབྱེར་མེད་མོད་།། དང་པོ་འཇུག་པ་ལས་སོགས་ནས།། རྡོ་རྗེ་འཆང་ཆེན་གསང་བདག་པར།། ལམ་ལྔ
iiif viewer powered by OpenSeadragon
