| e-texts navigator |
| Wylie |
145a1 བདེ་བ་ཆེན་པོ་སྐྱེད་པར་བྱེད།། གོང་དང་འོག་གི་རང་བཞིན་ལས།། སྤྱི་དང་ཁྱད་པར་ཁ་སྦྱོར་འབྱུང་།། ས་བོན་ཁྱབ་བྱེད་འཁོར་ལོ་ཡས།། ཐམས་ཅད་ཁྱབ་ཅིང་འཛག་པའི་རྩ།། དངས་སྙིགས་རླུང་དང་འབྲེལ་བ་ཡིས།།
145a2 གང་དེ་པོ་སོའི་བཅུད་རྐྱེན་གྱིས།། ཟག་དང་ཟག་མེད་བདེ་བ་སྐྱེད།། ལུས་ཀུན་ཁྱབ་པར་གནས་པ་ཉིད།། དངས་མཐུར་གྱི་རླུང་དང་འགྲོགས།། གང་ན་སྒྲ་སྦྱོར་འཁོར་ལོ་ཅན།། དེས་ཀྱང་ཀུན་ཁྱབ་ཆུབ་ཅན།། འཁྲུལ་ཞིང་འཁོར
145a3 བས་འཁོར་ལོ་སྟེ། ། གསུང་གི་འཁོར་ལོ་ངག་གི་རྟེན།། རྫོགས་དང་མ་རྫོགས་གང་མི་གསལ།། སྒྲ་སྦྱོར་དག་དང་མ་དག་གྱུར།། བདེ་དང་སྙན་དང་མི་སྙན་དང་།། བྱ་དང་དྲི་ཟ་བུང་བ་དང་།། ཆགས་པའི་སྒྲ་ནི་སྣ་ཚོགས་བྱེད།། མདོག
145a4 དམར་ལས་ཁྱབ་ཀླུ་ལ་སོགས། ། ཨུ་ཐའི་རླུང་དང་འགྲོགས་ཏེ་གནས།། དྷརྨ་ཙཀྲ་སྲོག་གི་རྟེན།། མ་ལུས་བཞི་རྩ་ཀུན་གྱི་སྲོག། རྩ་བཞི་ཡན་ལག་བརྒྱད་དང་ལྡན།། དངས་མ་ལྔ་འདུས་ཀུན་གྱི་གཙོ།། ཕྱི་རིམ་རིན་ཆེན
145a5 སུལ་མདདས་འདྲ། ། མི་ཤིགས་ཐིག་ལེ་བདེ་ཆེན་པོ།། རིན་ཆེན་ཕུང་པོ་ཟ་མ་ཏོག། སྣ་ཚོགས་ཡེ་ཤེས་ལྔའི་བདག། ཐུང་ངུ་ཨའི་རང་བཞིན་ཅན།། སྲོག་གི་རླུང་དང་འགྲོགས་ཏེ་གནས།། ཕྱི་རིམ་པད་མ་འདབ་བརྒྱད་དེ།། ཆོས་ཉིད
145a6 ཡེ་ཤེས་ཡོན་ཏན་དང་། ། རང་རྒྱུད་བཞི་ལ་ཡན་ལག་བརྒྱད།། ཐུན་མོང་ཕྱི་ཡི་རིམ་པ་ཡིན།། འདི་ལ་རྩ་གསུམ་རིམ་པ་སྟེ།། ཟག་པའི་རྩ་དང་མངོན་ཤེས་རྩ།། ཆོས་ཉིད་རིམ་པ་གསུམ་དུ་གནས།། རླུང་ཡང་ཅིག་གམ་གཉིས
145a7 ཡིན་ཏེ། ། དེ་ལས་བྱེ་བྲག་དཔག་མེད་པའོ།། གནས་པ་དང་ནི་ལྦ་བའི་རླུང་།། གནས་པ་སྲོག་དང་ཡེ་ཤེས་ཏེ།། གྲུབ་བཞིནི་མངོན་པར་བརྗོད།། ཕྱིན་ཅན་དང་གྱེན་ཐུར་ཅན།། དེ་རེ་འང་དངས་སྙིགས་ཁྱད་པར་གྱིས།། རིས་པ་བཅ
145a8 དུམངོན་སྣང་ཡིན། ། གཉིད་དང་འགྲོ་བའི་ས་བོན་གྱིས།། ཆགས་སྡང་དྲན་རྟོག་ཀུན་གྱི་གཞི།། གང་དུ་གནས་དང་གནས་མ་ཡིན།། རྒྱུ་ཞིང་འཕྲོ་བ་རླུང་གིས་ཏེ།། བདེ་དང་སྡུག་བསྔལ་ཇི་སྙེད་པ།། མྱོང་ཞིང་སྐྱེད་པར་བྱེད་པ
iiif viewer powered by OpenSeadragon
