| e-texts navigator |
| Wylie |
144a1 དབུ་མར་གང་གསལ་བ། ། ཉི་ཟླ་བརྩེགས་པའི་གདན་དུ་འབར།། ས་བོན་གང་ལས་ཐབས་ཆོགས།། འཕྲོ་འདུའུ་ནས་མངོན་གྱུར་པ།། རྡོ་རྗེ་གསུམ་གྱིས་ངོ་བོར་སྣང་།། དེ་ཉིད་གཅིག་དང་ལྔ་གསུམ་གྱིས།། བརྟེན་འབར
144a2 མཛེས་པར་གསལ་གྱུར་ཏེ། ། མདུན་དང་གཞན་དུ་བསྐབས་དག་སྦྱོར།། གཅིག་དང་དེས་མེད་རིམ་པ་དང་།། འཁོར་ལོ་ཞེས་བྱ་བཞི་རུ་གྱུར།། གང་གིས་གང་དེ་མ་བརྟན་པར།། འཕྲོ་འདུ་སྒོམས་པ་དོན་མེད་དེ།། སྒྲོན་བྲལ་གསལ
144a3 བརྟན་འདྲིས་པ་ཡིས། ། གང་བསྒོམས་གསལ་བར་མངོན་དུ་འགྱུར།། ཐ་མལ་ཞེན་རྟོག་ཟློག་པ་དང་།། ལམ་གྱི་འབྲེལ་བར་བྱ་བ་དང་།། དངོས་གྲུབ་འབྲས་ལ་མྱུར་འཇུག་པས།། རྟགས་ཀྱི་ལྷ་ནི་བསྒོམ་པར་བྱ།། དེ་ལྟར་བརྟན
144a4 འགྱུར་གསལ་བ་ལ། ། བདག་གཞན་ཕྱི་ནང་མ་ལུས་པའི།། སྒོ་གསུམ་སྐུ་གསུམ་ཐུགས་གསལ་བས།། ཐུན་མོད་སྤྱོད་པ་རྣམ་བཅད་ལ།། སྒོ་གསུམ་མཉམ་བཞག་རྗེས་ཐོབ་མེད།། གང་གིས་དེ་ལྟར་གསལ་བྱའི་ཕྱིར།། ཕྱོགས
144a5 ཅིག་སྤྱོད་པ་བརྩམ་པར་བྱ། ། དེ་ནས་རྩ་བ་གོམས་པ་དང་།། བསླབ་བྱ་ཁྱད་པར་མཐར་ཕྱིན་ལྟར།། གང་དེ་རིམ་པར་བརྟན་འཕེལ་ཕྱིར།། ཡན་ལག་སྤྲོས་པ་རྣམ་པར་བསྒོམ།། ལྷག་པར་བཅུ་གཅིག་དགུར་ལྡན་པའི།། ཅིག།
144a6 ལས་རྒྱས་བསྡུས་ཕྱེ་བ་ཡིས།། འཁོར་ལོའི་རྩ་བ་ལྷ་དག་ཀྱང་།། ཡབ་ཡུམ་གནས་དགོང་གསལ་བར་བསྒོམ།། དེ་དག་ལྷག་པའི་ལྷ་དགུ་དག། ཡན་ལག་ཚུལ་དུ་སྤྲོས་ཏེ་བསྒོམ།། འདུལ་བ་གཉིས་ཀྱི་རང་བཞིན་གྱིས།། མཛེས
144a7 པའི་ཚུལ་དང་གདུགས་པ་འདུལ། ། ལྷ་དང་ཞལ་ཕྱག་དབུ་གྲངས་ཀྱང་།། རྩ་བ་ཡན་ལག་སྤོས་ཚུལ་གྱིས།། དཀྱིལ་འཁོར་གྲངས་དང་གང་སྦྱར་བའི།། རིམ་པར་སྤྲོས་ཤིང་བསྒོམ་པར་བྱ།། གྲངས་དང་གྲངས་མེད་ཚུལ
144a8 དག་གིས། ། དཔག་ཚད་རྒྱང་གྲགས་མཁའ་དབྱིངས་སུ།། ཞི་དང་ལོ་ལ་སོགས་པ་ཡི།། སངས་རྒྱས་སྤྲིན་ཚོགས་སྣ་ཚོགས་བསྒོམ།། དང་པོའི་བར་དང་ཐ་མའི་པར།། རིག་པའི་ཏིང་ངེ་འཛིན་གསལ་བརྟན་ནས།། སྐུ་གསུང
iiif viewer powered by OpenSeadragon
