| e-texts navigator |
| Wylie |
142b1 པ་དེ་ཉིད་ནི། ། མ་ལུས་རང་སྣང་སྐུ་གསུང་ཐུགས།། ཡོན་ཏན་ཕྲིན་ལས་རང་སྣང་བ།། ཟག་མེད་རང་འབྱུང་དང་ལས་འཆར།། ཆོས་རྣམས་འབྲས་བུར་ལྷུན་རྫོགས་པའི།། བདག་དང་གཞན་དོན་ལྷུན་རྫོགས་པ།། མ་བཅོས་ཇི
142b2 བཞིན་དང་བཞག་ལས། ། ལྡན་གྱིས་གྲུབ་པའི་དཀྱིལ་འཁོར་འབྱུང་།། གང་དག་གང་སྟེ་ལ་གང་རྟེན་པས།། ལྷུན་གྱིས་གྲུབ་པས་འབྲས་བུ་ཉིད།། མ་བཅོས་སྒྱུ་མ་ལྷུན་གྲུབ་ཉིད།། དུས་བཞི་ཕྱོགས་བཅུ་མ་ལུས་པར།། སྐྲུན
142b3 གྲུབ་འབྲས་བུར་རང་སྣང་བའོ། ། རྡོ་རྗེ་སེམས་དཔའི་སྒྱུ་འཕྲུལ་དྲབ་གསང་བ་མེ་ལོང་གི་རྒྱུད་ཆེན་པོ་ལས་ལྟ་བ་མ་ལུས་པ་བཤད་པའི་ལེའུ་སྟེ་བཞི་པའོ།། ། དེ་ནས་གཞན་ཡང་བཤད་བྱ་བ།། སྒྱུ་འཕྲུལ་དྲའི
142b4 མངོན་རྫོགས་པའི། སྤྱོད་པའི་ཁྱད་པར་མ་ལུས་པ།། འདི་དག་བཤད་པར་བྱ་བ་སྟེ།། རང་བཞིན་ཐབས་དང་མངོན་གྱུར་པས།། སྤྱོད་པ་མ་ལུས་བསྟན་པ་ཡིན།། ཨེ་མའོ་རང་རིག་སྙིང་པོ་ལས།། བདེ་སྡུག་གནས་དང་ལོངས།
142b5 སྤྱོད་དང་།། ཚེ་དང་ཁ་དོག་ལ་སོགས་པ།། ལ་ལར་མངོན་པར་ཆགས་པ་སྟེ།། ལ་ལར་དྲག་ཤུལ་ཞེ་སྡང་སྤྱོད།། ལ་ལར་རི་བོས་ནོན་པ་ཉིད།། ལ་ལར་ལྡོངས་པའི་མུན་པ་ཉིད།། ལ་ལར་ཕྲག་དོག་སྣང་བ་ཡིན།། ལ་ལར
142b6 སེར་སྣ་འཐབ་བརྩོད་དེ། ། ལ་ལར་འཚལ་དང་བྱ་བ་བཏང་།། རྩོལ་དང་མི་རྩོལ་ལ་སོགས་པ།། དེ་ལ་སོགས་པ་མཐའ་ཡས་རྙེད།། ཆོས་དབྱིངས་མཐའ་ཡས་མུ་མེད་པའི།། ནམ་མཁའ་དབྱིངས་ནི་མཐའ་ཡས་པར།། སྤྱོད
142b7 པའི་ཁྱད་པར་དེ་ཉིད་དོ། ། རང་འབྱུང་ཐམས་ཀྱི་སྤྱོད་པ་ཉིད།། ཇི་ལྟར་བསམ་ཞིང་བརྟགས་པ་ལྟར།། རང་བཞིན་དབྱེ་བ་མེད་པའི་ཕྱིར།། སྒོ་གསུམ་བྱེད་སྤྱོད་བསམ་མི་ཁྱབ།། ཐབས་དང་ཤེས་རབ་རང་བཞིན་གྱིས།། མ
142b8 ལུས་སངས་རྒྱས་གནས་གྱུར་ཀྱང་། ། མ་རྟོགས་ཐབས་དང་བྲལ་བའི་ཕྱིར།། བདེ་སྡུག་སྣ་ཚོགས་བསམ་མི་ཁྱབ།། ཐབས་ཆེན་དག་དང་ལྡན་པ་ལ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ཆེན་པོ་དག།
iiif viewer powered by OpenSeadragon
