| e-texts navigator |
| Wylie |
141a1 པའི་རིག་བཱི་སེམས་པ་དེ་ན་བརྫུན་ཁྱད་པར་ཅིར་བལྟས་པ། ། གསལ་ལ་མི་རྟོག་སྙིང་པོ་ཉིད།། བདག་གཞན་ནུས་པའི་སྟོབས་སུ་སྣང་།། ཆོས་རྣམས་སྒྱུ་མ་མིག་ཡོར་དང་།། བྲག་ཆ་ཆུ་ཟླ་འདྲ་བ་ཡི།། དེ་ཉིད་མཐའ
141a2 དབུས་བྲལ་བ་ནི། ། བདེན་གཉིས་འབྲེལ་བ་དབུ་མའི་ཚུལ།། རྡོ་རྗེ་དམ་པ་གསུམ་བཀོད་དེ།། དངོས་སྤྲོ་སྒྱུ་མ་ལས་གྲོལ་ནས།། དག་པའི་རྟེན་འབྲེལ་ལ་རྟེན་ནས།། ཡེ་ཤེས་སྒྱུ་མ་མངོན་སུམ་ཤར།། གང་ཕྱིར་ལས་དང་བྱ་བ་དང་།། ཁྲུས
141a3 དང་གཙང་སྒྲ་ལ་བརྟེན་ནས། ། སྔགས་དང་ཕྱག་རྒྱའི་མཐུ་སྟོབས་ཀྱིས།། སྒོ་གསུམ་རྡོ་རྗེ་འཛིན་པའི་ས།། དེ་དག་ལས་འཐུན་ཁྱད་པར་ཉིད།། དེ་ཁོ་ན་ཉིད་བཞི་རྟོགས་ནས།། ལས་དང་ཏིང་འཛིན་འབྲེལ་གོམས་པས།། རྡོ་རྗེ
141a4 འཆང་བའི་ས་ལ་གནས། ། ཏིང་འཛིན་རིག་པ་གཙོར་བྱས་ནས།། སྔགས་དང་ཕྱག་རྒྱ་བསམ་པ་ཡིས།། ཆ་ལུགས་ཇི་བཞིན་མངོན་སྦྱར་ཏེ།། གོམས་པས་བདག་གཞན་དོན་གྲུབ་པའོ།། ཐབས་དང་གྲོལ་བའི་ཁྱད་པར་གྱིས།།
141a5 དབང་པོ་ཡུལ་དངན་པ་ཤེས་དང་།། སྣང་སྲིད་བྱི་ནང་སྣོད་བཅུར་ཀྱི།། སྤྱོད་ཡུལ་ཇི་ལྟར་འགྱུར་བ་ཀུན།། ཐབས་དང་ཤེས་རབ་དབྱེར་མེད་པའི།། གསང་བའི་ཐབས་ཀྱིས་རྒྱས་བཏབ་པས།། མ་ལུས་རྡོ་རྗེ་ཉིད་དུ་འགྱུར།། སྣང་སྲིད
141a6 དཔའ་བོ་ཐབས་ཆེན་དེ། ། རང་བཞིན་དབྱེར་མེད་དག་པ་ཡི།། སྣ་ཚོགས་འཕྲུལ་བ་རང་སྣང་བས།། མ་ལུས་གཉིས་མེད་ཡེ་ཤེས་ཡིན།། ཐབས་དང་ཤེས་རབ་གཉིས་མེད་པའི།། ཐབས་དང་རིག་པ་གང་ཟིན་པ།། གཞན་གྱིས་དོར་བའི་འཁོར
141a7 བའི་ཆོས། ། ཡེ་ཤེས་བདུད་རྩིའི་ངོ་བོར་འགྱུར།། མ་ལུས་གཅིག་དང་ཐ་བྲལ་བའི།། ཇི་ལྟར་འཐུན་པའི་སྙིང་པོ་ལ།། སོ་སོའི་དོན་ལྟར་མི་གནས་པས།། བསྐྱེད་པ་ལྷ་དང་གཞལ་ཡས་དང་།། རྫོགས་པའི་ནམ་མཁའི་ཡེ་ཤེས་དང་།
141a8 དངོས་པོ་ལྷན་ཅིག་སྐྱེས་པ་རུ།། སྣང་བ་རྐྱེན་གྱིས་སྒྱུར་བ་ལྟར།། མ་ལུས་དེ་ཡི་ངོ་བོར་འགྱུར།། དེ་དག་བལྟས་པའི་ཁྱད་པར་གྱིས།། རང་རེའི་མོས་དང་བསམ་པ་དང་།། ནུབ་པའི་རིམ་པ་ཅིར་སྣང་ཡང་།། ནམ་མཁའ་དང་བའི།
iiif viewer powered by OpenSeadragon
