| e-texts navigator |
| Wylie |
140b1 ཐག་ཏུ་དེ་བཞིན་འགྱུར། ། དབྱེར་མེད་ནམ་མཁའི་རང་བཞིན་དུ།། ཁ་དོག་དབྱིབས་དང་རྫས་ལ་སོགས།། མ་ལུས་ཐ་དད་མེད་པ་ལྟར།། ཐབས་མཁས་མ་ལུས་དེ་བཞིན་འགྱུར།། ཐ་མལ་པ་དང་ལོག་པ་དང་།། དཀའ་ཐུབ་ཅན།
140b2 དང་རྐྱེན་རྟོགས་དང་།། ཕྱི་ནང་ཅན་དང་ཐ་དད་ཅན།། གཙང་མེ་ཅན་དང་ཕྱོགས་རྟོགས་ཉིད།། མཉམ་ཉིད་ལྟ་ལས་གང་འདས་པ།། ངོ་བོ་ཉིད་དང་ཐབས་དག་དང་།། དབང་པོ་ལ་སོགས་ལོག་པ་ཡིས།། དེ་ཉིད་གནོད་པའི
140b3 སྟོབས་སུ་འགྱུར། ། གང་ལ་གང་གིས་ཟིན་པའི་ནང་།། ཐབས་དང་བརྩོན་འགྲུས་ལེགས་པ་ཡིས།། དེ་ལྟར་བརྩོན་པའི་ཁྱད་པར་གྱིས།། དེ་ཉིད་མ་སྤང་རྣམ་པར་དག། གང་ཕྱིར་དེ་ཉིད་ངེས་པ་ལ།། རྟོགས་དང
140b4 མ་རྟོགས་ཁྱད་པར་གྱིས། ། ཐ་དད་ཆོས་སུ་གང་སྣང་བ།། དངོས་ལ་དེ་ལྟར་གནས་པ་མིན།། རྡོ་རྗེ་སྐྱེ་མེད་ཤེས་རབ་སྟེ།། མ་ལོང་ཐབས་ཉིད་སྣ་ཚོགས་སྣང་།། གཉིས་མེད་འབྲལ་བའི་མཉམ་པ་ཉིད།། མ་ལུས་དབྱེར
140b5 མེད་དམ་པ་བཤད། ། དེ་ནས་རྟོགས་སྒོ་བཤད་བྱ་བ།། གང་ལ་གང་གིས་དོན་མེད་པས།། ལྷ་དང་སྤྱོད་དང་ལམ་འབྲས་དག། འདི་ཉིད་དྲོན་གཉེར་གཞན་མེད་པའོ།། གང་གིས་དེ་དག་དེ་དོན་དུ།། ཚིག་དང་སྔགས་རྫས་དཀའ་ཐུབ་ཀྱིས
140b6 གང་བསྟན་དེ་ཡི་བྱིན་རླབས་ཀྱིས། ། བདག་གཞན་ཕན་པར་གང་འདོད་པའོ།། གང་ལས་གྱུར་པ་དེ་ཞིག་པས།། ལུས་སེམས་འབྱུང་བའི་བགལ་གནས།། ཕྱིན་ཆད་པ་ན་གནོད་ཆོས་མེད་པས།། དཀའ་ཐུབ་འབད་རྩོལ་མི་དགོས་སོ།།
140b7 གང་ཕྱིར་བྱེད་པའི་རྒྱུ་བཞི་དག། མཉེས་དང་དག་པས་བདེ་བྱའི་ཕྱིར།། ལས་དང་དཀའ་ཐུབ་དྲག་ཤུལ་གྱིས།། གྲོལ་ཞིང་ཐར་པར་འདོད་པར་སྣང་།། བདེ་བཞི་བཅུ་དྲུག་ཐ་དད་ལམ།། ཁམས་གསུམ་མཐོང་བསྒོམ་སོང་ཚུལ་གྱིས།། རང
140b8 དོན་ཟག་པ་ཀུན་བྲལ་ནས། ། རང་དོན་ཐར་པ་མྱ་ངན་འདས།། རྐྱེན་རྟོགས་པག་ཆགས་སད་པ་ཡིས།། འབྱུང་མེད་བཅུ་གཉིས་རང་བརྟགས་ནས།། མ་རིག་འཁྲུལ་འཁོར་རྒྱུ་འབྲས་ཟད།། ཡིད་བཞིན་བདེ་བ་མཆོག་གིས།། ཐ་དད་མེད
iiif viewer powered by OpenSeadragon
