| e-texts navigator |
| Wylie |
139b1 རྣམ་པར་འཕྲུལ། ། གཞི་དང་རྩ་བ་ལས་འདས་པའི།། རང་བཞིན་དབྱེར་མེད་དེ་བཞིན་ཉིད།། དངོས་མེད་དངོས་པོ་ཡུས་འདས་ལ།། འཁོར་དང་མྱ་ངན་འདས་པ་ཡི།། ངོ་བོ་སྣ་ཚོགས་རང་སྣང་བ།། གཉིས་མེད་ཐབས་ཆེན་རྡོརྗེ
139b2 ཨེ་མའོ་གཉིས་མེདབདེ་ཆེན་ལས། ། སྣ་ཚོགས་གནས་དང་ལོངས་སྤྱོད་དང་། རིགས་དང་ཁ་དོག་ཚེ་ཚད་དང་།། བདེ་སྡུག་དབང་པོ་བྱེ་བྲག་དག། རང་བཞིན་སྣ་ཚོགས་རྣམ་པར་འཕྲུལ།། སྒྱུ་མཆུ་ཟླ་འཇའ་ཚོན་ལྟར།།
139b3 བྱང་ཆུབ་སེམས་ཀྱི་ངོ་བོར་གནས།། ལས་དང་རྐྱེན་གྱིས་གང་སྣང་བ།། རང་རང་ཞེན་པའི་ཐ་དད་གྱིས།། དབང་པོ་ཁྱད་པར་སྣ་ཚོགས་པའི།། རྟོག་པའི་ནུས་པ་སྣ་ཚོགས་མཐོང་།། རང་བཞིན་གཞི་རྩ་མེད་པའི་དབྱིངས།། ལྷན
139b4 ཅིག་སྐྱེས་དང་ཀུན་བརྟགས་པའི། ། མ་མཐོང་ལོག་ཞེན་རྟས་པ་ཡིས།། འཁྲུལ་འཁོར་ལོག་པའི་སྟོབས་སུ་སྣང་།། འཁོར་བ་མ་བསལ་དག་པ་ཡི།། ཞིང་དང་སྤྱོད་ཡུལ་ལོངས་སྤྱོད་དང་།། ཏིང་འཛིན་དབང་སྟོབས་རྫ
139b5 འཕྲུལ་དང་། ། མངོན་ཤེས་ཡེ་ཤེས་དཔག་མེད་པའི།། སྣ་ཚོགས་སྐུ་དང་གསུང་ཐུགས་དང་།། ཡོན་ཏན་ཕྲིན་ལས་རང་སྣང་བ།། བདག་གཞན་ལྷུན་གྱིས་གྲུབ་པའི་དོན།། སྣ་ཚོགས་ཡིད་བཞིན་ནོར་བུ་ལྟར།། མ་བསགས་ལྡན
139b6 གྱིས་གྲུབ་པའི་སྐུ། ། སྣ་ཚོགས་ཀུན་དང་དབྱེར་མེད་པའི།། ཀུན་ལ་ཡིད་བཞིན་འཐུན་པར་སྣང་།། ཀུན་ཀྱང་རང་འབྱུང་བྱང་ཆུབ་སེམས།། བདེན་པ་དབྱེར་མེད་དོན་དུ་སྣང་།། གང་ཕྱིར་ནམ་མཁའི་རང་བཞིན་ལྟར།། གང་ལ་དེ
139b7 ལྟར་སྣང་བ་ལས། ། ཡང་དག་ཅིག་ཏུ་གཟུང་དུ་མེད།། མ་བཅོས་རང་འབྱུང་ཞི་བ་ཉིད།། རྣམ་པར་དག་པའི་སྙིང་པོ་སྟེ།། འཁོར་བ་ཉིད་ན་མྱ་ངན་འདས།། རྣམ་པར་དག་པའི་དབྱིངས་སུ་མཁྱེན།། སྒྲོ་དང་སྐུར་བ་ཀུན་བྲལ་བའི།།
139b8 ཐམས་ཅད་རང་སྣང་སྙིང་པོ་ལས།། སྣ་ཚོགས་མ་ལུས་རྣམ་པར་འཕྲུལ།། དངོས་དང་དངོས་པོ་མེད་མིན་ཞིང་།། གང་ལ་དེ་ཉིད་ཡུལ་འདས་པ།། ནམ་མཁའ་ལྟ་བུར་དཔག་མེད་པ།། ཕྱོགས་རས་མཐའ་དབུས་རྒྱ་དཔག
iiif viewer powered by OpenSeadragon
