| e-texts navigator |
| Wylie |
139a1 མི་རྟོག་པ། ། ལུས་མེད་ལུས་ལ་གནས་པ་ཡི།། ཁྱབ་པ་གཉིས་མེད་གང་བའི་ཚུལ།། གང་ཟུར་ཟག་མེད་བདེ་བ་ཡི།། ཏིང་འཛིན་བདེ་བ་ཁྱད་པར་ཅན།། རང་བཞིན་བརྟགས་དང་སྣང་བ་དང་།། བྱིན་རློབ་ནུས་པའི་ལྷའི
139a2 ནི། ། ཕྱི་ནང་སྣོད་བཅུད་སྐུ་གསུང་ཐུགས།། མ་ལུས་སྦྱོར་བ་གསུམ་ལས་བྱུང་།། རྩ་དང་རླུང་དང་ཐིག་ལེ་དག། རིམ་པར་བསྟེན་དང་སྦྱོར་བ་དག། འཐེན་དང་སྡུད་པ་རླུང་གིས་ཏེ།། དངས་མར་ཡེ་ཤེས་རླུང་གིས་འཇུག། སྟེང་དང
139a3 འོག་ལས་བྱུང་བ་ཡི། ། བདེ་བའི་ཐིག་ལེ་རིམ་པ་དག། དངས་སྙིགས་རླུང་གི་ཁྱད་པར་གྱིས།། ཇི་ལྟར་འདོད་པའི་འབྲས་བུ་ཉིད།། རྐྱེན་གྱིས་ནུས་པ་ཕྲེང་བ་ལྟར།། རྒྱུ་ཅིག་ནུས་པ་སོ་སོར་སྣང་།། འཇིག་རྟེན་འདས་དང་འཇིག
139a4 རྟེན་པའི། ། ལམ་ནི་རྩ་དང་ཐིག་ལེ་དང་།། རླུང་ནི་ཕྱི་ནང་དང་ས་སྙིགས་དང་།། ལམ་དང་རྒྱུ་བའི་ཚུལ་ལས་བྱུང་།། གང་ཕྱིར་མེད་དང་ནུས་པ་མེད།། སྟོངས་དང་ལོག་པའི་ནུས་མཐུ་ཡིས།། རང་ལུས་འཇིག་དང་སྡུག་བསྔལ
139a5 ཞིང་། ། དབང་པོ་མ་ཚང་དམན་པར་གྱུར།། གང་ཕྱིར་ཐུན་མོང་ཐུན་མོང་མིན།། སེམས་ལྔ་ཡེ་ཤེས་ལྔ་བསྟན་པ།། རང་བཞིན་ཏིང་འཛིན་གཟུགས་བརྙན་དུ།། གཟུངས་མ་རིགས་ལ་རྟེན་བཅས་པའི།། སེམས་ལྔ་ཡུན་རིང་ཐུང
139a6 བཅས་པས། ། བདག་གཞན་ཆོས་རྣམས་མ་ལུས་པ།། ལྷན་ཅིག་སྐྱེས་པའི་ཡེ་ཤེས་ཏེ།། དངོས་པོ་མེ་ཡིན་དངོས་མེད་མིན།། བདག་གཞན་གཉིས་ཀ་གཉིས་མེད་མིན།། རང་འབྱུང་བ་ཆེན་སྒྱུ་མ་ཉིད།། རྡོ་རྗེ་བརྟེན་པོ་རང་སྣང
139a7 ཡེ་ཤེས་སྒྱུ་མ་ལྷུན་གྱིས་གྲུབ། ། རྡོ་རྗེ་སེམས་པ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་བསླང་བ་བཤད་པའི་ལེའུ་སྟེ་གསུམ་པའོ།། །། དེ་ནས་གཞན་ཡང་བཤངད་བྱ་བ།། ཀུན་གྱི་ཤེས་བྱ་ཡུལ
139a8 བཤད་པ། ། ཆོས་རྣམས་མ་ལུས་ཐམས་ཅད་ཀུན།། གཅིག་དང་ཐ་དད་ཀུན་བྲལ་བའི།། མཐའ་དང་དབུས་མེད་དེ་བཞིན་ཉིད།། སྒོ་སྐུར་ཀུན་བྲལ་མཉམ་པ་ལས།། རྟོགས་དང་མ་རྟོགས་བྱེད་པར་ལས།། སྣ་ཚོགས་ཆོས་ན
iiif viewer powered by OpenSeadragon
