| e-texts navigator |
| Wylie |
138b1 བྱས་ཤིང་། ། ནམ་མཁའི་ཡེ་ཤེས་མངོན་ཕྱུང་ནས།། བདེ་བའི་ཡེ་ཤེས་གསལ་བའི་རོ།། སྐྱེ་དང་དགའ་དང་གནས་པ་དང་།། འགྲོ་འོང་ཉིད་ལས་ཤེས་པར་འགྱུར།། གང་གིས་གང་ལ་གང་བསླང་པས།། གང་རྐྱེན་དབང་གི་དེ་དག
138b2 ལས། ཡེ་ཤེས་གསལ་བར་གང་སྣང་བས།། སྣང་སྲིད་ལུས་དང་དངོས་པོར་བཅས།། ནམ་མཁའི་ཡེ་ཤེས་ཅིང་ཡང་སྣང།། ནང་གི་གླེ་བསླང་ཐབས་ཆེན་ཡིན།། གང་ཕྱིར་ཐབས་ཀྱིས་ཤེས་རབ་ལ།། ཆགས་པའི་ཀླུ་དང་སྦྱོར་བས
138b3 བསྐུལ། ། ཤེས་རབ་ཐབས་ལ་ལན་བསྐུལ་བ་འང་།། ཤད་པ་ཡི་ཀླུ་གར་དང་།། སྔགས་སྦྱོར་བ་ཡི་རིམ་པ་ཡིས།། ཕྱག་རྒྱ་བཞི་ཡིས་མངོན་སྦྱར་བས།། ཐབས་དང་ཤེས་རབ་གཉིས་མེད་པའི།། རྒྱུ་བ་རླུང་གི་སྦྱོར་བ་ཡིས།། དགུག་དང
138b4 བཀླག་པའི་ཐབས་ཉིད་དེ། ། དབབ་དང་གཟུང་དང་བསྐྱིལ་བ་དང་།། ཟློག་དང་གཟུང་དང་སྦྱར་བ་ཡིས།། བསྐྱེད་དང་རྫོགས་དང་རྫོགས་ཆེན་པོ།། ཐུན་མོང་ཐུན་མོང་མ་ཡིན་པའི།། མཐར་ཐུག་རིམ་པ་ལས་འབྱུང་བའི།། ཀུན་ཀྱང་སེམས
138b5 ལྔར་སྣང་བ་སྟེ། ། ཐབས་ལས་བྱུང་བའི་ཐིག་ལེ་དང་།། ཤེས་རབ་གསང་བའི་ཐིག་ལེ་དང་།། གཉིས་མེད་བདེ་བ་ལས་བྱུང་བ།། སེམས་ལྔ་རིམ་པར་སྣང་བར་འགྱུར།། ཐབས་དང་ཤེས་རབ་མཉམ་སྦྱོར་ཞིང་།། ཀུད་དག་སུང་ཐུགས་ལས
138b6 བྱུང་བ། བྱེ་བྲག་བརྒྱད་བཅུ་ཀུན་འདུས་པ།། དཀྱིལ་འཁོར་བཞི་བཅུ་རྩ་གཉིས་ཏེ།། སྭ་གསུང་ཐུགས་དང་ཡེ་ཤེས་ལྔས།། ཐབས་དང་རང་བཞིན་འབྲེལ་བ་ཡིས།། འགྲོ་བ་ཀུན་ལ་རྒྱས་བཏབ་པའོ།། སྣོད་བཅུད་བདེ་བའི་རང་བཞིན
138b7 གྱིས། ། མ་ལུས་ལྷན་ཅིག་སྐྱེས་པར་གནས།། གཡོ་ལྡང་སྨོན་འཇུག་གནས་མཐར་ཕྱིན།། སྐྱེ་བའི་གཞི་དང་ཐབས་དག་དང་། སྐྱེས་བུས་མཐར་ཕྱིར་ཡེ་ཤེས་ལྔ།། སངས་རྒྱས་ཀུན་གྱི་རང་བཞིན་ཉིད།། ཇི་ལྟ་བ་བཞིན་རྣམ་པར
138b8 གནས། ། འགྲོ་བ་མོས་པའི་ཁྱད་པར་གྱིས།། གཟུགས་དང་ཁ་དོག་སྔགས་དང་འོད།། དཀྱིལ་འཁོར་ལ་སོགས་སོ་སོར་གནས།། གང་ཟག་བློ་དང་འཚམ་པར་བསྟན།། རྟེན་དང་བརྟེན་ཅན་ལས་བྱུང་བའི།། རང་འབྱུང་བ་དེ་ཆེན
iiif viewer powered by OpenSeadragon
