| e-texts navigator |
| Wylie |
137b1 དུ། ། བསྟན་པའི་ཐེག་པ་སྣ་ཚོགས་ཏེ།། རང་རང་ཞེན་པ་མཐའ་ཡས་ཕྱིར།། ཚུལ་དང་མོས་པའི་དབང་གིས་ན།། ཐེག་པ་སྣ་ཚོགས་ཚུལ་དུ་སྣང་།། ཐེག་གཅིག་མཉམ་པ་ཉིད་ཀྱི་ཚུལ།། གཉིས་དང་གསུམ་དང་བཞི་དང་ལ།
137b2 དགུ་དང་བརྒྱད་ཁྲི་ལ་སོགས་པ།། འགྲོ་བ་འདུལ་བའི་ཚུལ་གྱིས་སྣང་།། སྐུ་དང་གསུང་ཐུགས་ལས་དག་གིས།། འདུལ་དབང་ཐབས་ནི་སྣ་ཚོགས་ཀྱིས།། ཆོས་ཀྱི་འཁོར་ལོ་རབ་ཏུ་བསྐོར།། དེ་ཚེ་འགྲོ་བ་སོ་སོ་ཡང་།། རང་གི
137b3 གཞི་རྩ་དོན་རིག་ནས། ། རིམ་པ་ལྔ་འམ་ཐབས་ཅིག་གིས།། རིག་འཛིན་སངས་རྒྱས་ས་ལ་གནས།། རང་རང་ཆ་འཛིན་སྤྲུལ་པའི་ལུས།། སར་གནས་འཁོར་གྱི་དང་པོ་ཡིས།། དེ་དག་ཞུས་པའི་ལམ་གསུངས་པ།། བློ་དང་ཚི།
137b4 དང་ཡི་གེར་བསྡུས།། རྒུད་ཅེས་བྱ་བ་རྒྱུན་དུ་གྲགས།། སྐུ་དང་གསུང་དང་ཐུགས་ཀྱི་རྒྱུད།། ལྟ་སྤྱོད་དཀྱིལ་འཁོར་དབང་དམ་དང་།། སྒྲུབ་པ་ཕྲིན་ལས་ལམ་རིམ་ནི།། ཕྱི་དང་ནང་དང་སྦས་པ་སྟེ།། རང་བཞིན་གནས་དང
137b5 མངོན་བྱེད་པ། ། ཐབས་ཀྱི་རྒྱུད་ནི་གསུམ་དུ་གསུངས།། ཕྱོགས་བཅུ་དུས་བཞི་མངོན་རྫོགས་པའི།། མདོ་སྡེ་འདུལ་བ་མངོན་པ་དང་།། སྐུ་དང་གསུང་དང་ཐུགས་ཀྱི་རྒྱུད།། སྐྱེད་རྫོགས་ཐབས་རིམ་གང་བསྟན་པ།། སྒྲ།
137b6 འཕྲུལ་དྲ་བར་འདུས་པ་སྟེ།། དེ་ལྟར་གྲགས་པའི་ཆོས་རྣམས་ཀུན།། རྟོགས་པའི་ཆོ་ག་ཀུན་བཤད་པའི།། རྒྱུན་ཆེན་སྒྱུ་འཕྲུལ་དྲ་བ་སྟེ།། སངས་རྒྱས་ཀུན་གྱི་གསུང་གི་མཆོག། ཐོག་མ་བར་དང་མཐར་དགེ་བ།། དུས
137b7 གསུམ་རྒྱལ་བ་ཀུན་གྱིས་གསུངས། ། རྡོ་རྗེ་སེམས་པ་སྒྱུ་འཕྲུལ་དྲ་བ་གསར་པ་མེ་ལོང་གི་རྒྱུད་ཆེན་པོ་ལས་གླེང་གཞི་རྣམ་པར་བཤད་པའི་ལེའུ་སྟེ་གཉིས་པའོ།། དེ་ནས་གཞན་ཡང་བཤད་བྱ་བ།། གང་ཟག་ཐབ
137b8 ནི་ཐུན་མོང་དུ། ། བློ་ཡིས་ཡུལ་དུ་གར་གྱུར་པ།། དེ་ནི་ཐུན་མོང་ཡུལ་ཉིད་དེ།། གང་ཟག་ཐབས་དང་སྟོན་པ་ཉིད།། དེ་ཡི་སྤྱོད་ཡུལ་མ་གྱུར་ཅིང་།། ཐབས་ཆེན་གསང་བ་དང་ལྡན་པ།། དེ་ནི་ཐུང་མོང་མ་ཡིན་པའོ།། དེ་ཉིད་སྐྱེ་བོ
iiif viewer powered by OpenSeadragon
