| e-texts navigator |
| Wylie |
137a1 ལ་སྡང་བར་མཛད་པའོ། ། མ་ནི་མ་ནུ་མ་ཏ་སྟེ།། སྡོམ་བྱེད་དྲན་རྟོག་ཡིད་ཀྱི་དངོས་ལས་ཅན་རྣམ་ཤེས་དེ་དག་གིས།། གསལ་བར་གོ་བར་འཁོར་དུ་བརྗོད།། ཆོས་རྣམས་ཀུན་གྱི་ངོ་བོ་ཉིད།། ཐིག་ལེ་བཅུ་དྲུག་སེམས
137a2 ལྔའི་དངོས། ། མི་རྟོག་ལྷན་ཅིག་སྐྱེས་པའི་དོན།། བྱིན་རླབས་མངོན་སུམ་ཚུལ་གྱིས་གསལ།། ཐབས་དང་ཤེས་རབ་གཉིས་མེད་པའི།། ཐིག་ལེ་ཟག་མེད་སྐྱེས་པའི་དུས།། བསམ་མེད་ལྷན་ཅིག་སྐྱེས་པའི་ཚེ་བདེ་བ་ཆེན
137a3 པོའི་དུས་སུ་འདོད། ། ཤེས་པ་རྟེན་དང་བརྟེན་པར་བཅས།། ཐབས་ཀྱི་རིམ་པ་ལ་བརྟེན་ནས།། རླུང་གིས་བསྡུས་པའི་དོན་གྱིས་ནི།། རང་རིག་ཐབས་ཀྱི་རྒྱལ་པོར་གས་ལ།། གང་དང་གང་ལ་གང་དུ་ནི།། གང་གིས་གང་ཆེ
137a4 གང་གསུངས་པ། བརྗོད་འབྱུང་རྩ་བར་དེ་གྱུར་པས།། གླེང་བཞི་ཞེས་ནི་བསྟན་པ་ཡིན།། དེ་བཞིན་གཤེགས་པ་ཐམས་ཅད་ཀྱི།། དབྱེར་མེད་ཡེ་ཤེས་ཅིག་གི་དང་།། རྡོ་རྗེ་འཆང་ཆེན་ཀུན་བཟང་ལས།། སྣ་ཚོགས་སྐུ་ནི་རྣམ་པར
137a5 འཕྲུལ། ། དེ་ཚེ་རྒྱལ་བ་ཐམས་ཅད་ཀྱང་།། ལྷ་ལ་རྡོ་རྗེ་འཛིན་པ་ཉིད།། ལྷ་མིན་སྟོན་པ་ཕྲག་དོག་རྗེ།། མི་ལ་ཐུབ་པའི་དབང་པོ་སྟེ།། བྱོལ་སོང་སྒྲ་ཡིས་འདུལ་མཛད་པ།། ཡི་དགས་དྲག་པོས་གདུང་བ་སེལ།། དམྱལ་བ་སྡུག་སྔལ
137a6 ཆོས་ཀྱི་རྒྱལ། ། གདུལ་བའི་སྤྲུལ་སྐུ་ངོ་བོར་ཤར།། ལ་ལ་ལྷ་ལས་འཕོ་བ་དང་།། ལ་ལར་ལྷུམས་ཞུགས་བལྟམ་པ་དང་།། དཀའ་ཐུབ་བདུད་བཏུལ་སངས་རྒྱས་ནས།། འཁོར་ལོ་བསྐོར་ཏེ་མྱ་ངན་འདས།། གནས་ལ་ངེས་པ་ཡོད
137a7 མིན་ཏེ། ། དམྱལ་བ་ཡི་དགས་བྱོལ་སོང་དང་།། མི་དང་ལྷ་དང་ལྷ་མིན་ཏེ།། སོ་སོའི་གནས་ཏེ་གང་ཡིན་པ།། འགྲོ་བ་འདུལ་བ་སྟོན་པའི་གནས།། ལྷ་རྣམས་དང་ནི་མི་རྣས་དང་།། ལྷ་མིན་ཡི་དགས་དུད་འགྲོ་དང་།། དམྱལ་བ་སོ་སོའི
137a8 འགྲོ་རིས་དག། རང་རང་མོས་དང་ལས་དབང་གིས།། འདུལ་ཚུལ་ཐ་དད་དབང་གིས་འཁོད།། རང་རང་མོས་པའི་འཕྲང་བའི་ཚེ།། རང་རང་བརྡའ་སྐད་ཐ་དད་པས།། རྟོགས་དང་གྲོལ་བར་གང་གྱུར་པ།། རང་རང་ཇི་བཞིན་སྟོན་པའི
iiif viewer powered by OpenSeadragon
