| e-texts navigator |
| Wylie |
135a1 འབྲེལ་བ་ཡིས། ། ཇི་སྙེད་སྐུ་གསུང་ཐུགས་སྣང་བ།། མོས་དང་ཐབས་ཀྱི་ཁྱད་པར་གྱིས།། རྣམ་པར་སྣང་ཕྱིར་སྣད་མཛད་མཆོག། རྒྱལ་བ་ཀུན་གྱི་ཡོན་ཏན་ནི།། ཚོགས་རྣམས་འདུས་པའི་ངོ་བོ་སྟེ།། ཡོན་ཏན་རིན་ཆེན་ལྷར།
135a2 འབྱུང་བས།། རིན་ཆེན་འབྱུང་བར་གསུངས་པ་ཡིན།། དཔག་ཏུ་མེད་པའི་གསུང་གི་སྒོ།། དབང་པོ་ཐབས་ཀྱི་བྱེ་བྲག་གིས།། དོན་རྟོགས་གསུང་དང་ཡི་གེའི་སྒོ།། མཐའ་ཡས་སྣང་ཕྱིར་མཐའ་ཡས་མཆོག། དཔག་མེད་བུས
135a3 ཇེ་མཛད་པ་ཡི། ། འགྲོ་འོད་མེད་པའི་ཐུགས་རྗེ་ཡིས།། འགྲོ་བ་སྐྱོབ་པའི་དོན་མཛད་པས།། དོན་གྲུབ་ཅེས་ནི་རྣམ་པར་བསྟན།། རིག་པའི་རྒྱལ་པོ་འདི་དག་ཀྱང་།། ཐ་མལ་ལྔ་ཉིད་གནས་དག་ཅིང་།། དེ་ལས་ཐབས་དེས་མངོན་བྱས་པས།
135a4 དེར་དབང་སྒྱུར་ཏེ་ཉིད་སྣང་བ།། རྒྱལ་པོ་ཉིད་དུ་བརྗོད་པ་ཡིན།། སྟེང་འོག་གཉིས་ལས་མངོན་གྱུར་པའི།། སྦྱོར་དང་འཇུ་འདུལ་རླུང་གི་རིམ།། གང་དེ་ཐབས་ལས་མངོན་གྱུར་པའི།། བདེ་བའི་གཟུགས་དང་ཚོར་བ་དང་། འདུ་ཤེས།།
135a5 དང་ནི་འདུ་བྱེད་དང་།། རྣམ་པར་ཟག་མེད་བདེ་བའི་རོས།། དབང་སྒྱུར་ཡེ་ཤེས་རྒྱལ་པོར་བཤད།། གང་ཕྱིར་སྣང་དང་བསྒོམས་དང་བྲིས།། ཕྱག་རྒྱ་རྩ་བཅུད་ཐིག་ལེའི་མདོག། དཀར་དང་དམར་དང་སེར་བ་དང་།། སྔོ་དང་ལྗང་དང་རིས
135a6 ལྡན་པའོ། ། རྒྱལ་བ་ཀུན་གྱི་བདེ་སྐྱིད་ཅིང་།། སྤྱོད་དང་དེ་ལས་འབྱུང་བའི་ཡུམ།། ཐམས་ཅད་དེ་ལས་སྐྱེད་པ་ལྔ།། ཐ་མལ་ཞེན་པ་དག་པ་དང་།། དབང་བསྒྱུར་རྒྱལ་མོ་རྗེ་རང་བཞིན།། སྲ་དང་གཤེར་དང་དྲོད་དང་བསྐྱོད།། ནམ
135a7 མཁའི་ཁམས་ཀྱིས་གང་ཕྱེ་བ། ། སྟེང་འོག་ཐབས་ལས་མངོན་གྱུར་པ།། ཡུལ་དང་ཤེས་པ་དབྱེར་མེད་ཅིང་།། ཐུགས་རྗེ་ཤེས་རབ་འབྲེལ་པ་ཡིས།། འཁོར་བ་དང་ནི་མྱ་ངན་འདས།། གཉིས་མེད་གཟིགས་པ་སྤྱན་གྱི་མཆོག།
135a8 ཟག་མེད་སྟོང་པའི་ཀློང་ཆེན་གྱིས།། སྐྱེད་དང་སྡུད་དང་གནས་པའི་ཕྱིར།། མཐའ་དབུས་བྲལ་བའི་དེ་བཞིན་ཉིད། ནམ་མཁའི་དབྱིངས་ཞེས་གང་བརྗོད་པའོ།། ཐུན་མོང་ཐུན་མོང་མ་ཡིན་པའི།། ལས་དང་ལྟ་བ་ཉོན་མོངས།
iiif viewer powered by OpenSeadragon
