| e-texts navigator |
| Wylie |
133a1 སྟོན་པས་སྙིང་པོ་སྟེ། ། སྙིང་པོ་དང་ནི་འོད་བཞིན་ནོ།། རྒྱུ་དང་འབྲས་བུ་བཅུད་འདུས་པས།། སྙིང་པོ་ཞེས་ནི་བཤད་པ་ཡིན།། གང་ཕྱིར་ཐམས་ཅད་བྱང་ཆུབ་སེམས།། མཐའ་དབུས་ཡོངས་སུ་མ་ཆད་པ།། དངོས་པོ
133a2 གསུམ་གྱིས་ཁྱབ་གྱུར་པ། ། ཡོངས་སུ་རྫོགས་པའི་རྒྱུ་ཡིན་ནོ།། ཐབས་དང་ཤེས་རབ་དབྱེར་མེད་པའི།། དེ་བཞིན་ཉིད་དུ་རྡོ་རྗེས་རིག། བདག་དང་གཞན་དོན་ནུས་པ་རྫོགས།། འབྲས་བུའི་དེ་ཁོ་ན་ཉིད་དོ།། གང་ཕྱིར་དངོས་གཉིས་ཐ
133a3 དད་པར། ། ལོག་པར་བརྟགས་པའི་སྣང་བ་རྣམས།། མུན་ལ་སྣང་དང་གསེར་འགྱུར་ལྟར།། རོ་གཅིག་ཐབས་ཀྱི་དེ་ཁོ་ན།། དེ་ཕྱིར་དེ་ཁོ་ན་ཞེས་བརྗོད།། དངོས་པོ་སྣ་ཚོགས་དབྱེར་མེད་པའི།། ཐ་དད་དོན་མིན་དོན་གཅིག་མིན།།
133a4 དེ་ཉིད་གསང་བའི་ངེས་པ་ནི།། གཞི་དང་ལམ་དང་ངོ་བོ་དང་།། ངེས་པས་ངེས་པ་གསུམ་དུ་བསྟན།། གང་དུ་ཐེག་པ་བཞི་གསུངས་པ།། འགྲོ་བ་འདྲེན་ཕྱིར་མ་ངེས་པ།། རོ་གཅིག་ཐེག་པར་ངེས་གནས་པ།། ངེས་པའི་ཐེག་པ་བླ་ན
133a5 མེད། ། རང་བཞིན་མ་བཅོས་རང་འབྱུང་ལས།། བྱ་བྱེད་རང་གིས་བྲལ་བ་ཡི།། སྣ་ཚོགས་སྒྱུ་མའི་དཀྱིལ་འཁོར་འཕྲུལ། རང་སྣང་སྒྱུ་འཕྲུལ་དྲ་བའོ།། རང་བཞིན་མཐའ་དབུས་མེད་པ་ལས།། རྒྱུ་རྐྱེན་ལས་ཀྱིས་སོ་སོ་འཁྲུལ།། དེ་ཉིད
133a6 བྱང་ཆུབ་སེམས་ཉིད་དེ། ། མཐའ་དབུས་མེད་པར་མཉམ་པར་གནས།། དེ་ལྟར་སོ་སོར་སྣང་བའི་རྒྱུད།། ནམ་མཁའ་དང་རིས་ཕྱེ་བ་ལྟར།། རྒྱུད་ཆེན་སྒྱུ་འཕྲུལ་དྲ་བ་ཡི།། ལམ་གཉིས་འབྲེལ་བར་མངོན་བསྒོམས་པས།། ཐབས
133a7 དང་ཤེས་རབ་དབྱེར་མེད་པའི། ། བདེ་ཆེན་ཐིག་ལེ་མངོན་སྣང་བ།། འཇུག་དང་གྲོལ་བའི་ལམ་ཉིད་དེ།། སྒྱུ་འཕྲུལ་དྲ་བའི་ལམ་དུ་བརྗོད།། རང་བཞིན་ཡོངས་ཀྱི་ཁྱབ་པ་ཡི།། དངོས་དབང་ཐབས་ཀྱིས་འབྲེལ་བ་ཡིས།། རིམ་པ་ཇི
133a8 བཞིན་སྟོབས་གྱུར་པས། ། ཁྱད་པར་ཐབས་ཀྱི་སྒྱུ་འཕྲུལ་ཡིན།། ཐོག་མ་མེད་པའི་རྡོ་རྗེ་སེམས།། ཆོས་ཀུན་རང་གི་ངོ་བོ་ཉིད།། ཟབ་མོ་བསྟན་པ་སྤྱིའི་ལུང་།། ཐབས་དང་ཤེས་རབ་དབྱེར་མེད་པའི།། རྟོགས་པའི་ཆོ་ག་རྒྱས
iiif viewer powered by OpenSeadragon
