| e-texts navigator |
| Wylie |
132b1 ཉིད། རྡོ་རྗེ་ཞེས་ནི་བཤད་པ་ཡིན།། རང་བཞིན་མཐའ་ཐུག་མེད་པའི་ཆོས།། ཐབས་དང་ཤེས་རབ་འབྲེལ་བ་ཡིས།། ཐུགས་སུ་ཆུད་ཅིང་མངོན་རྟོགས་པ།། ཕྱི་ནང་གསང་བའི་སེམས་དཔར་བཤད།། རང་བཞིན་ཐབས
132b2 དང་འབྲས་བུའི་དོན། ། ནུས་པའི་རིམ་པ་སྩལ་སྣང་བ།། ཐབས་དང་ཤེས་རབ་འབྲེལ་བའི་དོན།། སྒྱུ་འཕྲུལ་ཞེས་ནི་བཞིར་བཤད་དོ།། ཐ་དད་མི་ལས་ཐ་དད་པའི།། ངོ་བོ་ཐབས་དང་བདག་ཉིད་དང་།། བྱིན་བརླབས་ཤུགས་ཀྱིས
132b3 འབྲེལ་བ་ནི། ། དྲ་བའི་དོན་ཞེས་བཤད་པ་ཡིན།། མ་བརྗོད་གྲགས་པའི་བསྟན་པ་ཉིད།། སྒྲོ་སྐུར་མེད་དང་ཞལ་ནས་གསུངས།། དྲི་མ་མེད་པའི་ལུང་ཉིད་དོ།། ལས་དང་ཡེ་ཤེས་སྤྱི་ཉིད་དང་།། རྫོགས་པས་རྫོགས་ཕྱིར་ལུང
132b4 ཉིད་དོ། ། བསྟན་པ་སྤྱི་ཡི་བདག་ཉིད་ནི།། ཐམས་ཅད་ཀུན་གྱི་བདག་ཉིད་པས།། གཅིག་དང་དུ་མ་མི་གནས་ཀྱང་།། སོ་སོའི་བསྟན་པ་རྒྱ་མཚོའི་རྒྱུད།། འདི་སྟོན་འདིས་སྟོན་འདི་ཕྱིར་སྟོན།། དོན་ཀུན་འདི་ལ་ཡོངས་རྫོགས་པས
132b5 ལུང་གི་སྤྱི་ཞེས་བཤད་པ་ཡིན། ། གང་ཕྱིར་གསང་བ་ཞེས་བྱ་བ།། སྐུ་དང་གསུང་ཐུགས་བདག་ཉིད་དེ།། རང་བཞིན་ཡེ་ནས་ངོ་བོ་དང་།། ཐབས་དང་འབྲས་བུར་གྱུར་པ་ཉིད།། གསང་བའི་དོན་དུ་འདི་བརྗོད་དོ།། ངང་གིས་དམན་དང
132b6 མ་སྦྱངས་དང་། དབང་དང་དམ་ཚིག་བྲལ་བ་དང་།། རང་བརྟགས་བསྒྲིབས་པས་སའཁྱད་པར།། དེ་དང་དེ་ཡི་དབང་གིས་ན།། རོ་མྱོང་བྲལ་ཕྱིར་གསང་བར་བཤད།། རང་བཞིན་ཐབས་དང་འབྲས་བུ་ཡི།། ཆོས་རྣམས་ཐིག་ལེ་ཆེན
132b7 པོའི་དོན། ། འཇིག་རྟེན་འདས་དང་འཇིག་རྟེན་པ།། མ་ལུས་རོ་ཅིག་དབྱེར་མེད་པ།། ཇི་སྙེད་ཐེག་པའི་ཁྱད་པར་དང་།། བསྟན་པའི་བྱེ་བྲག་གནས་པ་རྣམས། འདིར་འདུས་ཐམས་འདིས་མཚོན་པ་དང་།། རྩ་བར་འགྱུར་བ་ཁོ་ན་ཡིན
132b8 ཐབས་དང་ཤེས་རབ་གཉིས་མེད་པའི། ། བྱང་ཆུབ་སེམས་ཉིད་བདེ་བ་ཆེ།། རང་འབྱུང་ཡེ་ཤེས་ཐོག་མཐའ་མེད།། རྡོ་རྗེ་སེམས་པའི་བདག་ཉིད་དེ།། རྒྱལ་བའི་བྱིན་རླབས་རབ་སྣང་བ།། བསམ་གྱིས་མི་ཁྱབ་ཆེ་བ་རྣམས།། འདི་ལྔ
iiif viewer powered by OpenSeadragon
