| e-texts navigator |
| Wylie |
132a1 ཀྱི་ཕུང་པོ་དག། ནམ་མཁར་མཐའ་ཐུག་བཤད་པ་ཀུན།། གསང་བའི་སྙིང་པོ་ལས་འཕྲོས་པས།། ཇི་སྙེད་བསྐྱེད་དང་རྫོགས་པའི་ལམ།། མ་ལུས་ཀུན་གྱི་སྙིང་པོ་འདི།། ཐེག་པ་དམན་དང་མ་སྦྱངས་དང་།། རིགས་ཆད་དབང་དང་།
132a2 མན་ངག་བྲལ།། ཇི་ལྟར་བལྟས་ཀྱང་མི་སྣང་བ། སྐྱེས་བུ་མཆོག་གི་སྤྱོད་ཡུལ་པས།། རྡུལ་སྙེད་སྦྱངས་པའི་གང་ཟག་ལ།། གསང་ཕྱིར་གསང་བའི་ཐབས་དག་གིས།། དངོས་གྲུབ་མཐའ་ཡས་གྲུབ་ཕྱིར་བསྟན།། ཕྱི་ནང་སྣོད
132a3 བཅུད་མ་ལུས་པའོ། ། རྟེན་དང་བརྟེན་པར་བཅས་པའི་ཆོས།། ཇི་ལྟར་གྲགས་དང་གྲགས་གྱུར་པའི།། ཐམས་ཅད་མ་ལུས་རྒྱུ་གཅིག་ཀྱང་།། རྐྱེན་སྟོབས་ནུས་པ་སོ་སོར་སྣང་།། ཁྱད་པར་རིམ་པར་གང་གནས་པ།། རང་བཞིན་གདུལ
132a4 བྱ་བདེ་གཤེགས་དང་། ། འཁྲུལ་པའི་དབང་གིས་སོ་སོར་སྣང་།། མ་བཅོས་དང་ལ་ཐ་དད་མེད།། རང་སྣང་ལས་ཀྱིས་ཐ་དད་པའི།། བྱེ་བྲག་རྣམ་པར་བསྟན་པ་ཀུན།། དེ་བཞིན་ཉིད་ལ་དགོད་བྱིའི་ཕྱིར།། རྒྱལ་མཆོག་བདེ་ཆེན་ཡོངས
132a5 གང་བས། ། དྲི་བའི་དོན་འདི་ལུང་བརྟན་ཅི།། ཐབས་དང་ཤེས་རབ་འབྲེལ་གྱུར་པའི། གསང་བའི་དོན་ལ་དགོད་དུ་གསོལ།། སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གིས་རྒྱུད་ལས་དྲི་བ་རྩ་བའི་རྒྱུད་ཅེས་བྱ་བ་བཤད་པ་རྟོག
132a6 པའི་རྒྱལ་པོ་རྫོགས་སྷོ། ། །། དེ་ནས་གསང་བདག་རྡོ་རྗེ་འཆང་།། སྐྱེས་བུ་མཚན་དཔེ་རབ་ལྡན་ཅིང་།། དཔག་མེད་རྒྱལ་བས་རབ་བསྐོར་ཞིང་།། རང་འབྱུང་དག་པའི་གཞལ་ཡས་ན།། ཐབས་དང་ཤེས་རབ་འཁྲིལ་སྦྱོར
132a7 ཞིང་། ། ཀུན་ཀྱང་དེ་དང་འཐུན་པ་སྟེ།། འཛུམ་ཞིང་སྡིག་པས་སོས་འདེབས་ཤིང་།། དགྱེས་པའི་ཚུལ་གྱིས་བཀའ་སྩལ་པ།། དཔག་མེད་རྒྱལ་བས་གསུང་བ་དང་།། གསུང་དང་གསུང་འགྱུར་ཐུགས་ཀྱི་རྒྱུད།། ཐོགས་མ་བར་དང
132a8 མཐར་དགེ་བ། ། ཐབས་དང་ཤེས་རབ་དབྱེར་མེད་པའི།། ཆོ་ག་རྒྱས་པར་དྲིས་པའི་མཆོག། ཉོན་ཅིག་ང་ནི་སེམས་པ་བཤད།། ཆོས་རྣམས་མ་ལུས་གཉིས་མེད་པའི།། རང་རིག་བྱང་ཆུབ་སེམས་ཉིད་དེ།། ཐ་དད་མེད་པའི་རང་བཞིན
iiif viewer powered by OpenSeadragon
